𑁮. 𑀤𑀼𑀢𑀺𑀬𑀧𑀘𑁆𑀘𑁄𑀭𑁄𑀳𑀡𑀻𑀲𑀼𑀢𑁆𑀢𑀁

𑁧𑁨𑁦. ‘‘𑀅𑀭𑀺𑀬𑀁 𑀯𑁄, 𑀪𑀺𑀓𑁆𑀔𑀯𑁂, 𑀧𑀘𑁆𑀘𑁄𑀭𑁄𑀳𑀡𑀺𑀁 𑀤𑁂𑀲𑁂𑀲𑁆𑀲𑀸𑀫𑀺. 𑀢𑀁 𑀲𑀼𑀡𑀸𑀣… 𑀓𑀢𑀫𑀸 𑀘, 𑀪𑀺𑀓𑁆𑀔𑀯𑁂, 𑀅𑀭𑀺𑀬𑀸 𑀧𑀘𑁆𑀘𑁄𑀭𑁄𑀳𑀡𑀻? 𑀇𑀥, 𑀪𑀺𑀓𑁆𑀔𑀯𑁂, 𑀅𑀭𑀺𑀬𑀲𑀸𑀯𑀓𑁄 𑀇𑀢𑀺 𑀧𑀝𑀺𑀲𑀜𑁆𑀘𑀺𑀓𑁆𑀔𑀢𑀺 𑁋 ‘𑀫𑀺𑀘𑁆𑀙𑀸𑀤𑀺𑀝𑁆𑀞𑀺𑀬𑀸 𑀔𑁄 𑀧𑀸𑀧𑀓𑁄 𑀯𑀺𑀧𑀸𑀓𑁄 𑁋 𑀤𑀺𑀝𑁆𑀞𑁂 𑀘𑁂𑀯 𑀥𑀫𑁆𑀫𑁂 𑀅𑀪𑀺𑀲𑀫𑁆𑀧𑀭𑀸𑀬𑀜𑁆𑀘𑀸’𑀢𑀺. 𑀲𑁄 𑀇𑀢𑀺 𑀧𑀝𑀺𑀲𑀗𑁆𑀔𑀸𑀬 𑀫𑀺𑀘𑁆𑀙𑀸𑀤𑀺𑀝𑁆𑀞𑀺𑀁 𑀧𑀚𑀳𑀢𑀺; 𑀫𑀺𑀘𑁆𑀙𑀸𑀤𑀺𑀝𑁆𑀞𑀺𑀬𑀸 𑀧𑀘𑁆𑀘𑁄𑀭𑁄𑀳𑀢𑀺. 𑀫𑀺𑀘𑁆𑀙𑀸𑀲𑀗𑁆𑀓𑀧𑁆𑀧𑀲𑁆𑀲 𑀔𑁄 𑀧𑀸𑀧𑀓𑁄 𑀯𑀺𑀧𑀸𑀓𑁄… 𑀫𑀺𑀘𑁆𑀙𑀸𑀯𑀸𑀘𑀸𑀬 𑀔𑁄… 𑀫𑀺𑀘𑁆𑀙𑀸𑀓𑀫𑁆𑀫𑀦𑁆𑀢𑀲𑁆𑀲 𑀔𑁄… 𑀫𑀺𑀘𑁆𑀙𑀸𑀆𑀚𑀻𑀯𑀲𑁆𑀲 𑀔𑁄… 𑀫𑀺𑀘𑁆𑀙𑀸𑀯𑀸𑀬𑀸𑀫𑀲𑁆𑀲 𑀔𑁄… 𑀫𑀺𑀘𑁆𑀙𑀸𑀲𑀢𑀺𑀬𑀸 𑀔𑁄… 𑀫𑀺𑀘𑁆𑀙𑀸𑀲𑀫𑀸𑀥𑀺𑀲𑁆𑀲 𑀔𑁄… 𑀫𑀺𑀘𑁆𑀙𑀸𑀜𑀸𑀡𑀲𑁆𑀲 𑀔𑁄… 𑀫𑀺𑀘𑁆𑀙𑀸𑀯𑀺𑀫𑀼𑀢𑁆𑀢𑀺𑀬𑀸 𑀔𑁄 𑀧𑀸𑀧𑀓𑁄 𑀯𑀺𑀧𑀸𑀓𑁄 𑁋 𑀤𑀺𑀝𑁆𑀞𑁂 𑀘𑁂𑀯 𑀥𑀫𑁆𑀫𑁂 𑀅𑀪𑀺𑀲𑀫𑁆𑀧𑀭𑀸𑀬𑀜𑁆𑀘𑀸𑀢𑀺. 𑀲𑁄 𑀇𑀢𑀺 𑀧𑀝𑀺𑀲𑀗𑁆𑀔𑀸𑀬 𑀫𑀺𑀘𑁆𑀙𑀸𑀯𑀺𑀫𑀼𑀢𑁆𑀢𑀺𑀁 𑀧𑀚𑀳𑀢𑀺; 𑀫𑀺𑀘𑁆𑀙𑀸𑀯𑀺𑀫𑀼𑀢𑁆𑀢𑀺𑀬𑀸 𑀧𑀘𑁆𑀘𑁄𑀭𑁄𑀳𑀢𑀺. 𑀅𑀬𑀁 𑀯𑀼𑀘𑁆𑀘𑀢𑀺, 𑀪𑀺𑀓𑁆𑀔𑀯𑁂, 𑀅𑀭𑀺𑀬𑀸 𑀧𑀘𑁆𑀘𑁄𑀭𑁄𑀳𑀡𑀻’’𑀢𑀺. 𑀅𑀝𑁆𑀞𑀫𑀁.