১. পঠমআহুনেয্যসুত্তৰণ্ণনা

১. ছক্কনিপাতস্স পঠমে ইধ, ভিক্খৰে, ভিক্খূতি, ভিক্খৰে, ইমস্মিং সাসনে ভিক্খু. নেৰ সুমনো হোতি ন দুম্মনোতি ইট্ঠারম্মণে রাগসহগতেন সোমনস্সেন সুমনো ৰা অনিট্ঠারম্মণে দোসসহগতেন দোমনস্সেন দুম্মনো ৰা ন হোতি. উপেক্খকো ৰিহরতি সতো সম্পজানোতি মজ্ঝত্তারম্মণে অসমপেক্খনেন অঞ্ঞাণুপেক্খায উপেক্খকভাৰং অনাপজ্জিত্ৰা সতো সম্পজানো হুত্ৰা আরম্মণে মজ্ঝত্তো ৰিহরতি. ইমস্মিং সুত্তে খীণাসৰস্স সততৰিহারো কথিতো.