৮. কুমারিভূতৰগ্গৰণ্ণনা

১১১৯. কুমারিভূতৰগ্গস্স পঠমে সব্বপঠমা দ্ৰে মহাসিক্খমানাতি গব্ভিনিৰগ্গে সব্বপঠমং ৰুত্তা দ্ৰে সিক্খমানা. সিক্খমানা ইচ্চেৰ ৰত্তব্বাতি সম্মুতিকম্মাদীসু এৰং ৰত্তব্বা. গিহিগতাতি ৰা কুমারিভূতাতি ৰা ন ৰত্তব্বাতি সচে ৰদন্তি, কম্মং কুপ্পতীতি অধিপ্পাযো. ইতো পরং নৰমপরিযোসানং উত্তানত্থমেৰ.

১১৬৩. দসমে অপুব্বসমুট্ঠানসীসন্তি পঠমপারাজিকসমুট্ঠানাদীসু তেরসসু সমুট্ঠানেসু অননুঞ্ঞাতসমুট্ঠানং সন্ধায ৰুত্তং. তঞ্হি ইতো পুব্বে তাদিসস্স সমুট্ঠানসীসস্স অনাগতত্তা ‘‘অপুব্বসমুট্ঠানসীস’’ন্তি ৰুত্তং.

১১৬৬. একাদসমাদীনি উত্তানত্থানেৰ.

কুমারিভূতৰগ্গৰণ্ণনা নিট্ঠিতা.