(৩) অনাগতৰারো

(ক) অনুলোমপুগ্গলো

৮৮. (ক) যস্স কাযসঙ্খারো নিরুজ্ঝিস্সতি তস্স ৰচীসঙ্খারো নিরুজ্ঝিস্সতীতি? আমন্তা.

(খ) যস্স ৰা পন ৰচীসঙ্খারো নিরুজ্ঝিস্সতি তস্স কাযসঙ্খারো নিরুজ্ঝিস্সতীতি?

কামাৰচরানং পচ্ছিমচিত্তস্স উপ্পাদক্খণে যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি রূপাৰচরে অরূপাৰচরে পচ্ছিমভৰিকানং যে চ রূপাৰচরং অরূপাৰচরং উপপজ্জিত্ৰা পরিনিব্বাযিস্সন্তি তেসং চৰন্তানং তেসং ৰচীসঙ্খারো নিরুজ্ঝিস্সতি, নো চ তেসং কাযসঙ্খারো নিরুজ্ঝিস্সতি. ইতরেসং তেসং ৰচীসঙ্খারো চ নিরুজ্ঝিস্সতি কাযসঙ্খারো চ নিরুজ্ঝিস্সতি.

(ক) যস্স কাযসঙ্খারো নিরুজ্ঝিস্সতি তস্স চিত্তসঙ্খারো নিরুজ্ঝিস্সতীতি? আমন্তা.

(খ) যস্স ৰা পন চিত্তসঙ্খারো নিরুজ্ঝিস্সতি তস্স কাযসঙ্খারো নিরুজ্ঝিস্সতীতি?

কামাৰচরানং পচ্ছিমচিত্তস্স উপ্পাদক্খণে যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি রূপাৰচরে অরূপাৰচরে পচ্ছিমভৰিকানং যে চ রূপাৰচরং অরূপাৰচরং উপপজ্জিত্ৰা পরিনিব্বাযিস্সন্তি তেসং চৰন্তানং তেসং চিত্তসঙ্খারো নিরুজ্ঝিস্সতি, নো চ তেসং কাযসঙ্খারো নিরুজ্ঝিস্সতি. ইতরেসং তেসং চিত্তসঙ্খারো চ নিরুজ্ঝিস্সতি কাযসঙ্খারো চ নিরুজ্ঝিস্সতি.

৮৯. (ক) যস্স ৰচীসঙ্খারো নিরুজ্ঝিস্সতি তস্স চিত্তসঙ্খারো নিরুজ্ঝিস্সতীতি? আমন্তা.

(খ) যস্স ৰা পন চিত্তসঙ্খারো নিরুজ্ঝিস্সতি তস্স ৰচীসঙ্খারো নিরুজ্ঝিস্সতীতি?

অৰিতক্কঅৰিচারপচ্ছিমচিত্তস্স উপ্পাদক্খণে যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি তেসং চিত্তসঙ্খারো নিরুজ্ঝিস্সতি, নো চ তেসং ৰচীসঙ্খারো নিরুজ্ঝিস্সতি. ইতরেসং তেসং চিত্তসঙ্খারো চ নিরুজ্ঝিস্সতি ৰচীসঙ্খারো চ নিরুজ্ঝিস্সতি.

(খ) অনুলোমওকাসো

৯০. যত্থ কাযসঙ্খারো নিরুজ্ঝিস্সতি…পে….

(গ) অনুলোমপুগ্গলোকাসা

৯১. (ক) যস্স যত্থ কাযসঙ্খারো নিরুজ্ঝিস্সতি তস্স তত্থ ৰচীসঙ্খারো নিরুজ্ঝিস্সতীতি?

দুতিযজ্ঝানং ততিযজ্ঝানং সমাপন্নানং তেসং তত্থ কাযসঙ্খারো নিরুজ্ঝিস্সতি, নো চ তেসং তত্থ ৰচীসঙ্খারো নিরুজ্ঝিস্সতি. পঠমজ্ঝানং সমাপন্নানং কামাৰচরানং তেসং তত্থ কাযসঙ্খারো চ নিরুজ্ঝিস্সতি ৰচীসঙ্খারো চ নিরুজ্ঝিস্সতি.

(খ) যস্স ৰা পন যত্থ ৰচীসঙ্খারো নিরুজ্ঝিস্সতি তস্স তত্থ কাযসঙ্খারো নিরুজ্ঝিস্সতীতি?

কামাৰচরানং পচ্ছিমচিত্তস্স উপ্পাদক্খণে যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি রূপাৰচরানং অরূপাৰচরানং তেসং তত্থ ৰচীসঙ্খারো নিরুজ্ঝিস্সতি, নো চ তেসং তত্থ কাযসঙ্খারো নিরুজ্ঝিস্সতি. পঠমজ্ঝানং সমাপন্নানং ইতরেসং কামাৰচরানং তেসং তত্থ ৰচীসঙ্খারো চ নিরুজ্ঝিস্সতি কাযসঙ্খারো চ নিরুজ্ঝিস্সতি.

(ক) যস্স যত্থ কাযসঙ্খারো নিরুজ্ঝিস্সতি তস্স তত্থ চিত্তসঙ্খারো নিরুজ্ঝিস্সতীতি? আমন্তা.

(খ) যস্স ৰা পন যত্থ চিত্তসঙ্খারো নিরুজ্ঝিস্সতি তস্স তত্থ কাযসঙ্খারো নিরুজ্ঝিস্সতীতি?

কামাৰচরানং পচ্ছিমচিত্তস্স উপ্পাদক্খণে যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি চতুত্থজ্ঝানং সমাপন্নানং রূপাৰচরানং অরূপাৰচরানং তেসং তত্থ চিত্তসঙ্খারো নিরুজ্ঝিস্সতি, নো চ তেসং তত্থ কাযসঙ্খারো নিরুজ্ঝিস্সতি. পঠমজ্ঝানং দুতিযজ্ঝানং ততিযজ্ঝানং সমাপন্নানং ইতরেসং কামাৰচরানং তেসং তত্থ চিত্তসঙ্খারো চ নিরুজ্ঝিস্সতি কাযসঙ্খারো চ নিরুজ্ঝিস্সতি.

৯২. (ক) যস্স যত্থ ৰচীসঙ্খারো নিরুজ্ঝিস্সতি তস্স তত্থ চিত্তসঙ্খারো নিরুজ্ঝিস্সতীতি? আমন্তা.

(খ) যস্স ৰা পন যত্থ চিত্তসঙ্খারো নিরুজ্ঝিস্সতি তস্স তত্থ ৰচীসঙ্খারো নিরুজ্ঝিস্সতীতি?

অৰিতক্কঅৰিচারপচ্ছিমচিত্তস্স উপ্পাদক্খণে যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি দুতিযজ্ঝানং ততিযজ্ঝানং চতুত্থজ্ঝানং সমাপন্নানং তেসং তত্থ চিত্তসঙ্খারো নিরুজ্ঝিস্সতি, নো চ তেসং তত্থ ৰচীসঙ্খারো নিরুজ্ঝিস্সতি. পঠমজ্ঝানং সমাপন্নানং কামাৰচরানং ইতরেসং রূপাৰচরানং অরূপাৰচরানং তেসং তত্থ চিত্তসঙ্খারো চ নিরুজ্ঝিস্সতি ৰচীসঙ্খারো চ নিরুজ্ঝিস্সতি.

(ঘ) পচ্চনীকপুগ্গলো

৯৩. (ক) যস্স কাযসঙ্খারো ন নিরুজ্ঝিস্সতি তস্স ৰচীসঙ্খারো ন নিরুজ্ঝিস্সতীতি?

কামাৰচরানং পচ্ছিমচিত্তস্স উপ্পাদক্খণে যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি রূপাৰচরে অরূপাৰচরে পচ্ছিমভৰিকানং যে চ রূপাৰচরং অরূপাৰচরং উপপজ্জিত্ৰা পরিনিব্বাযিস্সন্তি তেসং চৰন্তানং তেসং কাযসঙ্খারো ন নিরুজ্ঝিস্সতি, নো চ তেসং ৰচীসঙ্খারো ন নিরুজ্ঝিস্সতি. সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি তেসং কাযসঙ্খারো চ ন নিরুজ্ঝিস্সতি ৰচীসঙ্খারো চ ন নিরুজ্ঝিস্সতি.

(খ) যস্স ৰা পন…পে…? আমন্তা.

(ক) যস্স কাযসঙ্খারো ন নিরুজ্ঝিস্সতি তস্স চিত্তসঙ্খারো ন নিরুজ্ঝিস্সতীতি?

কামাৰচরানং পচ্ছিমচিত্তস্স উপ্পাদক্খণে যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি রূপাৰচরে অরূপাৰচরে পচ্ছিমভৰিকানং যে চ রূপাৰচরং অরূপাৰচরং উপপজ্জিত্ৰা পরিনিব্বাযিস্সন্তি তেসং চৰন্তানং তেসং কাযসঙ্খারো ন নিরুজ্ঝিস্সতি, নো চ তেসং চিত্তসঙ্খারো ন নিরুজ্ঝিস্সতি. পচ্ছিমচিত্তস্স ভঙ্গক্খণে তেসং কাযসঙ্খারো চ ন নিরুজ্ঝিস্সতি চিত্তসঙ্খারো চ ন নিরুজ্ঝিস্সতি.

(খ) যস্স ৰা পন…পে…? আমন্তা.

৯৪. (ক) যস্স ৰচীসঙ্খারো ন নিরুজ্ঝিস্সতি তস্স চিত্তসঙ্খারো ন নিরুজ্ঝিস্সতীতি?

অৰিতক্কঅৰিচারপচ্ছিমচিত্তস্স উপ্পাদক্খণে যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি তেসং ৰচীসঙ্খারো ন নিরুজ্ঝিস্সতি, নো চ তেসং চিত্তসঙ্খারো ন নিরুজ্ঝিস্সতি. পচ্ছিমচিত্তস্স ভঙ্গক্খণে তেসং ৰচীসঙ্খারো চ ন নিরুজ্ঝিস্সতি চিত্তসঙ্খারো চ ন নিরুজ্ঝিস্সতি.

(খ) যস্স ৰা পন…পে…? আমন্তা.

(ঙ) পচ্চনীকওকাসো

৯৫. যত্থ কাযসঙ্খারো ন নিরুজ্ঝিস্সতি…পে….

(চ) পচ্চনীকপুগ্গলোকাসা

৯৬. (ক) যস্স যত্থ কাযসঙ্খারো ন নিরুজ্ঝিস্সতি তস্স তত্থ ৰচীসঙ্খারো ন নিরুজ্ঝিস্সতীতি?

কামাৰচরানং পচ্ছিমচিত্তস্স উপ্পাদক্খণে যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি রূপাৰচরানং অরূপাৰচরানং তেসং তত্থ কাযসঙ্খারো ন নিরুজ্ঝিস্সতি, নো চ তেসং তত্থ ৰচীসঙ্খারো ন নিরুজ্ঝিস্সতি. সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি চতুত্থজ্ঝানং সমাপন্নানং অসঞ্ঞসত্তানং তেসং তত্থ কাযসঙ্খারো চ ন নিরুজ্ঝিস্সতি ৰচীসঙ্খারো চ ন নিরুজ্ঝিস্সতি.

(খ) যস্স ৰা পন যত্থ ৰচীসঙ্খারো ন নিরুজ্ঝিস্সতি তস্স তত্থ কাযসঙ্খারো ন নিরুজ্ঝিস্সতীতি?

দুতিযজ্ঝানং ততিযজ্ঝানং সমাপন্নানং তেসং তত্থ ৰচীসঙ্খারো ন নিরুজ্ঝিস্সতি, নো চ তেসং তত্থ কাযসঙ্খারো ন নিরুজ্ঝিস্সতি. সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি চতুত্থজ্ঝানং সমাপন্নানং অসঞ্ঞসত্তানং তেসং তত্থ ৰচীসঙ্খারো চ ন নিরুজ্ঝিস্সতি কাযসঙ্খারো চ ন নিরুজ্ঝিস্সতি.

(ক) যস্স যত্থ কাযসঙ্খারো ন নিরুজ্ঝিস্সতি তস্স তত্থ চিত্তসঙ্খারো ন নিরুজ্ঝিস্সতীতি?

কামাৰচরানং পচ্ছিমচিত্তস্স উপ্পাদক্খণে যস্স চিত্তস্স অনন্তরা কামাৰচরানং পচ্ছিমচিত্তং উপ্পজ্জিস্সতি চতুত্থজ্ঝানং সমাপন্নানং রূপাৰচরানং অরূপাৰচরানং তেসং তত্থ কাযসঙ্খারো ন নিরুজ্ঝিস্সতি, নো চ তেসং তত্থ চিত্তসঙ্খারো ন নিরুজ্ঝিস্সতি. পচ্ছিমচিত্তস্স ভঙ্গক্খণে অসঞ্ঞসত্তানং তেসং তত্থ কাযসঙ্খারো চ ন নিরুজ্ঝিস্সতি চিত্তসঙ্খারো চ ন নিরুজ্ঝিস্সতি.

(খ) যস্স ৰা পন যত্থ চিত্তসঙ্খারো ন নিরুজ্ঝিস্সতি তস্স তত্থ কাযসঙ্খারো ন নিরুজ্ঝিস্সতীতি? আমন্তা.

৯৭. (ক) যস্স যত্থ ৰচীসঙ্খারো ন নিরুজ্ঝিস্সতি তস্স তত্থ চিত্তসঙ্খারো ন নিরুজ্ঝিস্সতীতি?

অৰিতক্কঅৰিচারপচ্ছিমচিত্তস্স উপ্পাদক্খণে যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি দুতিযজ্ঝানং ততিযজ্ঝানং চতুত্থজ্ঝানং সমাপন্নানং তেসং তত্থ ৰচীসঙ্খারো ন নিরুজ্ঝিস্সতি, নো চ তেসং তত্থ চিত্তসঙ্খারো ন নিরুজ্ঝিস্সতি. পচ্ছিমচিত্তস্স ভঙ্গক্খণে অসঞ্ঞসত্তানং তেসং তত্থ ৰচীসঙ্খারো চ ন নিরুজ্ঝিস্সতি চিত্তসঙ্খারো চ ন নিরুজ্ঝিস্সতি.

(খ) যস্স ৰা পন যত্থ চিত্তসঙ্খারো ন নিরুজ্ঝিস্সতি তস্স তত্থ ৰচীসঙ্খারো ন নিরুজ্ঝিস্সতীতি? আমন্তা.