৬. উপট্ঠাকদাযকত্থেরঅপদানং

২৪. ‘‘রথিযং পটিপজ্জন্তং, আহুতীনং পটিগ্গহং;

দ্ৰিপদিন্দং মহানাগং, লোকজেট্ঠং নরাসভং.

২৫. ‘‘পক্কোসাপিয তস্সাহং, সব্বলোকহিতেসিনো;

উপট্ঠাকো মযা দিন্নো, সিদ্ধত্থস্স মহেসিনো.

২৬. ‘‘পটিগ্গহেত্ৰা [পটিগ্গহেসি (ক.)] সম্বুদ্ধো, নিয্যাদেসি মহামুনি [মহাইসি (ক.)];

উট্ঠায আসনা তম্হা, পক্কামি পাচিনামুখো.

২৭. ‘‘চতুন্নৰুতিতো কপ্পে, উপট্ঠাকমদং তদা;

দুগ্গতিং নাভিজানামি, উপট্ঠানস্সিদং ফলং.

২৮. ‘‘সত্তপঞ্ঞাসিতো কপ্পে, বলসেনসনামকো;

সত্তরতনসম্পন্নো, চক্কৰত্তী মহব্বলো.

২৯. ‘‘পটিসম্ভিদা চতস্সো…পে… কতং বুদ্ধস্স সাসনং’’.

ইত্থং সুদং আযস্মা উপট্ঠাকদাযকো থেরো ইমা গাথাযো অভাসিত্থাতি.

উপট্ঠাকদাযকত্থেরস্সাপদানং ছট্ঠং.