২২. উপাহননিদ্দেসো

উপাহনা চেৰাতি –

১৭৫. মজ্ঝদেসে ন কপ্পন্তি, গণঙ্গণূপাহনা নৰা;

সব্বস্স কপ্পন্তারামে, সব্বত্থাকল্লকস্স চ.

১৭৬. সব্বনীলকওদাতপীতলোহিতকণ্হকা;

মহারঙ্গমহানাম-রঙ্গরত্তা চুপাহনা.

১৭৭. সব্বমঞ্জেট্ঠিকা চিত্রা, নীলপীতাদিৰদ্ধিকা;

তিত্তিরপত্তিকা মেণ্ড-অজৰিসাণৰদ্ধিকা.

১৭৮. খল্লবদ্ধা পুটবদ্ধা, তূলপুণ্ণা চুপাহনা;

পালিগুণ্ঠিমকা মোর-পিঞ্ছেন পরিসিব্বিতা.

১৭৯. ৰিচ্ছিকাল়িকতা সীহব্যগ্ঘুদ্দাজিনদীপিনং;

মজ্জারকাল়কোলূকচম্মেহি চ পরিক্খটা;

পাদুকা সঙ্কমনীযা, কোচি ধারেয্য দুক্কটং.

১৮০. নীলাদিৰণ্ণং সকলং, পুঞ্ছিত্ৰা ৰেকদেসকং;

উপাহনা ৰল়ঞ্জেয্য, হারেত্ৰা খল্লকাদিকন্তি.