১০. সীলৰন্তসুত্তৰণ্ণনা

১২২. আবাধট্ঠেনাতি আদিতো উপ্পত্তিতো পট্ঠায বাধনট্ঠেন রুজনট্ঠেন. অন্তোদোসট্ঠেনাতি অব্ভন্তরে এৰ দুস্সনট্ঠেন কুপ্পনট্ঠেন. খণনট্ঠেনাতি সসনট্ঠেন. দুক্খট্ঠেনাতি দুক্খমত্তা দুক্খভাৰেন. দুক্খঞ্হি লোকে ‘‘অঘ’’ন্তি ৰুচ্চতি অতিৰিয হননতো. ৰিসভাগং …পে… পচ্চযট্ঠেনাতি যথাপৰত্তমানানং ধাতাদীনং ৰিসভাগভূতমহাভূতসমুট্ঠানস্স আবাধস্স পচ্চযভাৰেন. অসকট্ঠেনাতি অনত্তনিযতো. পলুজ্জনট্ঠেনাতি পকারতো ভিজ্জনট্ঠেন. সত্তসুঞ্ঞতট্ঠেনাতি সত্তসঙ্খাতঅত্তসুঞ্ঞতট্ঠেন. অত্তাভাৰেনাতি দিট্ঠিগতিকপরিকপ্পিতস্স অত্তনো অভাৰেন. সুঞ্ঞতো অনত্ততোতি এত্থ ‘‘পরতো’’তি পদস্স সঙ্গহো কাতব্বো, তস্মা ‘‘দ্ৰীহি অনত্তমনসিকারো’’তি ৰত্তব্বং.

সীলৰন্তসুত্তৰণ্ণনা নিট্ঠিতা.