৩. পঞ্হপুচ্ছকৰণ্ণনা

১৫০. চিত্তুপ্পাদরূপৰসেন তং তং সমুদাযং একেকং ধম্মং কত্ৰা ‘‘পঞ্চপণ্ণাস কামাৰচরধম্মে’’তি আহ. রজ্জন্তস্সাতিআদীসু রাগাদযো ছসু দ্ৰারেসু সীলাদযো চ পঞ্চ সংৰরা যথাসম্ভৰং যোজেতব্বা, সম্মসনং পন মনোদ্ৰারে এৰ. রূপারূপাৰচরধম্মেসু অভিজ্ঝাদোমনস্সাদিউপ্পত্তি অত্থীতি ততো সতিসংৰরো ঞাণৰীরিযসংৰরা চ যথাযোগং যোজেতব্বা. পরিগ্গহৰচনেন সম্মসনপচ্চৰেক্খণানি সঙ্গণ্হাতি. তেযেৰাতি চত্তারো খন্ধা ৰুত্তা.

সমানে দেসিতব্বে দেসনামত্তস্স পরিৰট্টনং পরিৰট্টো. তীসুপি পরিৰট্টেসু কত্থচি কিঞ্চি ঊনং অধিকং ৰা নত্থীতি কত্ৰা আহ ‘‘একোৰ পরিচ্ছেদো’’তি.

পঞ্হপুচ্ছকৰণ্ণনা নিট্ঠিতা.

খন্ধৰিভঙ্গৰণ্ণনা নিট্ঠিতা.