৯. পটিগ্গাহনিদ্দেসো

পটিগ্গাহোতি –

১০৬. দাতুকামাভিহারো চ, হত্থপাসেরণক্খমং;

তিধা দেন্তে দ্ৰিধা গাহো, পঞ্চঙ্গেৰং পটিগ্গহো.

১০৭. অসংহারিযে তত্থজাতে, সুখুমে চিঞ্চআদিনং;

পণ্ণে ৰাসয্হভারে চ, পটিগ্গাহো ন রূহতি.

১০৮. সিক্খামরণলিঙ্গেহি, অনপেক্খৰিসগ্গতো;

অচ্ছেদানুপসম্পন্ন-দানা গাহোপসম্মতি.

১০৯. অপ্পটিগ্গহিতং সব্বং, পাচিত্তি পরিভুঞ্জতো;

সুদ্ধঞ্চ নাতিবহলং, কপ্পতে উদকং তথা.

১১০. অঙ্গলগ্গমৰিচ্ছিন্নং, দন্তক্খিকণ্ণগূথকং;

লোণস্সুখেল়সিঙ্ঘাণি-সেম্হমুত্তকরীসকং.

১১১. গূথমত্তিকমুত্তানি, ছারিকঞ্চ তথাৰিধে;

সামং গহেত্ৰা সেৰেয্য, অসন্তে কপ্পকারকে.

১১২. দুরূপচিণ্ণে রজোকিণ্ণে, অথুগ্গহপ্পটিগ্গহে;

অন্তোৰুত্থে সযংপক্কে, অন্তোপক্কে চ দুক্কটন্তি.