৪. সম্বহুলসুত্তৰণ্ণনা

২২৪. সম্বহুলাতি সুত্তন্তনযেন সম্বহুলা. সুত্তন্তে সজ্ঝাযিংসূতি সুত্তন্তিকা. ৰিনযং ধারেন্তীতি ৰিনযধরা. যুঞ্জন্তীতি ৰাসধুরে যোগং করোন্তি. ঘটেন্তীতি তত্থ ৰাযামং করোন্তি. করোন্তানংযেৰ অরুণো উগ্গচ্ছতীতি সম্বন্ধো.

কোমেতি কিং ইমে? তেনাহ ‘‘কহং ইমে’’তি? ৰজ্জিভূমিং ৰজ্জিরট্ঠং গতাতি ৰজ্জিভূমিযা. তেনাহ ‘‘ৰজ্জিরট্ঠাভিমুখা গতা’’তি. নত্থি এতেসং নিকেভং নিবদ্ধনিৰাসট্ঠানন্তি অনিকেতা তেনাহ ‘‘অগেহা’’তি. উতু এৰ সপ্পাযং, উতুৰসেন ৰা কাযচিত্তানং কল্লত্তা সপ্পাযং. এস নযো সেসেসুপি.

সম্বহুলসুত্তৰণ্ণনা নিট্ঠিতা.