৫. উপ্পাদসংযুত্তং

১. চক্খুসুত্তং

৩১২. সাৰত্থিনিদানং. ‘‘যো খো, ভিক্খৰে, চক্খুস্স উপ্পাদো ঠিতি অভিনিব্বত্তি পাতুভাৰো, দুক্খস্সেসো উপ্পাদো, রোগানং ঠিতি, জরামরণস্স পাতুভাৰো. যো সোতস্স উপ্পাদো ঠিতি…পে… যো ঘানস্স উপ্পাদো ঠিতি… যো জিৰ্হায উপ্পাদো ঠিতি… যো কাযস্স উপ্পাদো ঠিতি… যো মনস্স উপ্পাদো ঠিতি অভিনিব্বত্তি পাতুভাৰো, দুক্খস্সেসো উপ্পাদো, রোগানং ঠিতি, জরামরণস্স পাতুভাৰো. যো চ, ভিক্খৰে, চক্খুস্স নিরোধো ৰূপসমো অত্থঙ্গমো, দুক্খস্সেসো নিরোধো, রোগানং ৰূপসমো, জরামরণস্স অত্থঙ্গমো. যো সোতস্স নিরোধো…পে… যো ঘানস্স নিরোধো… যো জিৰ্হায নিরোধো… যো কাযস্স নিরোধো… যো মনস্স নিরোধো ৰূপসমো অত্থঙ্গমো, দুক্খস্সেসো নিরোধো, রোগানং ৰূপসমো, জরামরণস্স অত্থঙ্গমো’’তি. পঠমং.

২. রূপসুত্তং

৩১৩. সাৰত্থিনিদানং. ‘‘যো খো, ভিক্খৰে, রূপানং উপ্পাদো ঠিতি অভিনিব্বত্তি পাতুভাৰো, দুক্খস্সেসো উপ্পাদো, রোগানং ঠিতি, জরামরণস্স পাতুভাৰো. যো সদ্দানং… যো গন্ধানং… যো রসানং… যো ফোট্ঠব্বানং… যো ধম্মানং উপ্পাদো ঠিতি অভিনিব্বত্তি পাতুভাৰো, দুক্খস্সেসো উপ্পাদো, রোগানং ঠিতি, জরামরণস্স পাতুভাৰো. যো চ খো, ভিক্খৰে, রূপানং নিরোধো ৰূপসমো অত্থঙ্গমো, দুক্খস্সেসো নিরোধো, রোগানং ৰূপসমো, জরামরণস্স অত্থঙ্গমো. যো সদ্দানং… যো গন্ধানং… যো রসানং… যো ফোট্ঠব্বানং… যো ধম্মানং নিরোধো ৰূপসমো অত্থঙ্গমো, দুক্খস্সেসো নিরোধো, রোগানং ৰূপসমো, জরামরণস্স অত্থঙ্গমো’’তি. দুতিযং.

৩. ৰিঞ্ঞাণসুত্তং

৩১৪. সাৰত্থিনিদানং. ‘‘যো খো, ভিক্খৰে, চক্খুৰিঞ্ঞাণস্স উপ্পাদো ঠিতি…পে… জরামরণস্স পাতুভাৰো…পে… যো মনোৰিঞ্ঞাণস্স উপ্পাদো ঠিতি…পে… জরামরণস্স পাতুভাৰো. যো চ খো, ভিক্খৰে, চক্খুৰিঞ্ঞাণস্স নিরোধো…পে… জরামরণস্স অত্থঙ্গমো…পে… যো মনোৰিঞ্ঞাণস্স নিরোধো…পে… জরামরণস্স অত্থঙ্গমো’’তি. ততিযং.

৪. সম্ফস্সসুত্তং

৩১৫. সাৰত্থিনিদানং. ‘‘যো খো, ভিক্খৰে, চক্খুসম্ফস্সস্স উপ্পাদো ঠিতি…পে… জরামরণস্স পাতুভাৰো…পে… যো মনোসম্ফস্সস্স উপ্পাদো ঠিতি…পে… জরামরণস্স পাতুভাৰো. যো চ খো, ভিক্খৰে, চক্খুসম্ফস্সস্স নিরোধো…পে… জরামরণস্স অত্থঙ্গমো…পে… যো মনোসম্ফস্সস্স নিরোধো…পে… জরামরণস্স অত্থঙ্গমো’’তি. চতুত্থং.

৫. সম্ফস্সজসুত্তং

৩১৬. সাৰত্থিনিদানং. ‘‘যো খো, ভিক্খৰে, চক্খুসম্ফস্সজায ৰেদনায উপ্পাদো ঠিতি…পে… জরামরণস্স পাতুভাৰো…পে….

যো মনোসম্ফস্সজায ৰেদনায উপ্পাদো ঠিতি…পে… জরামরণস্স পাতুভাৰো. যো চ খো, ভিক্খৰে, চক্খুসম্ফস্সজায ৰেদনায নিরোধো ৰূপসমো…পে… জরামরণস্স অত্থঙ্গমো…পে… যো মনোসম্ফস্সজায ৰেদনায নিরোধো ৰূপসমো অত্থঙ্গমো, দুক্খস্সেসো নিরোধো, রোগানং ৰূপসমো, জরামরণস্স অত্থঙ্গমো’’তি. পঞ্চমং.

৬. সঞ্ঞাসুত্তং

৩১৭. সাৰত্থিনিদানং. ‘‘যো খো, ভিক্খৰে, রূপসঞ্ঞায উপ্পাদো ঠিতি…পে… জরামরণস্স পাতুভাৰো…পে… যো ধম্মসঞ্ঞায উপ্পাদো ঠিতি অভিনিব্বত্তি পাতুভাৰো, দুক্খস্সেসো উপ্পাদো, রোগানং ঠিতি, জরামরণস্স পাতুভাৰো. যো চ খো, ভিক্খৰে, রূপসঞ্ঞায নিরোধো…পে… জরামরণস্স অত্থঙ্গমো…পে… যো ধম্মসঞ্ঞায নিরোধো ৰূপসমো অত্থঙ্গমো, দুক্খস্সেসো নিরোধো, রোগানং ৰূপসমো, জরামরণস্স অত্থঙ্গমো’’তি. ছট্ঠং.

৭. সঞ্চেতনাসুত্তং

৩১৮. সাৰত্থিনিদানং. ‘‘যো খো, ভিক্খৰে, রূপসঞ্চেতনায উপ্পাদো ঠিতি…পে… জরামরণস্স পাতুভাৰো…পে… যো ধম্মসঞ্চেতনায উপ্পাদো ঠিতি অভিনিব্বত্তি পাতুভাৰো, দুক্খস্সেসো উপ্পাদো, রোগানং ঠিতি, জরামরণস্স পাতুভাৰো. যো চ খো, ভিক্খৰে, রূপসঞ্চেতনায নিরোধো…পে… জরামরণস্স অত্থঙ্গমো…পে… যো ধম্মসঞ্চেতনায নিরোধো ৰূপসমো অত্থঙ্গমো, দুক্খস্সেসো নিরোধো, রোগানং ৰূপসমো, জরামরণস্স অত্থঙ্গমো’’তি. সত্তমং.

৮. তণ্হাসুত্তং

৩১৯. সাৰত্থিনিদানং. ‘‘যো খো, ভিক্খৰে, রূপতণ্হায উপ্পাদো ঠিতি…পে… জরামরণস্স পাতুভাৰো…পে… যো ধম্মতণ্হায উপ্পাদো ঠিতি অভিনিব্বত্তি পাতুভাৰো, দুক্খস্সেসো উপ্পাদো, রোগানং ঠিতি, জরামরণস্স পাতুভাৰো. যো চ খো, ভিক্খৰে, রূপতণ্হায নিরোধো…পে… জরামরণস্স অত্থঙ্গমো…পে… যো ধম্মতণ্হায নিরোধো ৰূপসমো অত্থঙ্গমো, দুক্খস্সেসো নিরোধো, রোগানং ৰূপসমো, জরামরণস্স অত্থঙ্গমো’’তি. অট্ঠমং.

৯. ধাতুসুত্তং

৩২০. সাৰত্থিনিদানং. ‘‘যো খো, ভিক্খৰে, পথৰীধাতুযা উপ্পাদো ঠিতি অভিনিব্বত্তি পাতুভাৰো…পে… জরামরণস্স পাতুভাৰো; যো আপোধাতুযা… যো তেজোধাতুযা… যো ৰাযোধাতুযা… যো আকাসধাতুযা… যো ৰিঞ্ঞাণধাতুযা উপ্পাদো ঠিতি অভিনিব্বত্তি পাতুভাৰো, দুক্খস্সেসো উপ্পাদো, রোগানং ঠিতি, জরামরণস্স পাতুভাৰো. যো চ খো, ভিক্খৰে, পথৰীধাতুযা নিরোধো…পে… জরামরণস্স অত্থঙ্গমো; যো আপোধাতুযা নিরোধো… যো তেজোধাতুযা নিরোধো… যো ৰাযোধাতুযা নিরোধো… যো আকাসধাতুযা নিরোধো… যো ৰিঞ্ঞাণধাতুযা নিরোধো ৰূপসমো অত্থঙ্গমো, দুক্খস্সেসো নিরোধো, রোগানং ৰূপসমো, জরামরণস্স অত্থঙ্গমো’’তি. নৰমং.

১০. খন্ধসুত্তং

৩২১. সাৰত্থিনিদানং. ‘‘যো খো, ভিক্খৰে, রূপস্স উপ্পাদো ঠিতি অভিনিব্বত্তি পাতুভাৰো, দুক্খস্সেসো উপ্পাদো, রোগানং ঠিতি, জরামরণস্স পাতুভাৰো. যো ৰেদনায… যো সঞ্ঞায… যো সঙ্খারানং… যো ৰিঞ্ঞাণস্স উপ্পাদো ঠিতি অভিনিব্বত্তি পাতুভাৰো, দুক্খস্সেসো উপ্পাদো, রোগানং ঠিতি, জরামরণস্স পাতুভাৰো. যো চ খো, ভিক্খৰে, রূপস্স নিরোধো ৰূপসমো অত্থঙ্গমো, দুক্খস্সেসো নিরোধো, রোগানং ৰূপসমো, জরামরণস্স অত্থঙ্গমো. যো ৰেদনায… যো সঞ্ঞায… যো সঙ্খারানং… যো ৰিঞ্ঞাণস্স নিরোধো ৰূপসমো অত্থঙ্গমো, দুক্খস্সেসো নিরোধো, রোগানং ৰূপসমো, জরামরণস্স অত্থঙ্গমো’’তি. দসমং.

উপ্পাদসংযুত্তং সমত্তং.