২. পংসুকূলপূজকত্থেরঅপদানং

৮. ‘‘হিমৰন্তস্সাৰিদূরে, উদঙ্গণো নাম পব্বতো;

তত্থদ্দসং পংসুকূলং, দুমগ্গম্হি ৰিলম্বিতং.

৯. ‘‘তীণি কিঙ্কণিপুপ্ফানি, ওচিনিত্ৰানহং তদা;

হট্ঠো হট্ঠেন চিত্তেন, পংসুকূলমপূজযিং.

১০. ‘‘তেন কম্মেন সুকতেন, চেতনাপণিধীহি চ;

জহিত্ৰা মানুসং দেহং, তাৰতিংসমগচ্ছহং.

১১. ‘‘একনৰুতিতো কপ্পে, যং কম্মমকরিং তদা;

দুগ্গতিং নাভিজানামি, পূজিত্ৰা অরহদ্ধজং.

১২. ‘‘কিলেসা ঝাপিতা ময্হং…পে… ৰিহরামি অনাসৰো.

১৩. ‘‘স্ৰাগতং ৰত মে আসি…পে… কতং বুদ্ধস্স সাসনং.

১৪. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা পংসুকূলপূজকো থেরো ইমা গাথাযো

অভাসিত্থাতি.

পংসুকূলপূজকত্থেরস্সাপদানং দুতিযং.