৩. সীহাথেরীগাথা

৭৭. ‘‘অযোনিসো মনসিকারা, কামরাগেন অট্টিতা;

অহোসিং উদ্ধতা পুব্বে, চিত্তে অৰসৰত্তিনী.

৭৮. ‘‘পরিযুট্ঠিতা ক্লেসেহি, সুভসঞ্ঞানুৰত্তিনী;

সমং চিত্তস্স ন লভিং, রাগচিত্তৰসানুগা.

৭৯. ‘‘কিসা পণ্ডু ৰিৰণ্ণা চ, সত্ত ৰস্সানি চারিহং;

নাহং দিৰা ৰা রত্তিং ৰা, সুখং ৰিন্দিং সুদুক্খিতা.

৮০. ‘‘ততো রজ্জুং গহেত্ৰান, পাৰিসিং ৰনমন্তরং;

ৰরং মে ইধ উব্বন্ধং, যঞ্চ হীনং পুনাচরে.

৮১. ‘‘দল়্হপাসং [দল়্হং পাসং (সী.)] করিত্ৰান, রুক্খসাখায বন্ধিয;

পক্খিপিং পাসং গীৰাযং, অথ চিত্তং ৰিমুচ্চি মে’’তি.

… সীহা থেরী….