৫. গোসীসনিক্খেপকত্থেরঅপদানং

২১. ‘‘আরামদ্ৰারা নিক্খম্ম, গোসীসং সন্থতং মযা;

অনুভোমি সকং কম্মং, পুব্বকম্মস্সিদং ফলং.

২২. ‘‘আজানিযা ৰাতজৰা, সিন্ধৰা সীঘৰাহনা;

অনুভোমি সব্বমেতং, গোসীসস্স ইদং ফলং.

২৩. ‘‘অহো কারং পরমকারং, সুখত্তে সুকতং মযা;

সঙ্ঘে কতস্স কারস্স, ন অঞ্ঞং কলমগ্ঘতি.

২৪. ‘‘চতুন্নৰুতিতো কপ্পে, যং সীসং সন্থরিং অহং;

দুগ্গতিং নাভিজানামি, সন্থরস্স ইদং ফলং.

২৫. ‘‘পঞ্চসত্ততিকপ্পম্হি, সুপ্পতিট্ঠিতনামকো;

একো আসিং মহাতেজো, চক্কৰত্তী মহব্বলো.

২৬. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা গোসীসনিক্খেপকো থেরো ইমা গাথাযো অভাসিত্থাতি.

গোসীসনিক্খেপকত্থেরস্সাপদানং পঞ্চমং.