𑁨. 𑀯𑀺𑀪𑀢𑁆𑀢𑀺𑀲𑀼𑀢𑁆𑀢𑀁

𑁧𑁭𑁨. 𑀢𑀢𑁆𑀭 𑀔𑁄 𑀆𑀬𑀲𑁆𑀫𑀸 𑀲𑀸𑀭𑀺𑀧𑀼𑀢𑁆𑀢𑁄 𑀪𑀺𑀓𑁆𑀔𑀽 𑀆𑀫𑀦𑁆𑀢𑁂𑀲𑀺 𑁋 ‘‘𑀆𑀯𑀼𑀲𑁄 𑀪𑀺𑀓𑁆𑀔𑀯𑁂’’𑀢𑀺. ‘‘𑀆𑀯𑀼𑀲𑁄’’𑀢𑀺 𑀔𑁄 𑀢𑁂 𑀪𑀺𑀓𑁆𑀔𑀽 𑀆𑀬𑀲𑁆𑀫𑀢𑁄 𑀲𑀸𑀭𑀺𑀧𑀼𑀢𑁆𑀢𑀲𑁆𑀲 𑀧𑀘𑁆𑀘𑀲𑁆𑀲𑁄𑀲𑀼𑀁. 𑀆𑀬𑀲𑁆𑀫𑀸 𑀲𑀸𑀭𑀺𑀧𑀼𑀢𑁆𑀢𑁄 𑀏𑀢𑀤𑀯𑁄𑀘 𑁋

‘‘𑀅𑀤𑁆𑀥𑀫𑀸𑀲𑀽𑀧𑀲𑀫𑁆𑀧𑀦𑁆𑀦𑁂𑀦 𑀫𑁂, 𑀆𑀯𑀼𑀲𑁄, 𑀅𑀢𑁆𑀣𑀧𑀝𑀺𑀲𑀫𑁆𑀪𑀺𑀤𑀸 𑀲𑀘𑁆𑀙𑀺𑀓𑀢𑀸 𑀑𑀥𑀺𑀲𑁄 𑀩𑁆𑀬𑀜𑁆𑀚𑀦𑀲𑁄. 𑀢𑀫𑀳𑀁 𑀅𑀦𑁂𑀓𑀧𑀭𑀺𑀬𑀸𑀬𑁂𑀦 𑀆𑀘𑀺𑀓𑁆𑀔𑀸𑀫𑀺 𑀤𑁂𑀲𑁂𑀫𑀺 𑀧𑀜𑁆𑀜𑀸𑀧𑁂𑀫𑀺 𑀧𑀝𑁆𑀞𑀧𑁂𑀫𑀺 𑀯𑀺𑀯𑀭𑀸𑀫𑀺 𑀯𑀺𑀪𑀚𑀸𑀫𑀺 𑀉𑀢𑁆𑀢𑀸𑀦𑀻𑀓𑀭𑁄𑀫𑀺. 𑀬𑀲𑁆𑀲 𑀔𑁄 𑀧𑀦𑀲𑁆𑀲 𑀓𑀗𑁆𑀔𑀸 𑀯𑀸 𑀯𑀺𑀫𑀢𑀺 𑀯𑀸, 𑀲𑁄 𑀫𑀁 𑀧𑀜𑁆𑀳𑁂𑀦. 𑀅𑀳𑀁 𑀯𑁂𑀬𑁆𑀬𑀸𑀓𑀭𑀡𑁂𑀦 𑀲𑀫𑁆𑀫𑀼𑀔𑀻𑀪𑀽𑀢𑁄 𑀦𑁄 𑀲𑀢𑁆𑀣𑀸 𑀬𑁄 𑀦𑁄 𑀥𑀫𑁆𑀫𑀸𑀦𑀁 𑀲𑀼𑀓𑀼𑀲𑀮𑁄.

‘‘𑀅𑀤𑁆𑀥𑀫𑀸𑀲𑀽𑀧𑀲𑀫𑁆𑀧𑀦𑁆𑀦𑁂𑀦 𑀫𑁂, 𑀆𑀯𑀼𑀲𑁄, 𑀥𑀫𑁆𑀫𑀧𑀝𑀺𑀲𑀫𑁆𑀪𑀺𑀤𑀸 𑀲𑀘𑁆𑀙𑀺𑀓𑀢𑀸 𑀑𑀥𑀺𑀲𑁄 𑀩𑁆𑀬𑀜𑁆𑀚𑀦𑀲𑁄. 𑀢𑀫𑀳𑀁 𑀅𑀦𑁂𑀓𑀧𑀭𑀺𑀬𑀸𑀬𑁂𑀦 𑀆𑀘𑀺𑀓𑁆𑀔𑀸𑀫𑀺 𑀤𑁂𑀲𑁂𑀫𑀺 𑀧𑀜𑁆𑀜𑀸𑀧𑁂𑀫𑀺 𑀧𑀝𑁆𑀞𑀧𑁂𑀫𑀺 𑀯𑀺𑀯𑀭𑀸𑀫𑀺 𑀯𑀺𑀪𑀚𑀸𑀫𑀺 𑀉𑀢𑁆𑀢𑀸𑀦𑀻𑀓𑀭𑁄𑀫𑀺. 𑀬𑀲𑁆𑀲 𑀔𑁄 𑀧𑀦𑀲𑁆𑀲 𑀓𑀗𑁆𑀔𑀸 𑀯𑀸 𑀯𑀺𑀫𑀢𑀺 𑀯𑀸, 𑀲𑁄 𑀫𑀁 𑀧𑀜𑁆𑀳𑁂𑀦. 𑀅𑀳𑀁 𑀯𑁂𑀬𑁆𑀬𑀸𑀓𑀭𑀡𑁂𑀦 𑀲𑀫𑁆𑀫𑀼𑀔𑀻𑀪𑀽𑀢𑁄 𑀦𑁄 𑀲𑀢𑁆𑀣𑀸 𑀬𑁄 𑀦𑁄 𑀥𑀫𑁆𑀫𑀸𑀦𑀁 𑀲𑀼𑀓𑀼𑀲𑀮𑁄.

‘‘𑀅𑀤𑁆𑀥𑀫𑀸𑀲𑀽𑀧𑀲𑀫𑁆𑀧𑀦𑁆𑀦𑁂𑀦 𑀫𑁂, 𑀆𑀯𑀼𑀲𑁄, 𑀦𑀺𑀭𑀼𑀢𑁆𑀢𑀺𑀧𑀝𑀺𑀲𑀫𑁆𑀪𑀺𑀤𑀸 𑀲𑀘𑁆𑀙𑀺𑀓𑀢𑀸 𑀑𑀥𑀺𑀲𑁄 𑀩𑁆𑀬𑀜𑁆𑀚𑀦𑀲𑁄. 𑀢𑀫𑀳𑀁 𑀅𑀦𑁂𑀓𑀧𑀭𑀺𑀬𑀸𑀬𑁂𑀦 𑀆𑀘𑀺𑀓𑁆𑀔𑀸𑀫𑀺 𑀤𑁂𑀲𑁂𑀫𑀺 𑀧𑀜𑁆𑀜𑀸𑀧𑁂𑀫𑀺 𑀧𑀝𑁆𑀞𑀧𑁂𑀫𑀺 𑀯𑀺𑀯𑀭𑀸𑀫𑀺 𑀯𑀺𑀪𑀚𑀸𑀫𑀺 𑀉𑀢𑁆𑀢𑀸𑀦𑀻𑀓𑀭𑁄𑀫𑀺. 𑀬𑀲𑁆𑀲 𑀔𑁄 𑀧𑀦𑀲𑁆𑀲 𑀓𑀗𑁆𑀔𑀸 𑀯𑀸 𑀯𑀺𑀫𑀢𑀺 𑀯𑀸, 𑀲𑁄 𑀫𑀁 𑀧𑀜𑁆𑀳𑁂𑀦. 𑀅𑀳𑀁 𑀯𑁂𑀬𑁆𑀬𑀸𑀓𑀭𑀡𑁂𑀦 𑀲𑀫𑁆𑀫𑀼𑀔𑀻𑀪𑀽𑀢𑁄 𑀦𑁄 𑀲𑀢𑁆𑀣𑀸 𑀬𑁄 𑀦𑁄 𑀥𑀫𑁆𑀫𑀸𑀦𑀁 𑀲𑀼𑀓𑀼𑀲𑀮𑁄.

‘‘𑀅𑀤𑁆𑀥𑀫𑀸𑀲𑀽𑀧𑀲𑀫𑁆𑀧𑀦𑁆𑀦𑁂𑀦 𑀫𑁂, 𑀆𑀯𑀼𑀲𑁄, 𑀧𑀝𑀺𑀪𑀸𑀦𑀧𑀝𑀺𑀲𑀫𑁆𑀪𑀺𑀤𑀸 𑀲𑀘𑁆𑀙𑀺𑀓𑀢𑀸 𑀑𑀥𑀺𑀲𑁄 𑀩𑁆𑀬𑀜𑁆𑀚𑀦𑀲𑁄. 𑀢𑀫𑀳𑀁 𑀅𑀦𑁂𑀓𑀧𑀭𑀺𑀬𑀸𑀬𑁂𑀦 𑀆𑀘𑀺𑀓𑁆𑀔𑀸𑀫𑀺 𑀤𑁂𑀲𑁂𑀫𑀺 𑀧𑀜𑁆𑀜𑀸𑀧𑁂𑀫𑀺 𑀧𑀝𑁆𑀞𑀧𑁂𑀫𑀺 𑀯𑀺𑀯𑀭𑀸𑀫𑀺 𑀯𑀺𑀪𑀚𑀸𑀫𑀺 𑀉𑀢𑁆𑀢𑀸𑀦𑀻𑀓𑀭𑁄𑀫𑀺. 𑀬𑀲𑁆𑀲 𑀔𑁄 𑀧𑀦𑀲𑁆𑀲 𑀓𑀗𑁆𑀔𑀸 𑀯𑀸 𑀯𑀺𑀫𑀢𑀺 𑀯𑀸, 𑀲𑁄 𑀫𑀁 𑀧𑀜𑁆𑀳𑁂𑀦. 𑀅𑀳𑀁 𑀯𑁂𑀬𑁆𑀬𑀸𑀓𑀭𑀡𑁂𑀦 𑀲𑀫𑁆𑀫𑀼𑀔𑀻𑀪𑀽𑀢𑁄 𑀦𑁄 𑀲𑀢𑁆𑀣𑀸 𑀬𑁄 𑀦𑁄 𑀥𑀫𑁆𑀫𑀸𑀦𑀁 𑀲𑀼𑀓𑀼𑀲𑀮𑁄’’𑀢𑀺. 𑀤𑀼𑀢𑀺𑀬𑀁.