২. গরুকাপত্তিনিদ্দেসো

১০. মোচেতুকামচিত্তেন, উপক্কম্ম ৰিমোচযং;

সুক্কমঞ্ঞত্র সুপিনা, সমণো গরুকং ফুসে.

১১. কাযসংসগ্গরাগেন, মনুস্সিত্থিং পরামসং;

ইত্থিসঞ্ঞী উপক্কম্ম, সমণো গরুকং ফুসে.

১২. দুট্ঠুল্লৰাচস্সাদেন, মগ্গং ৰারব্ভ মেথুনং;

ওভাসন্তো মনুস্সিত্থিং, সুণমানং গরুং ফুসে.

১৩. ৰণ্ণং ৰত্ৰাত্তনোকাম-পারিচরিযায মেথুনং;

ইত্থিং মেথুনরাগেন, যাচমানো গরুং ফুসে.

১৪. সন্দেসং পটিগ্গণ্হিত্ৰা, পুরিসস্সিত্থিযাপি ৰা;

ৰীমংসিত্ৰা হরংপচ্চা, সমণো গরুকং ফুসে.

১৫. চাৰেতুকামো চোদেন্তো, অমূলন্তিমৰত্থুনা;

চোদাপযং ৰা সমণো, সুণমানং গরুং ফুসে.

১৬. লেসমত্তং উপাদায, অমূলন্তিমৰত্থুনা;

চাৰেতুকামো চোদেন্তো, সুণমানং গরুং ফুসেতি.