৩. কোটিগামৰগ্গো

১. কোটিগামসুত্তৰণ্ণনা

১০৯১. ততিযস্স পঠমে অননুবোধাতি অননুবুজ্ঝনেন. অপ্পটিৰেধাতি অপ্পটিৰিজ্ঝনেন.

২. দুতিযকোটিগামসুত্তৰণ্ণনা

১০৯২. দুতিযে চেতোৰিমুত্তি পঞ্ঞাৰিমুত্তীতি ফলসমাপত্তিফলপঞ্ঞানং নামং.

৭. তথসুত্তৰণ্ণনা

১০৯৭. সত্তমে তস্মা অরিযসচ্চানীতি যস্মা তথানি অৰিতথানি অনঞ্ঞথানি, তস্মা অরিযানং সচ্চানীতি ৰুচ্চন্তি. ন হি ৰিতথানি অরিযা অরিযসচ্চতো পটিৰিজ্ঝন্তি.

৮. লোকসুত্তৰণ্ণনা

১০৯৮. অট্ঠমে তথাগতো অরিযো, তস্মা ‘‘অরিযসচ্চানী’’তি যস্মা অরিযেন তথাগতেন পটিৰিদ্ধত্তা দেসিতত্তা চ তানি অরিযসন্তকানি হোন্তি, তস্মা অরিযস্স সচ্চত্তা অরিযসচ্চানীতি অত্থো.

১০. গৰম্পতিসুত্তৰণ্ণনা

১১০০. দসমে সহঞ্চনিকেতি সহঞ্চনিযনগরে. যো, ভিক্খৰে, দুক্খং পস্সতি, দুক্খসমুদযম্পি সো পস্সতীতিআদি একপটিৰেধৰসেন ৰুত্তং, ইমস্মিঞ্হি সুত্তে একপটিৰেধোৰ কথিতো.

কোটিগামৰগ্গো ততিযো.