২. উজ্জগ্ঘিকৰগ্গৰণ্ণনা

৫৮৬. উজ্জগ্ঘিকাযাতি মহাহসিতং হসন্তো. ৰুত্তনযেনেৰেত্থ করণৰচনং.

৫৮৮. অপ্পসদ্দো অন্তরঘরেতি এত্থ কিত্তাৰতা অপ্পসদ্দো হোতি? দ্ৰাদসহত্থে গেহে আদিম্হি সঙ্ঘত্থেরো, মজ্ঝে দুতিযত্থেরো, অন্তে ততিযত্থেরোতি এৰং নিসিন্নেসু সঙ্ঘত্থেরো দুতিযেন সদ্ধিং মন্তেতি, দুতিযত্থেরো তস্স সদ্দঞ্চেৰ সুণাতি, কথঞ্চ ৰৰত্থপেতি. ততিযত্থেরো পন সদ্দমেৰ সুণাতি, কথং ন ৰৰত্থপেতি. এত্তাৰতা অপ্পসদ্দো হোতি. সচে পন ততিযত্থেরো কথং ৰৰত্থপেতি, মহাসদ্দো নাম হোতি.

৫৯০. কাযং পগ্গহেত্ৰাতি নিচ্চলং কত্ৰা উজুকেন কাযেন সমেন ইরিযাপথেন গন্তব্বঞ্চেৰ নিসীদিতব্বঞ্চ.

৫৯২. বাহুং পগ্গহেত্ৰাতি নিচ্চলং কত্ৰা.

৫৯৪. সীসং পগ্গহেত্ৰাতি নিচ্চলং উজুং ঠপযিত্ৰা.

দুতিযো ৰগ্গো.