𑁬. 𑀧𑀼𑀦𑀓𑀽𑀝𑀲𑀼𑀢𑁆𑀢𑀁

𑁧𑁬. ‘‘𑀧𑀜𑁆𑀘𑀺𑀫𑀸𑀦𑀺, 𑀪𑀺𑀓𑁆𑀔𑀯𑁂, 𑀩𑀮𑀸𑀦𑀺. 𑀓𑀢𑀫𑀸𑀦𑀺 𑀧𑀜𑁆𑀘? 𑀲𑀤𑁆𑀥𑀸𑀩𑀮𑀁, 𑀯𑀻𑀭𑀺𑀬𑀩𑀮𑀁, 𑀲𑀢𑀺𑀩𑀮𑀁, 𑀲𑀫𑀸𑀥𑀺𑀩𑀮𑀁, 𑀧𑀜𑁆𑀜𑀸𑀩𑀮𑀁 𑁋 𑀇𑀫𑀸𑀦𑀺 𑀔𑁄, 𑀪𑀺𑀓𑁆𑀔𑀯𑁂, 𑀧𑀜𑁆𑀘 𑀩𑀮𑀸𑀦𑀺. 𑀇𑀫𑁂𑀲𑀁 𑀔𑁄, 𑀪𑀺𑀓𑁆𑀔𑀯𑁂, 𑀧𑀜𑁆𑀘𑀦𑁆𑀦𑀁 𑀩𑀮𑀸𑀦𑀁 𑀏𑀢𑀁 𑀅𑀕𑁆𑀕𑀁 𑀏𑀢𑀁 𑀲𑀗𑁆𑀕𑀸𑀳𑀺𑀓𑀁 𑀏𑀢𑀁 𑀲𑀗𑁆𑀖𑀸𑀢𑀦𑀺𑀬𑀁, 𑀬𑀤𑀺𑀤𑀁 𑀧𑀜𑁆𑀜𑀸𑀩𑀮𑀁. 𑀲𑁂𑀬𑁆𑀬𑀣𑀸𑀧𑀺, 𑀪𑀺𑀓𑁆𑀔𑀯𑁂, 𑀓𑀽𑀝𑀸𑀕𑀸𑀭𑀲𑁆𑀲 𑀏𑀢𑀁 𑀅𑀕𑁆𑀕𑀁 𑀏𑀢𑀁 𑀲𑀗𑁆𑀕𑀸𑀳𑀺𑀓𑀁 𑀏𑀢𑀁 𑀲𑀗𑁆𑀖𑀸𑀢𑀦𑀺𑀬𑀁, 𑀬𑀤𑀺𑀤𑀁 𑀓𑀽𑀝𑀁. 𑀏𑀯𑀫𑁂𑀯𑀁 𑀔𑁄, 𑀪𑀺𑀓𑁆𑀔𑀯𑁂, 𑀇𑀫𑁂𑀲𑀁 𑀧𑀜𑁆𑀘𑀦𑁆𑀦𑀁 𑀩𑀮𑀸𑀦𑀁 𑀏𑀢𑀁 𑀅𑀕𑁆𑀕𑀁 𑀏𑀢𑀁 𑀲𑀗𑁆𑀕𑀸𑀳𑀺𑀓𑀁 𑀏𑀢𑀁 𑀲𑀗𑁆𑀖𑀸𑀢𑀦𑀺𑀬𑀁, 𑀬𑀤𑀺𑀤𑀁 𑀧𑀜𑁆𑀜𑀸𑀩𑀮’’𑀦𑁆𑀢𑀺. 𑀙𑀝𑁆𑀞𑀁.