৫. পাটিদেসনীযকণ্ডং (ভিক্খুনীৰিভঙ্গৰণ্ণনা)
পাটিদেসনীযসিক্খাপদৰণ্ণনা
১২২৮. পাটিদেসনীযা নাম যে অট্ঠ ধম্মা সঙ্খেপেনেৰ সঙ্গহং আরুল়্হাতি সম্বন্ধো. পাল়িৰিনিমুত্তকেসূতি পাল়িযং অনাগতেসু সপ্পিআদীসু.
পাটিদেসনীযসিক্খাপদৰণ্ণনা নিট্ঠিতা.
পাটিদেসনীযকণ্ডং নিট্ঠিতং.
যে পন পঞ্চসত্ততি সেখিযা ধম্মা উদ্দিট্ঠা, যে চ তেসং অনন্তরা সত্তাধিকরণৰ্হযা ধম্মা উদ্দিট্ঠাতি সম্বন্ধো. তত্থ তেসন্তি তেসং সেখিযানং. সত্তাধিকরণৰ্হযাতি সত্তাধিকরণসমথসঙ্খাতা. তং অত্থৰিনিচ্ছযং তাদিসংযেৰ যস্মা ৰিদূ ৰদন্তীতি অত্থো.
যথা নিট্ঠিতাতি সম্বন্ধো. সব্বাসৰপহং মগ্গন্তি সব্বাসৰৰিঘাতকং অরহত্তমগ্গং পত্ৰা সসন্তানে উপ্পাদেত্ৰা. পস্সন্তু নিব্বুতিন্তি মগ্গঞাণলোচনেন নিব্বানং সচ্ছিকরোন্তু, পপ্পোন্তূতি ৰা পাঠো. তত্থ নিব্বুতিন্তি খন্ধপরিনিব্বানং গহেতব্বং.
ইতি সমন্তপাসাদিকায ৰিনযট্ঠকথায সারত্থদীপনিযং.
ভিক্খুনীৰিভঙ্গৰণ্ণনা নিট্ঠিতা.
উভতোৰিভঙ্গট্ঠকথাৰণ্ণনা নিট্ঠিতা.
পাচিত্তিযৰণ্ণনা নিট্ঠিতা.
নমো তস্স ভগৰতো অরহতো সম্মাসম্বুদ্ধস্স