১০. অম্বফলিযত্থেরঅপদানং

৮১. ‘‘পদুমুত্তরবুদ্ধস্স, লোকজেট্ঠস্স তাদিনো;

পিণ্ডায ৰিচরন্তস্স, ধারতো উত্তমং যসং.

৮২. ‘‘অগ্গফলং গহেত্ৰান, ৰিপ্পসন্নেন চেতসা;

দক্খিণেয্যস্স ৰীরস্স, অদাসিং সত্থুনো অহং.

৮৩. ‘‘তেন কম্মেন দ্ৰিপদিন্দ [দিপদিন্দ (সী. স্যা. পী.)], লোকজেট্ঠ নরাসভ;

পত্তোম্হি অচলং ঠানং, হিত্ৰা জযপরাজযং.

৮৪. ‘‘সতসহস্সিতো কপ্পে, যং দানমদদিং তদা;

দুগ্গতিং নাভিজানামি, অগ্গদানস্সিদং ফলং.

৮৫. ‘‘কিলেসা ঝাপিতা ময্হং…পে… ৰিহরামি অনাসৰো.

৮৬. ‘‘স্ৰাগতং ৰত মে আসি…পে… কতং বুদ্ধস্স সাসনং.

৮৭. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা অম্বফলিযো থেরো ইমা গাথাযো অভাসিত্থাতি;

অম্বফলিযত্থেরস্সাপদানং দসমং.

একৰিহারিৰগ্গো চতুচত্তালীসমো.