৪. অৰটফলিযত্থেরঅপদানং

৫৭. ‘‘সহস্সরংসী ভগৰা, সযম্ভূ অপরাজিতো;

ৰিৰেকা উট্ঠহিত্ৰান, গোচরাযাভিনিক্খমি.

৫৮. ‘‘ফলহত্থো অহং দিস্ৰা, উপগচ্ছিং নরাসভং;

পসন্নচিত্তো সুমনো, অৰটং অদদিং ফলং.

৫৯. ‘‘চতুন্নৰুতিতো কপ্পে, যং ফলং অদদিং তদা;

দুগ্গতিং নাভিজানামি, ফলদানস্সিদং ফলং.

৬০. ‘‘কিলেসা ঝাপিতা ময্হং…পে… ৰিহরামি অনাসৰো.

৬১. ‘‘স্ৰাগতং ৰত মে আসি…পে… কতং বুদ্ধস্স সাসনং.

৬২. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা অৰটফলিযো থেরো ইমা গাথাযো

অভাসিত্থাতি.

অৰটফলিযত্থেরস্সাপদানং চতুত্থং.