𑁫. 𑀤𑀝𑁆𑀞𑀩𑁆𑀩𑀲𑀼𑀢𑁆𑀢𑀁

𑁧𑁫. ‘‘𑀧𑀜𑁆𑀘𑀺𑀫𑀸𑀦𑀺, 𑀪𑀺𑀓𑁆𑀔𑀯𑁂, 𑀩𑀮𑀸𑀦𑀺. 𑀓𑀢𑀫𑀸𑀦𑀺 𑀧𑀜𑁆𑀘? 𑀲𑀤𑁆𑀥𑀸𑀩𑀮𑀁, 𑀯𑀻𑀭𑀺𑀬𑀩𑀮𑀁, 𑀲𑀢𑀺𑀩𑀮𑀁, 𑀲𑀫𑀸𑀥𑀺𑀩𑀮𑀁, 𑀧𑀜𑁆𑀜𑀸𑀩𑀮𑀁. 𑀓𑀢𑁆𑀣 𑀘, 𑀪𑀺𑀓𑁆𑀔𑀯𑁂, 𑀲𑀤𑁆𑀥𑀸𑀩𑀮𑀁 𑀤𑀝𑁆𑀞𑀩𑁆𑀩𑀁? 𑀘𑀢𑀽𑀲𑀼 𑀲𑁄𑀢𑀸𑀧𑀢𑁆𑀢𑀺𑀬𑀗𑁆𑀕𑁂𑀲𑀼. 𑀏𑀢𑁆𑀣 𑀲𑀤𑁆𑀥𑀸𑀩𑀮𑀁 𑀤𑀝𑁆𑀞𑀩𑁆𑀩𑀁. 𑀓𑀢𑁆𑀣 𑀘, 𑀪𑀺𑀓𑁆𑀔𑀯𑁂, 𑀯𑀻𑀭𑀺𑀬𑀩𑀮𑀁 𑀤𑀝𑁆𑀞𑀩𑁆𑀩𑀁? 𑀘𑀢𑀽𑀲𑀼 𑀲𑀫𑁆𑀫𑀧𑁆𑀧𑀥𑀸𑀦𑁂𑀲𑀼. 𑀏𑀢𑁆𑀣 𑀯𑀻𑀭𑀺𑀬𑀩𑀮𑀁 𑀤𑀝𑁆𑀞𑀩𑁆𑀩𑀁. 𑀓𑀢𑁆𑀣 𑀘, 𑀪𑀺𑀓𑁆𑀔𑀯𑁂, 𑀲𑀢𑀺𑀩𑀮𑀁 𑀤𑀝𑁆𑀞𑀩𑁆𑀩𑀁? 𑀘𑀢𑀽𑀲𑀼 𑀲𑀢𑀺𑀧𑀝𑁆𑀞𑀸𑀦𑁂𑀲𑀼. 𑀏𑀢𑁆𑀣 𑀲𑀢𑀺𑀩𑀮𑀁 𑀤𑀝𑁆𑀞𑀩𑁆𑀩𑀁. 𑀓𑀢𑁆𑀣 𑀘, 𑀪𑀺𑀓𑁆𑀔𑀯𑁂, 𑀲𑀫𑀸𑀥𑀺𑀩𑀮𑀁 𑀤𑀝𑁆𑀞𑀩𑁆𑀩𑀁? 𑀘𑀢𑀽𑀲𑀼 𑀛𑀸𑀦𑁂𑀲𑀼. 𑀏𑀢𑁆𑀣 𑀲𑀫𑀸𑀥𑀺𑀩𑀮𑀁 𑀤𑀝𑁆𑀞𑀩𑁆𑀩𑀁. 𑀓𑀢𑁆𑀣 𑀘, 𑀪𑀺𑀓𑁆𑀔𑀯𑁂, 𑀧𑀜𑁆𑀜𑀸𑀩𑀮𑀁 𑀤𑀝𑁆𑀞𑀩𑁆𑀩𑀁? 𑀘𑀢𑀽𑀲𑀼 𑀅𑀭𑀺𑀬𑀲𑀘𑁆𑀘𑁂𑀲𑀼. 𑀏𑀢𑁆𑀣 𑀧𑀜𑁆𑀜𑀸𑀩𑀮𑀁 𑀤𑀝𑁆𑀞𑀩𑁆𑀩𑀁. 𑀇𑀫𑀸𑀦𑀺 𑀔𑁄, 𑀪𑀺𑀓𑁆𑀔𑀯𑁂, 𑀧𑀜𑁆𑀘 𑀩𑀮𑀸𑀦𑀻’’𑀢𑀺. 𑀧𑀜𑁆𑀘𑀫𑀁.