৬. কিলেসসংযুত্তৰণ্ণনা

৩২২-৩৩১. কিলেসসংযুত্তে চিত্তস্সেসো উপক্কিলেসোতি কতরচিত্তস্স? চতুভূমকচিত্তস্স. তেভূমকচিত্তস্স তাৰ হোতু, লোকুত্তরস্স কথং উপক্কিলেসো হোতীতি? উপ্পত্তিনিৰারণতো. সো হি তস্স উপ্পজ্জিতুং অপ্পদানেন উপক্কিলেসোতি ৰেদিতব্বো. নেক্খম্মনিন্নন্তি নৰলোকুত্তরধম্মনিন্নং. চিত্তন্তি সমথৰিপস্সনাচিত্তং. অভিঞ্ঞা সচ্ছিকরণীযেসু ধম্মেসূতি পচ্চৰেক্খণঞাণেন অভিজানিত্ৰা সচ্ছিকাতব্বেসু ছল়ভিঞ্ঞাধম্মেসু, একং ধম্মং ৰা গণ্হন্তেন নেক্খম্মন্তি গহেতব্বং. সেসং সব্বত্থ উত্তানমেৰাতি.

কিলেসসংযুত্তৰণ্ণনা নিট্ঠিতা.