৭. নদুব্ভিযসুত্তৰণ্ণনা

২৫৩. সত্তমে উপসঙ্কমীতি ‘‘অযং সক্কো ‘যোপি মে অস্স সুপচ্চত্থিকো, তস্স পাহং ন দুব্ভেয্য’ন্তি চিন্তেতি, মযা তস্স পচ্চত্থিকতরো নাম নত্থি, ৰীমংসিস্সামি তাৰ নং, কিং নু খো মং পস্সিত্ৰা দুব্ভতি, ন দুব্ভতী’’তি চিন্তেত্ৰা উপসঙ্কমি. তিট্ঠ ৰেপচিত্তি গহিতোসীতি ৰেপচিত্তি, এত্থেৰ তিট্ঠ, গহিতো ত্ৰং মযাতি ৰদতি. সহ ৰচনেনেৰস্স সো কণ্ঠপঞ্চমেহি বন্ধনেহি বদ্ধোৰ অহোসি. সপস্সু চ মেতি মযি অদুব্ভত্থায সপথং করোহীতি ৰদতি. যং মুসাভণতো পাপন্তি ইমস্মিং কপ্পে পঠমকপ্পিকেসু চেতিযরঞ্ঞো পাপং সন্ধাযাহ. অরিযূপৰাদিনোতি কোকলিকস্স ৰিয পাপং. মিত্তদ্দুনো চ যং পাপন্তি মহাকপিজাতকে মহাসত্তে দুট্ঠচিত্তস্স পাপং. অকতঞ্ঞুনোতি দেৰদত্তসদিসস্স অকতঞ্ঞুনো পাপং. ইমানি কির ইমস্মিং কপ্পে চত্তারি মহাপাপানি. সত্তমং.