𑁨. 𑀉𑀲𑁆𑀲𑀗𑁆𑀓𑀺𑀢𑀲𑀼𑀢𑁆𑀢𑀁

𑁧𑁦𑁨. ‘‘𑀧𑀜𑁆𑀘𑀳𑀺, 𑀪𑀺𑀓𑁆𑀔𑀯𑁂, 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀪𑀺𑀓𑁆𑀔𑀼 𑀉𑀲𑁆𑀲𑀗𑁆𑀓𑀺𑀢𑀧𑀭𑀺𑀲𑀗𑁆𑀓𑀺𑀢𑁄 𑀳𑁄𑀢𑀺 𑀧𑀸𑀧𑀪𑀺𑀓𑁆𑀔𑀽𑀢𑀺 𑀅𑀧𑀺 𑀅𑀓𑀼𑀧𑁆𑀧𑀥𑀫𑁆𑀫𑁄𑀧𑀺 [𑀅𑀧𑀺 𑀅𑀓𑀼𑀧𑁆𑀧𑀥𑀫𑁆𑀫𑁄 (𑀲𑀻. 𑀲𑁆𑀬𑀸. 𑀓𑀁.)].

𑀓𑀢𑀫𑁂𑀳𑀺 𑀧𑀜𑁆𑀘𑀳𑀺? 𑀇𑀥, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀯𑁂𑀲𑀺𑀬𑀸𑀕𑁄𑀘𑀭𑁄 𑀯𑀸 𑀳𑁄𑀢𑀺, 𑀯𑀺𑀥𑀯𑀸𑀕𑁄𑀘𑀭𑁄 𑀯𑀸 𑀳𑁄𑀢𑀺, 𑀣𑀼𑀮𑁆𑀮𑀓𑀼𑀫𑀸𑀭𑀺𑀓𑀸𑀕𑁄𑀘𑀭𑁄 𑀯𑀸 𑀳𑁄𑀢𑀺, 𑀧𑀡𑁆𑀟𑀓𑀕𑁄𑀘𑀭𑁄 𑀯𑀸 𑀳𑁄𑀢𑀺, 𑀪𑀺𑀓𑁆𑀔𑀼𑀦𑀻𑀕𑁄𑀘𑀭𑁄 𑀯𑀸 𑀳𑁄𑀢𑀺.

‘‘𑀇𑀫𑁂𑀳𑀺 𑀔𑁄, 𑀪𑀺𑀓𑁆𑀔𑀯𑁂, 𑀧𑀜𑁆𑀘𑀳𑀺 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀪𑀺𑀓𑁆𑀔𑀼 𑀉𑀲𑁆𑀲𑀗𑁆𑀓𑀺𑀢𑀧𑀭𑀺𑀲𑀗𑁆𑀓𑀺𑀢𑁄 𑀳𑁄𑀢𑀺 𑀧𑀸𑀧𑀪𑀺𑀓𑁆𑀔𑀽𑀢𑀺 𑀅𑀧𑀺 𑀅𑀓𑀼𑀧𑁆𑀧𑀥𑀫𑁆𑀫𑁄𑀧𑀻’’𑀢𑀺. 𑀤𑀼𑀢𑀺𑀬𑀁.