৪২. ভদ্দালিৰগ্গো

১-১০. ভদ্দালিত্থেরঅপদানাদিৰণ্ণনা

বাচত্তালীসমৰগ্গে পঠমাপদানঞ্চ দুতিযাপদানঞ্চ ততিযাপদানঞ্চ নযানুসারেন সুৰিঞ্ঞেয্যমেৰ.

১০৬. চতুত্থাপদানে নগরে বন্ধুমতিযাতিআদিকং আযস্মতো মধুমংসদাযকত্থেরস্স অপদানং. তত্থ সূকরিকোতি সূকরমংসং ৰিক্কিণিত্ৰা জীৰিকং কপ্পেন্তো. উক্কোটকং রন্ধযিত্ৰাতি পিহকপপ্ফাসমংসং পচিত্ৰা মধুমংসম্হি ওকিরিং পক্খিপিং. তেন মংসেন পত্তং পূরেত্ৰা ভিক্খুসঙ্ঘস্স দত্ৰা তেন পুঞ্ঞকম্মেন ইমস্মিং বুদ্ধুপ্পাদে অরহত্তং পাপুণিন্তি অত্থো.

নাগপল্লৰত্থেরস্স পঞ্চমাপদানম্পি একদীপিযত্থেরস্স ছট্ঠাপদানম্পি উচ্ছঙ্গপুপ্ফিযত্থেরস্স সত্তমাপদানম্পি যাগুদাযকত্থেরস্স অট্ঠমাপদানম্পি পত্থোদনদাযকত্থেরস্স নৰমাপদানম্পি মঞ্চদাযকত্থেরস্স দসমাপদানম্পি সব্বং সুৰিঞ্ঞেয্যমেৰাতি.

বাচত্তালীসমৰগ্গৰণ্ণনা সমত্তা.