৭৪. হরিতেউচ্চারসিক্খাপদৰণ্ণনা

অট্ঠারসমে যম্পি জীৰমানরুক্খস্স মূলং পথৰিযং দিস্সমানং গচ্ছতি, সাখা ৰা ভূমিলগ্গা গচ্ছতি, সব্বং হরিতসঙ্খাতমেৰ. খন্ধে নিসীদিত্ৰা পন অপ্পহরিতট্ঠানে পাতেতুং ৰট্টতি. সচে অপ্পহরিতট্ঠানং ওলোকেন্তস্সেৰ সহসা নিক্খমতি, গিলানট্ঠানে ঠিতো হোতি, ‘‘অপ্পহরিতে কতো হরিতং ওত্থরতী’’তি (পাচি. ৬৫২) ইদমেত্থ অনাপত্তিযং অধিকং. তত্থ সচেপি অপ্পহরিতং অলভন্তেন তিণণ্ডুপকং ৰা পললণ্ডুপকং ৰা ঠপেত্ৰা কতো পচ্ছা হরিতং ওত্থরতি, ৰট্টতিযেৰ. খেল়েন চেত্থ সিঙ্ঘাণিকাপি সঙ্গহিতা.