১১. নিস্সগ্গিযনিদ্দেসো

নিস্সগ্গিযানীতি –

১১৬. অরূপিযং রূপিযেন, রূপিযং ইতরেন চ;

রূপিযং পরিৰত্তেয্য, নিস্সগ্গি ইধ রূপিযং.

১১৭. কহাপণো সজ্ঝু সিঙ্গী, ৰোহারূপগমাসকং;

ৰত্থমুত্তাদি ইতরং, কপ্পং দুক্কটৰত্থু চ.

১১৮. ‘‘ইমং গহেত্ৰা ভুত্ৰা ৰা, ইমং দেহি করানয;

দেমি ৰা’’তি সমাপন্নে, নিস্সগ্গি কযৰিক্কযে.

১১৯. অত্তনো অঞ্ঞতো লাভং, সঙ্ঘস্সঞ্ঞস্স ৰা নতং;

পরিণামেয্য নিস্সগ্গি, পাচিত্তি চাপি দুক্কটং.

১২০. অনিস্সজ্জিত্ৰা নিস্সগ্গিং, পরিভুঞ্জে ন দেয্য ৰা;

নিস্সট্ঠং সকসঞ্ঞায, দুক্কটং অঞ্ঞথেতরন্তি.