৭. দুতিযঅৰিজ্জাপহানসুত্তৰণ্ণনা

৮০. অনিচ্চাদিৰসেন অভিনিৰিসনং অভিনিৰেসো, সো এৰ ধম্মসভাৰং অতিক্কমিত্ৰা পরতো আমসনতো পরামাসো, সো এৰ গাহো. তেন অভিনিৰেসপরামাসগ্গাহেন গণ্হিতুং ন যুত্তা অনিচ্চাদিসভাৰত্তা. সঙ্খারা এৰ পৰত্তিযা কারণভাৰতো সঙ্খারনিমিত্তানি. যো সঙ্খারেসু অপরিঞ্ঞাতাভিনিৰেসেন পস্সিতব্বো অত্তাকারো, সো ন হোতীতি অঞ্ঞো অনত্তাকারো, ততো অঞ্ঞতো পস্সতি. পরিঞ্ঞাতাভিনিৰেসোতি তীরণপরিঞ্ঞায পরিচ্ছিজ্জ ঞাতমিচ্ছাভিনিৰেসো. পরিঞ্ঞাতাভিনিৰেসোতি ৰা পরিঞ্ঞাতৰিপস্সনাভিনিৰেসো. ৰিপস্সনাতি অরূপসত্তকৰসেন ৰিপস্সনায পরিজানিতব্বা.

দুতিযঅৰিজ্জাপহানসুত্তৰণ্ণনা নিট্ঠিতা.