(𑁧𑁬) 𑁧. 𑀧𑀼𑀕𑁆𑀕𑀮𑀯𑀕𑁆𑀕𑁄

𑁧. 𑀲𑁂𑀯𑀺𑀢𑀩𑁆𑀩𑀲𑀼𑀢𑁆𑀢𑀁

𑁧𑁫𑁫. ‘‘𑀤𑀲𑀳𑀺, 𑀪𑀺𑀓𑁆𑀔𑀯𑁂, 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀧𑀼𑀕𑁆𑀕𑀮𑁄 𑀦 𑀲𑁂𑀯𑀺𑀢𑀩𑁆𑀩𑁄. 𑀓𑀢𑀫𑁂𑀳𑀺 𑀤𑀲𑀳𑀺? 𑀫𑀺𑀘𑁆𑀙𑀸𑀤𑀺𑀝𑁆𑀞𑀺𑀓𑁄 𑀳𑁄𑀢𑀺, 𑀫𑀺𑀘𑁆𑀙𑀸𑀲𑀗𑁆𑀓𑀧𑁆𑀧𑁄 𑀳𑁄𑀢𑀺, 𑀫𑀺𑀘𑁆𑀙𑀸𑀯𑀸𑀘𑁄 𑀳𑁄𑀢𑀺, 𑀫𑀺𑀘𑁆𑀙𑀸𑀓𑀫𑁆𑀫𑀦𑁆𑀢𑁄 𑀳𑁄𑀢𑀺, 𑀫𑀺𑀘𑁆𑀙𑀸𑀆𑀚𑀻𑀯𑁄 𑀳𑁄𑀢𑀺, 𑀫𑀺𑀘𑁆𑀙𑀸𑀯𑀸𑀬𑀸𑀫𑁄 𑀳𑁄𑀢𑀺, 𑀫𑀺𑀘𑁆𑀙𑀸𑀲𑀢𑀺 𑀳𑁄𑀢𑀺, 𑀫𑀺𑀘𑁆𑀙𑀸𑀲𑀫𑀸𑀥𑀺 𑀳𑁄𑀢𑀺, 𑀫𑀺𑀘𑁆𑀙𑀸𑀜𑀸𑀡𑀻 𑀳𑁄𑀢𑀺, 𑀫𑀺𑀘𑁆𑀙𑀸𑀯𑀺𑀫𑀼𑀢𑁆𑀢𑀺 𑀳𑁄𑀢𑀺 𑁋 𑀇𑀫𑁂𑀳𑀺 𑀔𑁄, 𑀪𑀺𑀓𑁆𑀔𑀯𑁂, 𑀤𑀲𑀳𑀺 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀧𑀼𑀕𑁆𑀕𑀮𑁄 𑀦 𑀲𑁂𑀯𑀺𑀢𑀩𑁆𑀩𑁄.

‘‘𑀤𑀲𑀳𑀺, 𑀪𑀺𑀓𑁆𑀔𑀯𑁂, 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀧𑀼𑀕𑁆𑀕𑀮𑁄 𑀲𑁂𑀯𑀺𑀢𑀩𑁆𑀩𑁄. 𑀓𑀢𑀫𑁂𑀳𑀺 𑀤𑀲𑀳𑀺? 𑀲𑀫𑁆𑀫𑀸𑀤𑀺𑀝𑁆𑀞𑀺𑀓𑁄 𑀳𑁄𑀢𑀺, 𑀲𑀫𑁆𑀫𑀸𑀲𑀗𑁆𑀓𑀧𑁆𑀧𑁄 𑀳𑁄𑀢𑀺, 𑀲𑀫𑁆𑀫𑀸𑀯𑀸𑀘𑁄 𑀳𑁄𑀢𑀺, 𑀲𑀫𑁆𑀫𑀸𑀓𑀫𑁆𑀫𑀦𑁆𑀢𑁄 𑀳𑁄𑀢𑀺, 𑀲𑀫𑁆𑀫𑀸𑀆𑀚𑀻𑀯𑁄 𑀳𑁄𑀢𑀺, 𑀲𑀫𑁆𑀫𑀸𑀯𑀸𑀬𑀸𑀫𑁄 𑀳𑁄𑀢𑀺, 𑀲𑀫𑁆𑀫𑀸𑀲𑀢𑀺 𑀳𑁄𑀢𑀺, 𑀲𑀫𑁆𑀫𑀸𑀲𑀫𑀸𑀥𑀺 𑀳𑁄𑀢𑀺, 𑀲𑀫𑁆𑀫𑀸𑀜𑀸𑀡𑀻 𑀳𑁄𑀢𑀺, 𑀲𑀫𑁆𑀫𑀸𑀯𑀺𑀫𑀼𑀢𑁆𑀢𑀺 𑀳𑁄𑀢𑀺 𑁋 𑀇𑀫𑁂𑀳𑀺 𑀔𑁄, 𑀪𑀺𑀓𑁆𑀔𑀯𑁂, 𑀤𑀲𑀳𑀺 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀧𑀼𑀕𑁆𑀕𑀮𑁄 𑀲𑁂𑀯𑀺𑀢𑀩𑁆𑀩𑁄’’𑀢𑀺.

𑁨-𑁧𑁨. 𑀪𑀚𑀺𑀢𑀩𑁆𑀩𑀸𑀤𑀺𑀲𑀼𑀢𑁆𑀢𑀸𑀦𑀺

𑁧𑁫𑁬-𑁧𑁬𑁬. ‘‘𑀤𑀲𑀳𑀺, 𑀪𑀺𑀓𑁆𑀔𑀯𑁂, 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀧𑀼𑀕𑁆𑀕𑀮𑁄 𑀦 𑀪𑀚𑀺𑀢𑀩𑁆𑀩𑁄…𑀧𑁂… 𑀪𑀚𑀺𑀢𑀩𑁆𑀩𑁄…𑀧𑁂… 𑀦 𑀧𑀬𑀺𑀭𑀼𑀧𑀸𑀲𑀺𑀢𑀩𑁆𑀩𑁄… 𑀧𑀬𑀺𑀭𑀼𑀧𑀸𑀲𑀺𑀢𑀩𑁆𑀩𑁄…𑀧𑁂… 𑀦 𑀧𑀼𑀚𑁆𑀚𑁄 𑀳𑁄𑀢𑀺… 𑀧𑀼𑀚𑁆𑀚𑁄 𑀳𑁄𑀢𑀺…𑀧𑁂… 𑀦 𑀧𑀸𑀲𑀁𑀲𑁄 𑀳𑁄𑀢𑀺… 𑀧𑀸𑀲𑀁𑀲𑁄 𑀳𑁄𑀢𑀺…𑀧𑁂… 𑀅𑀕𑀸𑀭𑀯𑁄 𑀳𑁄𑀢𑀺… 𑀲𑀕𑀸𑀭𑀯𑁄 𑀳𑁄𑀢𑀺…𑀧𑁂… 𑀅𑀧𑁆𑀧𑀢𑀺𑀲𑁆𑀲𑁄 𑀳𑁄𑀢𑀺… 𑀲𑀧𑁆𑀧𑀢𑀺𑀲𑁆𑀲𑁄 𑀳𑁄𑀢𑀺…𑀧𑁂… 𑀦 𑀆𑀭𑀸𑀥𑀓𑁄 𑀳𑁄𑀢𑀺 … 𑀆𑀭𑀸𑀥𑀓𑁄 𑀳𑁄𑀢𑀺…𑀧𑁂… 𑀦 𑀯𑀺𑀲𑀼𑀚𑁆𑀛𑀢𑀺… 𑀯𑀺𑀲𑀼𑀚𑁆𑀛𑀢𑀺…𑀧𑁂… 𑀫𑀸𑀦𑀁 𑀦𑀸𑀥𑀺𑀪𑁄𑀢𑀺… 𑀫𑀸𑀦𑀁 𑀅𑀥𑀺𑀪𑁄𑀢𑀺…𑀧𑁂. … 𑀧𑀜𑁆𑀜𑀸𑀬 𑀦 𑀯𑀟𑁆𑀠𑀢𑀺… 𑀧𑀜𑁆𑀜𑀸𑀬 𑀯𑀟𑁆𑀠𑀢𑀺…𑀧𑁂….

‘‘𑀩𑀳𑀼𑀁 𑀅𑀧𑀼𑀜𑁆𑀜𑀁 𑀧𑀲𑀯𑀢𑀺… 𑀩𑀳𑀼𑀁 𑀧𑀼𑀜𑁆𑀜𑀁 𑀧𑀲𑀯𑀢𑀺. 𑀓𑀢𑀫𑁂𑀳𑀺 𑀤𑀲𑀳𑀺? 𑀲𑀫𑁆𑀫𑀸𑀤𑀺𑀝𑁆𑀞𑀺𑀓𑁄 𑀳𑁄𑀢𑀺, 𑀲𑀫𑁆𑀫𑀸𑀲𑀗𑁆𑀓𑀧𑁆𑀧𑁄 𑀳𑁄𑀢𑀺, 𑀲𑀫𑁆𑀫𑀸𑀯𑀸𑀘𑁄 𑀳𑁄𑀢𑀺, 𑀲𑀫𑁆𑀫𑀸𑀓𑀫𑁆𑀫𑀦𑁆𑀢𑁄 𑀳𑁄𑀢𑀺, 𑀲𑀫𑁆𑀫𑀸𑀆𑀚𑀻𑀯𑁄 𑀳𑁄𑀢𑀺, 𑀲𑀫𑁆𑀫𑀸𑀯𑀸𑀬𑀸𑀫𑁄 𑀳𑁄𑀢𑀺, 𑀲𑀫𑁆𑀫𑀸𑀲𑀢𑀺 𑀳𑁄𑀢𑀺, 𑀲𑀫𑁆𑀫𑀸𑀲𑀫𑀸𑀥𑀺 𑀳𑁄𑀢𑀺, 𑀲𑀫𑁆𑀫𑀸𑀜𑀸𑀡𑀻 𑀳𑁄𑀢𑀺, 𑀲𑀫𑁆𑀫𑀸𑀯𑀺𑀫𑀼𑀢𑁆𑀢𑀺 𑀳𑁄𑀢𑀺 𑁋 𑀇𑀫𑁂𑀳𑀺 𑀔𑁄, 𑀪𑀺𑀓𑁆𑀔𑀯𑁂, 𑀤𑀲𑀳𑀺 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀧𑀼𑀕𑁆𑀕𑀮𑁄 𑀩𑀳𑀼𑀁 𑀧𑀼𑀜𑁆𑀜𑀁 𑀧𑀲𑀯𑀢𑀻’’𑀢𑀺.

𑀧𑀼𑀕𑁆𑀕𑀮𑀯𑀕𑁆𑀕𑁄 𑀧𑀞𑀫𑁄.