২. নত্থিঅরহতোঅকালমচ্চূতিকথাৰণ্ণনা

৭৮০. অলদ্ধৰিপাকৰারানন্তি ৰিপাকদানং পতি অলদ্ধোকাসানং. ব্যন্তীভাৰন্তি ৰিগতন্ততং, ৰিগমং অৰিপাকন্তি অত্থো.

৭৮১. ততো পরন্তি ব্যতিরেকেন অত্থসিদ্ধি, ন কেৰলেন অন্ৰযেনাতি আহ ‘‘তাৰ ন কমতি, ততো পরং কমতীতি লদ্ধিযা পটিক্খিপতী’’তি. তত্থ ততো পরন্তি পুব্বে কতস্স কম্মস্স পরিক্খযগমনতো পরং. নত্থি পাণাতিপাতো পাণাতিপাতলক্খণাভাৰতোতি অধিপ্পাযো. তমেৰ লক্খণাভাৰং দস্সেতুং ‘‘পাণোপাণসঞ্ঞিতা’’তিআদি ৰুত্তং. তত্থ ন তেনাতি যো পরেন উপক্কমো কতো, তেন উপক্কমেন ন মতো, ধম্মতামরণেনেৰ মতোতি দুব্বিঞ্ঞেয্যং অৰিসেসৰিদূহি, দুব্বিঞ্ঞেয্যং ৰা হোতু সুৰিঞ্ঞেয্যং ৰা, অঙ্গপারিপূরিযাৰ পাণাতিপাতো.

নত্থিঅরহতোঅকালমচ্চূতিকথাৰণ্ণনা নিট্ঠিতা.