𑁯. 𑀕𑀻𑀢𑀲𑁆𑀲𑀭𑀲𑀼𑀢𑁆𑀢𑀁

𑁨𑁦𑁯. [𑀘𑀽𑀴𑀯. 𑁨𑁪𑁯] ‘‘𑀧𑀜𑁆𑀘𑀺𑀫𑁂, 𑀪𑀺𑀓𑁆𑀔𑀯𑁂, 𑀆𑀤𑀻𑀦𑀯𑀸 𑀆𑀬𑀢𑀓𑁂𑀦 𑀕𑀻𑀢𑀲𑁆𑀲𑀭𑁂𑀦 𑀥𑀫𑁆𑀫𑀁 𑀪𑀡𑀦𑁆𑀢𑀲𑁆𑀲. 𑀓𑀢𑀫𑁂 𑀧𑀜𑁆𑀘? 𑀅𑀢𑁆𑀢𑀦𑀸𑀧𑀺 𑀢𑀲𑁆𑀫𑀺𑀁 𑀲𑀭𑁂 𑀲𑀸𑀭𑀚𑁆𑀚𑀢𑀺, 𑀧𑀭𑁂𑀧𑀺 𑀢𑀲𑁆𑀫𑀺𑀁 𑀲𑀭𑁂 𑀲𑀸𑀭𑀚𑁆𑀚𑀦𑁆𑀢𑀺, 𑀕𑀳𑀧𑀢𑀺𑀓𑀸𑀧𑀺 𑀉𑀚𑁆𑀛𑀸𑀬𑀦𑁆𑀢𑀺 𑁋 ‘𑀬𑀣𑁂𑀯 𑀫𑀬𑀁 𑀕𑀸𑀬𑀸𑀫, 𑀏𑀯𑀫𑁂𑀯𑀁 𑀔𑁄 𑀲𑀫𑀡𑀸 𑀲𑀓𑁆𑀬𑀧𑀼𑀢𑁆𑀢𑀺𑀬𑀸 𑀕𑀸𑀬𑀦𑁆𑀢𑀻’𑀢𑀺, 𑀲𑀭𑀓𑀼𑀢𑁆𑀢𑀺𑀫𑁆𑀧𑀺 𑀦𑀺𑀓𑀸𑀫𑀬𑀫𑀸𑀦𑀲𑁆𑀲 𑀲𑀫𑀸𑀥𑀺𑀲𑁆𑀲 𑀪𑀗𑁆𑀕𑁄 𑀳𑁄𑀢𑀺, 𑀧𑀘𑁆𑀙𑀺𑀫𑀸 𑀚𑀦𑀢𑀸 𑀤𑀺𑀝𑁆𑀞𑀸𑀦𑀼𑀕𑀢𑀺𑀁 𑀆𑀧𑀚𑁆𑀚𑀢𑀺. 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀧𑀜𑁆𑀘 𑀆𑀤𑀻𑀦𑀯𑀸 𑀆𑀬𑀢𑀓𑁂𑀦 𑀕𑀻𑀢𑀲𑁆𑀲𑀭𑁂𑀦 𑀥𑀫𑁆𑀫𑀁 𑀪𑀡𑀦𑁆𑀢𑀲𑁆𑀲𑀸’’𑀢𑀺. 𑀦𑀯𑀫𑀁.