১. চক্খুসুত্তং

৩১২. সাৰত্থিনিদানং. ‘‘যো খো, ভিক্খৰে, চক্খুস্স উপ্পাদো ঠিতি অভিনিব্বত্তি পাতুভাৰো, দুক্খস্সেসো উপ্পাদো, রোগানং ঠিতি, জরামরণস্স পাতুভাৰো. যো সোতস্স উপ্পাদো ঠিতি…পে… যো ঘানস্স উপ্পাদো ঠিতি… যো জিৰ্হায উপ্পাদো ঠিতি… যো কাযস্স উপ্পাদো ঠিতি… যো মনস্স উপ্পাদো ঠিতি অভিনিব্বত্তি পাতুভাৰো, দুক্খস্সেসো উপ্পাদো, রোগানং ঠিতি, জরামরণস্স পাতুভাৰো. যো চ, ভিক্খৰে, চক্খুস্স নিরোধো ৰূপসমো অত্থঙ্গমো, দুক্খস্সেসো নিরোধো, রোগানং ৰূপসমো, জরামরণস্স অত্থঙ্গমো. যো সোতস্স নিরোধো…পে… যো ঘানস্স নিরোধো… যো জিৰ্হায নিরোধো… যো কাযস্স নিরোধো… যো মনস্স নিরোধো ৰূপসমো অত্থঙ্গমো, দুক্খস্সেসো নিরোধো, রোগানং ৰূপসমো, জরামরণস্স অত্থঙ্গমো’’তি. পঠমং.