(৪) পচ্চুপ্পন্নাতীতৰারো

(ক) অনুলোমপুগ্গলো

১৪৭. (ক) যস্স কাযসঙ্খারো উপ্পজ্জতি তস্স ৰচীসঙ্খারো নিরুজ্ঝিত্থাতি? আমন্তা.

(খ) যস্স ৰা পন ৰচীসঙ্খারো নিরুজ্ঝিত্থ তস্স কাযসঙ্খারো উপ্পজ্জতীতি?

সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং ৰচীসঙ্খারো নিরুজ্ঝিত্থ, নো চ তেসং কাযসঙ্খারো উপ্পজ্জতি. অস্সাসপস্সাসানং উপ্পাদক্খণে তেসং ৰচীসঙ্খারো চ নিরুজ্ঝিত্থ কাযসঙ্খারো চ উপ্পজ্জতি.

(যথা উপ্পাদৰারে পচ্চুপ্পন্নাতীতা পুচ্ছা অনুলোমম্পি পচ্চনীকম্পি ৰিভত্তা এৰং উপ্পাদৰারনিরোধৰারেপি পচ্চুপ্পন্নাতীতা পুচ্ছা অনুলোমম্পি পচ্চনীকম্পি ৰিভজিতব্বা.)