১৪. সমাপত্তিমূলকআরম্মণসুত্তং

৬৭৫. সাৰত্থিনিদানং. ‘‘চত্তারোমে, ভিক্খৰে, ঝাযী. কতমে চত্তারো? ইধ, ভিক্খৰে, একচ্চো ঝাযী সমাধিস্মিং সমাপত্তিকুসলো হোতি, ন সমাধিস্মিং আরম্মণকুসলো. ইধ পন, ভিক্খৰে, একচ্চো ঝাযী সমাধিস্মিং আরম্মণকুসলো হোতি, ন সমাধিস্মিং সমাপত্তিকুসলো. ইধ পন, ভিক্খৰে, একচ্চো ঝাযী নেৰ সমাধিস্মিং সমাপত্তিকুসলো হোতি, ন চ সমাধিস্মিং আরম্মণকুসলো. ইধ পন, ভিক্খৰে, একচ্চো ঝাযী সমাধিস্মিং সমাপত্তিকুসলো চ হোতি, সমাধিস্মিং আরম্মণকুসলো চ. তত্র…পে… পৰরো চা’’তি. চুদ্দসমং.