১১. একাদসমনযো সঙ্গহিতেনসম্পযুত্তৰিপ্পযুত্তপদৰণ্ণনা

৪০৯. তেতি সঙ্খারক্খন্ধধম্মা. সেসেহীতি অৰসিট্ঠেহি ৰেদনাসঞ্ঞাৰিঞ্ঞাণক্খন্ধেহি. ‘‘এতেন সহ সম্বন্ধো’’তি ইমিনা পদানং সম্বন্ধদস্সনমুখেন ‘‘সমুদযসচ্চেন যে ধম্মা সম্পযুত্তা’’তি পাল়িযা অত্থৰিৰরণং পাকটতরং কত্ৰা কেহিচীতিপদস্সত্থং কাতুং ‘‘কেহিচীতি এতস্স পনা’’তিআদিমাহ. অত্থং দস্সেতুং আহাতি সম্বন্ধো. ৰিসেসেত্ৰাতি এত্থ তেসং ধম্মানং তণ্হাৰজ্জানং সঙ্খারক্খন্ধধম্মাযতনধম্মধাতুপরিযাপন্নতাকিত্তনং ৰিসেসনং দট্ঠব্বং, যতো তে সমুদযসচ্চেন খন্ধাদিসঙ্গহেন সঙ্গহিতাতি ৰুত্তা. সযং অত্তনা সম্পযুত্তো ন হোতীতি ৰুত্তং ‘‘অত্তৰজ্জেহী’’তি. তেন ৰুত্তং ‘‘চিত্তং ন ৰত্তব্বং চিত্তেন সম্পযুত্তন্তিপি, চিত্তেন ৰিপ্পযুত্তন্তিপী’’তি. সম্পযোগারহেহীতি ৰিসেসনং সুখুমরূপং নিব্বানন্তি দ্ৰে সন্ধায কতং, ন তণ্হাদিকে.

একাদসমনযসঙ্গহিতেনসম্পযুত্তৰিপ্পযুত্তপদৰণ্ণনা নিট্ঠিতা.