১১. নিরোধকথাৰণ্ণনা

৩৫৩. যেসং দ্ৰিন্নন্তি যেসং দ্ৰিন্নং দুক্খসচ্চানং. দ্ৰীহি নিরোধেহীতি অপ্পটিসঙ্খাপটিসঙ্খাসঙ্খাতেহি দ্ৰীহি নিরোধেহি. তত্থ দুক্খাদীনং পটিসঙ্খাতি পটিসঙ্খা, পঞ্ঞাৰিসেসো. তেন ৰত্তব্বো নিরোধো পটিসঙ্খানিরোধো. যো সাসৰেহি ধম্মেহি ৰিসংযোগোতি ৰুচ্চতি, যো পচ্চযৰেকল্লেন ধম্মানং উপ্পাদস্স অচ্চন্তৰিবন্ধভূতো নিরোধো, সো পটিসঙ্খায নৰত্তব্বতো অপ্পটিসঙ্খানিরোধো নামাতি পরৰাদিনো লদ্ধি. পটিসঙ্খায ৰিনা নিরুদ্ধাতি পচ্চযৰেকল্লেন অনুপ্পত্তিং সন্ধায ৰুত্তং. তেনাহ ‘‘ন উপ্পজ্জিত্ৰা ভঙ্গা’’তি. অনুপ্পাদোপি হি নিরোধোতি ৰুচ্চতি যতো ‘‘ইমস্সুপ্পাদা ইদং উপ্পজ্জতী’’তি লক্খণুদ্দেসস্স পটিলোমে ‘‘ইমস্স নিরোধা ইদং নিরুজ্ঝতী’’তি দস্সিতো. তেনাতি পটিসঙ্খায নিরোধস্স খণিকনিরোধস্স চ ইধ নাধিপ্পেতত্তা.

নিরোধকথাৰণ্ণনা নিট্ঠিতা.

দুতিযৰগ্গৰণ্ণনা নিট্ঠিতা.