১১. জতুকণ্ণিমাণৰপুচ্ছা

১১০২. ‘‘সুত্ৰানহং ৰীরমকামকামিং, (ইচ্চাযস্মা জতুকণ্ণি)

ওঘাতিগং পুট্ঠুমকামমাগমং;

সন্তিপদং ব্রূহি সহজনেত্ত, যথাতচ্ছং ভগৰা ব্রূহি মে তং.

১১০৩. ‘‘ভগৰা হি কামে অভিভুয্য ইরিযতি, আদিচ্চোৰ পথৰিং তেজী তেজসা;

পরিত্তপঞ্ঞস্স মে ভূরিপঞ্ঞ, আচিক্খ ধম্মং যমহং ৰিজঞ্ঞং;

জাতিজরায ইধ ৰিপ্পহানং’’.

১১০৪. ‘‘কামেসু ৰিনয গেধং, (জতুকণ্ণীতি ভগৰা) নেক্খম্মং দট্ঠু খেমতো;

উগ্গহীতং নিরত্তং ৰা, মা তে ৰিজ্জিত্থ কিঞ্চনং.

১১০৫. ‘‘যং পুব্বে তং ৰিসোসেহি, পচ্ছা তে মাহু কিঞ্চনং;

মজ্ঝে চে নো গহেস্সসি, উপসন্তো চরিস্সসি.

১১০৬. ‘‘সব্বসো নামরূপস্মিং, ৰীতগেধস্স ব্রাহ্মণ;

আসৰাস্স ন ৰিজ্জন্তি, যেহি মচ্চুৰসং ৰজে’’তি.

জতুকণ্ণিমাণৰপুচ্ছা একাদসমা নিট্ঠিতা.