(৪) পচ্চুপ্পন্নাতীতৰারো

(ক) অনুলোমপুগ্গলো

৯৮. (ক) যস্স কাযসঙ্খারো নিরুজ্ঝতি তস্স ৰচীসঙ্খারো নিরুজ্ঝিত্থাতি? আমন্তা.

(খ) যস্স ৰা পন ৰচীসঙ্খারো নিরুজ্ঝিত্থ তস্স কাযসঙ্খারো নিরুজ্ঝতীতি?

সব্বেসং চিত্তস্স উপ্পাদক্খণে ৰিনা অস্সাসপস্সাসেহি চিত্তস্স ভঙ্গক্খণে নিরোধসমাপন্নানং অসঞ্ঞসত্তানং তেসং ৰচীসঙ্খারো নিরুজ্ঝিত্থ, নো চ তেসং কাযসঙ্খারো নিরুজ্ঝতি. অস্সাসপস্সাসানং ভঙ্গক্খণে তেসং ৰচীসঙ্খারো চ নিরুজ্ঝিত্থ কাযসঙ্খারো চ নিরুজ্ঝতি.

(ক) যস্স কাযসঙ্খারো নিরুজ্ঝতি তস্স চিত্তসঙ্খারো নিরুজ্ঝিত্থাতি? আমন্তা.

(খ) যস্স ৰা পন চিত্তসঙ্খারো নিরুজ্ঝিত্থ তস্স কাযসঙ্খারো নিরুজ্ঝতীতি?

সব্বেসং চিত্তস্স উপ্পাদক্খণে ৰিনা অস্সাসপস্সাসেহি চিত্তস্স ভঙ্গক্খণে নিরোধসমাপন্নানং অসঞ্ঞসত্তানং তেসং চিত্তসঙ্খারো নিরুজ্ঝিত্থ, নো চ তেসং কাযসঙ্খারো নিরুজ্ঝতি. অস্সাসপস্সাসানং ভঙ্গক্খণে তেসং চিত্তসঙ্খারো চ নিরুজ্ঝিত্থ কাযসঙ্খারো চ নিরুজ্ঝতি.

৯৯. (ক) যস্স ৰচীসঙ্খারো নিরুজ্ঝতি তস্স চিত্তসঙ্খারো নিরুজ্ঝিত্থাতি? আমন্তা.

(খ) যস্স ৰা পন চিত্তসঙ্খারো নিরুজ্ঝিত্থ তস্স ৰচীসঙ্খারো নিরুজ্ঝতীতি?

সব্বেসং চিত্তস্স উপ্পাদক্খণে ৰিনা ৰিতক্কৰিচারেহি চিত্তস্স ভঙ্গক্খণে নিরোধসমাপন্নানং অসঞ্ঞসত্তানং তেসং চিত্তসঙ্খারো নিরুজ্ঝিত্থ, নো চ তেসং ৰচীসঙ্খারো নিরুজ্ঝতি. ৰিতক্কৰিচারানং ভঙ্গক্খণে তেসং চিত্তসঙ্খারো চ নিরুজ্ঝিত্থ ৰচীসঙ্খারো চ নিরুজ্ঝতি.

(খ) অনুলোমওকাসো

১০০. যত্থ কাযসঙ্খারো নিরুজ্ঝতি…পে….

(গ) অনুলোমপুগ্গলোকাসা

১০১. (ক) যস্স যত্থ কাযসঙ্খারো নিরুজ্ঝতি তস্স তত্থ ৰচীসঙ্খারো নিরুজ্ঝিত্থাতি?

দুতিযজ্ঝানং ততিযজ্ঝানং সমাপন্নানং অস্সাসপস্সাসানং ভঙ্গক্খণে তেসং তত্থ কাযসঙ্খারো নিরুজ্ঝতি, নো চ তেসং তত্থ ৰচীসঙ্খারো নিরুজ্ঝিত্থ. পঠমজ্ঝানং সমাপন্নানং কামাৰচরানং অস্সাসপস্সাসানং ভঙ্গক্খণে তেসং তত্থ কাযসঙ্খারো চ নিরুজ্ঝতি ৰচীসঙ্খারো চ নিরুজ্ঝিত্থ.

(খ) যস্স ৰা পন যত্থ ৰচীসঙ্খারো নিরুজ্ঝিত্থ তস্স তত্থ কাযসঙ্খারো নিরুজ্ঝতীতি?

পঠমজ্ঝানং সমাপন্নানং কামাৰচরানং অস্সাসপস্সাসানং উপ্পাদক্খণে তেসংযেৰ ৰিনা অস্সাসপস্সাসেহি চিত্তস্স ভঙ্গক্খণে রূপাৰচরানং অরূপাৰচরানং তেসং তত্থ ৰচীসঙ্খারো নিরুজ্ঝিত্থ, নো চ তেসং তত্থ কাযসঙ্খারো নিরুজ্ঝতি. পঠমজ্ঝানং সমাপন্নানং কামাৰচরানং অস্সাসপস্সাসানং ভঙ্গক্খণে তেসং তত্থ ৰচীসঙ্খারো চ নিরুজ্ঝিত্থ কাযসঙ্খারো চ নিরুজ্ঝতি.

(ক) যস্স যত্থ কাযসঙ্খারো নিরুজ্ঝতি তস্স তত্থ চিত্তসঙ্খারো নিরুজ্ঝিত্থাতি? আমন্তা.

(খ) যস্স ৰা পন যত্থ চিত্তসঙ্খারো নিরুজ্ঝিত্থ তস্স তত্থ কাযসঙ্খারো নিরুজ্ঝতীতি?

সব্বেসং চিত্তস্স উপ্পাদক্খণে ৰিনা অস্সাসপস্সাসেহি চিত্তস্স ভঙ্গক্খণে তেসং তত্থ চিত্তসঙ্খারো নিরুজ্ঝিত্থ, নো চ তেসং তত্থ কাযসঙ্খারো নিরুজ্ঝতি. অস্সাসপস্সাসানং ভঙ্গক্খণে তেসং তত্থ চিত্তসঙ্খারো চ নিরুজ্ঝিত্থ কাযসঙ্খারো চ নিরুজ্ঝতি.

১০২. (ক) যস্স যত্থ ৰচীসঙ্খারো নিরুজ্ঝতি তস্স তত্থ চিত্তসঙ্খারো নিরুজ্ঝিত্থাতি? আমন্তা.

(খ) যস্স ৰা পন যত্থ চিত্তসঙ্খারো নিরুজ্ঝিত্থ তস্স তত্থ ৰচীসঙ্খারো নিরুজ্ঝতীতি?

সব্বেসং চিত্তস্স উপ্পাদক্খণে ৰিনা ৰিতক্কৰিচারেহি চিত্তস্স ভঙ্গক্খণে তেসং তত্থ চিত্তসঙ্খারো নিরুজ্ঝিত্থ, নো চ তেসং তত্থ ৰচীসঙ্খারো নিরুজ্ঝতি. ৰিতক্কৰিচারানং ভঙ্গক্খণে তেসং তত্থ চিত্তসঙ্খারো চ নিরুজ্ঝিত্থ ৰচীসঙ্খারো চ নিরুজ্ঝতি.

(ঘ) পচ্চনীকপুগ্গলো

১০৩. (ক) যস্স কাযসঙ্খারো ন নিরুজ্ঝতি তস্স ৰচীসঙ্খারো ন নিরুজ্ঝিত্থাতি? নিরুজ্ঝিত্থ.

(খ) যস্স ৰা পন ৰচীসঙ্খারো ন নিরুজ্ঝিত্থ তস্স কাযসঙ্খারো ন নিরুজ্ঝতীতি? নত্থি.

(ক) যস্স কাযসঙ্খারো ন নিরুজ্ঝতি তস্স চিত্তসঙ্খারো ন নিরুজ্ঝিত্থাতি? নিরুজ্ঝিত্থ.

(খ) যস্স ৰা পন চিত্তসঙ্খারো ন নিরুজ্ঝিত্থ তস্স কাযসঙ্খারো ন নিরুজ্ঝতীতি? নত্থি.

১০৪. (ক) যস্স ৰচীসঙ্খারো ন নিরুজ্ঝতি তস্স চিত্তসঙ্খারো ন নিরুজ্ঝিত্থাতি? নিরুজ্ঝিত্থ.

(খ) যস্স ৰা পন চিত্তসঙ্খারো ন নিরুজ্ঝিত্থ তস্স ৰচীসঙ্খারো ন নিরুজ্ঝতীতি? নত্থি.

(ঙ) পচ্চনীকওকাসো

১০৫. যত্থ কাযসঙ্খারো ন নিরুজ্ঝতি…পে….

(চ) পচ্চনীকপুগ্গলোকাসা

১০৬. (ক) যস্স যত্থ কাযসঙ্খারো ন নিরুজ্ঝতি তস্স তত্থ ৰচীসঙ্খারো ন নিরুজ্ঝিত্থাতি?

পঠমজ্ঝানং সমাপন্নানং কামাৰচরানং অস্সাসপস্সাসানং উপ্পাদক্খণে তেসংযেৰ ৰিনা অস্সাসপস্সাসেহি চিত্তস্স ভঙ্গক্খণে রূপাৰচরানং অরূপাৰচরানং তেসং তত্থ কাযসঙ্খারো ন নিরুজ্ঝতি, নো চ তেসং তত্থ ৰচীসঙ্খারো ন নিরুজ্ঝিত্থ. দুতিযজ্ঝানং ততিযজ্ঝানং সমাপন্নানং অস্সাসপস্সাসানং উপ্পাদক্খণে তেসংযেৰ ৰিনা অস্সাসপস্সাসেহি চিত্তস্স ভঙ্গক্খণে চতুত্থজ্ঝানং সমাপন্নানং সুদ্ধাৰাসানং দুতিযে চিত্তে ৰত্তমানে অসঞ্ঞসত্তানং তেসং তত্থ কাযসঙ্খারো চ ন নিরুজ্ঝতি ৰচীসঙ্খারো চ ন নিরুজ্ঝিত্থ.

(খ) যস্স ৰা পন যত্থ ৰচীসঙ্খারো ন নিরুজ্ঝিত্থ তস্স তত্থ কাযসঙ্খারো ন নিরুজ্ঝতীতি?

দুতিযজ্ঝানং ততিযজ্ঝানং সমাপন্নানং অস্সাসপস্সাসানং ভঙ্গক্খণে তেসং তত্থ ৰচীসঙ্খারো ন নিরুজ্ঝিত্থ, নো চ তেসং তত্থ কাযসঙ্খারো ন নিরুজ্ঝতি. দুতিযজ্ঝানং ততিযজ্ঝানং সমাপন্নানং অস্সাসপস্সাসানং উপ্পাদক্খণে তেসংযেৰ ৰিনা অস্সাসপস্সাসেহি চিত্তস্স ভঙ্গক্খণে চতুত্থজ্ঝানং সমাপন্নানং সুদ্ধাৰাসানং দুতিযে চিত্তে ৰত্তমানে অসঞ্ঞসত্তানং তেসং তত্থ ৰচীসঙ্খারো চ ন নিরুজ্ঝিত্থ কাযসঙ্খারো চ ন নিরুজ্ঝতি.

(ক) যস্স যত্থ কাযসঙ্খারো ন নিরুজ্ঝতি তস্স তত্থ চিত্তসঙ্খারো ন নিরুজ্ঝিত্থাতি?

সব্বেসং চিত্তস্স উপ্পাদক্খণে ৰিনা অস্সাসপস্সাসেহি চিত্তস্স ভঙ্গক্খণে তেসং তত্থ কাযসঙ্খারো ন নিরুজ্ঝতি, নো চ তেসং তত্থ চিত্তসঙ্খারো ন নিরুজ্ঝিত্থ. সুদ্ধাৰাসং উপপজ্জন্তানং অসঞ্ঞসত্তানং তেসং তত্থ কাযসঙ্খারো চ ন নিরুজ্ঝতি চিত্তসঙ্খারো চ ন নিরুজ্ঝিত্থ.

(খ) যস্স ৰা পন যত্থ চিত্তসঙ্খারো ন নিরুজ্ঝিত্থ তস্স তত্থ কাযসঙ্খারো ন নিরুজ্ঝতীতি? আমন্তা.

১০৭. (ক) যস্স যত্থ ৰচীসঙ্খারো ন নিরুজ্ঝতি তস্স তত্থ চিত্তসঙ্খারো ন নিরুজ্ঝিত্থাতি?

সব্বেসং চিত্তস্স উপ্পাদক্খণে ৰিনা ৰিতক্কৰিচারেহি চিত্তস্স ভঙ্গক্খণে তেসং তত্থ ৰচীসঙ্খারো ন নিরুজ্ঝতি, নো চ তেসং তত্থ চিত্তসঙ্খারো ন নিরুজ্ঝিত্থ. সুদ্ধাৰাসং উপপজ্জন্তানং অসঞ্ঞসত্তানং তেসং তত্থ ৰচীসঙ্খারো চ ন নিরুজ্ঝতি চিত্তসঙ্খারো চ ন নিরুজ্ঝিত্থ.

(খ) যস্স ৰা পন যত্থ চিত্তসঙ্খারো ন নিরুজ্ঝিত্থ তস্স তত্থ ৰচীসঙ্খারো ন নিরুজ্ঝতীতি? আমন্তা.