𑁭. 𑀅𑀘𑀺𑀦𑁆𑀢𑁂𑀬𑁆𑀬𑀲𑀼𑀢𑁆𑀢𑀁

𑁭𑁭. ‘‘𑀘𑀢𑁆𑀢𑀸𑀭𑀺𑀫𑀸𑀦𑀺, 𑀪𑀺𑀓𑁆𑀔𑀯𑁂, 𑀅𑀘𑀺𑀦𑁆𑀢𑁂𑀬𑁆𑀬𑀸𑀦𑀺, 𑀦 𑀘𑀺𑀦𑁆𑀢𑁂𑀢𑀩𑁆𑀩𑀸𑀦𑀺; 𑀬𑀸𑀦𑀺 𑀘𑀺𑀦𑁆𑀢𑁂𑀦𑁆𑀢𑁄 𑀉𑀫𑁆𑀫𑀸𑀤𑀲𑁆𑀲 𑀯𑀺𑀖𑀸𑀢𑀲𑁆𑀲 𑀪𑀸𑀕𑀻 𑀅𑀲𑁆𑀲. 𑀓𑀢𑀫𑀸𑀦𑀺 𑀘𑀢𑁆𑀢𑀸𑀭𑀺? 𑀩𑀼𑀤𑁆𑀥𑀸𑀦𑀁, 𑀪𑀺𑀓𑁆𑀔𑀯𑁂, 𑀩𑀼𑀤𑁆𑀥𑀯𑀺𑀲𑀬𑁄 𑀅𑀘𑀺𑀦𑁆𑀢𑁂𑀬𑁆𑀬𑁄, 𑀦 𑀘𑀺𑀦𑁆𑀢𑁂𑀢𑀩𑁆𑀩𑁄; 𑀬𑀁 𑀘𑀺𑀦𑁆𑀢𑁂𑀦𑁆𑀢𑁄 𑀉𑀫𑁆𑀫𑀸𑀤𑀲𑁆𑀲 𑀯𑀺𑀖𑀸𑀢𑀲𑁆𑀲 𑀪𑀸𑀕𑀻 𑀅𑀲𑁆𑀲. 𑀛𑀸𑀬𑀺𑀲𑁆𑀲, 𑀪𑀺𑀓𑁆𑀔𑀯𑁂, 𑀛𑀸𑀦𑀯𑀺𑀲𑀬𑁄 𑀅𑀘𑀺𑀦𑁆𑀢𑁂𑀬𑁆𑀬𑁄, 𑀦 𑀘𑀺𑀦𑁆𑀢𑁂𑀢𑀩𑁆𑀩𑁄; 𑀬𑀁 𑀘𑀺𑀦𑁆𑀢𑁂𑀦𑁆𑀢𑁄 𑀉𑀫𑁆𑀫𑀸𑀤𑀲𑁆𑀲 𑀯𑀺𑀖𑀸𑀢𑀲𑁆𑀲 𑀪𑀸𑀕𑀻 𑀅𑀲𑁆𑀲. 𑀓𑀫𑁆𑀫𑀯𑀺𑀧𑀸𑀓𑁄, 𑀪𑀺𑀓𑁆𑀔𑀯𑁂, 𑀅𑀘𑀺𑀦𑁆𑀢𑁂𑀬𑁆𑀬𑁄, 𑀦 𑀘𑀺𑀦𑁆𑀢𑁂𑀢𑀩𑁆𑀩𑁄; 𑀬𑀁 𑀘𑀺𑀦𑁆𑀢𑁂𑀦𑁆𑀢𑁄 𑀉𑀫𑁆𑀫𑀸𑀤𑀲𑁆𑀲 𑀯𑀺𑀖𑀸𑀢𑀲𑁆𑀲 𑀪𑀸𑀕𑀻 𑀅𑀲𑁆𑀲. 𑀮𑁄𑀓𑀘𑀺𑀦𑁆𑀢𑀸, 𑀪𑀺𑀓𑁆𑀔𑀯𑁂, 𑀅𑀘𑀺𑀦𑁆𑀢𑁂𑀬𑁆𑀬𑀸, 𑀦 𑀘𑀺𑀦𑁆𑀢𑁂𑀢𑀩𑁆𑀩𑀸; 𑀬𑀁 𑀘𑀺𑀦𑁆𑀢𑁂𑀦𑁆𑀢𑁄 𑀉𑀫𑁆𑀫𑀸𑀤𑀲𑁆𑀲 𑀯𑀺𑀖𑀸𑀢𑀲𑁆𑀲 𑀪𑀸𑀕𑀻 𑀅𑀲𑁆𑀲. 𑀇𑀫𑀸𑀦𑀺 𑀔𑁄, 𑀪𑀺𑀓𑁆𑀔𑀯𑁂, 𑀘𑀢𑁆𑀢𑀸𑀭𑀺 𑀅𑀘𑀺𑀦𑁆𑀢𑁂𑀬𑁆𑀬𑀸𑀦𑀺, 𑀦 𑀘𑀺𑀦𑁆𑀢𑁂𑀢𑀩𑁆𑀩𑀸𑀦𑀺; 𑀬𑀸𑀦𑀺 𑀘𑀺𑀦𑁆𑀢𑁂𑀦𑁆𑀢𑁄 𑀉𑀫𑁆𑀫𑀸𑀤𑀲𑁆𑀲 𑀯𑀺𑀖𑀸𑀢𑀲𑁆𑀲 𑀪𑀸𑀕𑀻 𑀅𑀲𑁆𑀲𑀸’’𑀢𑀺. 𑀲𑀢𑁆𑀢𑀫𑀁.