(৫) পচ্চুপ্পন্নানাগতৰারো

(ক) অনুলোমপুগ্গলো

৫৯. (ক) যস্স কাযসঙ্খারো উপ্পজ্জতি তস্স ৰচীসঙ্খারো উপ্পজ্জিস্সতীতি? আমন্তা.

(খ) যস্স ৰা পন ৰচীসঙ্খারো উপ্পজ্জিস্সতি তস্স কাযসঙ্খারো উপ্পজ্জতীতি?

সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং ৰচীসঙ্খারো উপ্পজ্জিস্সতি, নো চ তেসং কাযসঙ্খারো উপ্পজ্জতি. অস্সাসপস্সাসানং উপ্পাদক্খণে তেসং ৰচীসঙ্খারো চ উপ্পজ্জিস্সতি কাযসঙ্খারো চ উপ্পজ্জতি.

(ক) যস্স কাযসঙ্খারো উপ্পজ্জতি তস্স চিত্তসঙ্খারো উপ্পজ্জিস্সতীতি? আমন্তা.

(খ) যস্স ৰা পন চিত্তসঙ্খারো উপ্পজ্জিস্সতি তস্স কাযসঙ্খারো উপ্পজ্জতীতি?

সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং চিত্তসঙ্খারো উপ্পজ্জিস্সতি, নো চ তেসং কাযসঙ্খারো উপ্পজ্জতি. অস্সাসপস্সাসানং উপ্পাদক্খণে তেসং চিত্তসঙ্খারো চ উপ্পজ্জিস্সতি কাযসঙ্খারো চ উপ্পজ্জতি.

৬০. (ক) যস্স ৰচীসঙ্খারো উপ্পজ্জতি তস্স চিত্তসঙ্খারো উপ্পজ্জিস্সতীতি?

সৰিতক্কসৰিচারপচ্ছিমচিত্তস্স উপ্পাদক্খণে তেসং ৰচীসঙ্খারো উপ্পজ্জতি, নো চ তেসং চিত্তসঙ্খারো উপ্পজ্জিস্সতি. ইতরেসং ৰিতক্কৰিচারানং উপ্পাদক্খণে তেসং ৰচীসঙ্খারো চ উপ্পজ্জতি চিত্তসঙ্খারো চ উপ্পজ্জিস্সতি.

(খ) যস্স ৰা পন চিত্তসঙ্খারো উপ্পজ্জিস্সতি তস্স ৰচীসঙ্খারো উপ্পজ্জতীতি?

সব্বেসং চিত্তস্স ভঙ্গক্খণে ৰিনা ৰিতক্কৰিচারেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং চিত্তসঙ্খারো উপ্পজ্জিস্সতি, নো চ তেসং ৰচীসঙ্খারো উপ্পজ্জতি. ৰিতক্কৰিচারানং উপ্পাদক্খণে তেসং চিত্তসঙ্খারো চ উপ্পজ্জিস্সতি ৰচীসঙ্খারো চ উপ্পজ্জতি.

(খ) অনুলোমওকাসো

৬১. যত্থ কাযসঙ্খারো উপ্পজ্জতি…পে….

(গ) অনুলোমপুগ্গলোকাসা

৬২. (ক) যস্স যত্থ কাযসঙ্খারো উপ্পজ্জতি তস্স তত্থ ৰচীসঙ্খারো উপ্পজ্জিস্সতীতি?

দুতিযজ্ঝানং ততিযজ্ঝানং সমাপন্নানং অস্সাসপস্সাসানং উপ্পাদক্খণে তেসং তত্থ কাযসঙ্খারো উপ্পজ্জতি, নো চ তেসং তত্থ ৰচীসঙ্খারো উপ্পজ্জিস্সতি. পঠমজ্ঝানং সমাপন্নানং কামাৰচরানং অস্সাসপস্সাসানং উপ্পাদক্খণে তেসং তত্থ কাযসঙ্খারো চ উপ্পজ্জতি ৰচীসঙ্খারো চ উপ্পজ্জিস্সতি.

(খ) যস্স ৰা পন যত্থ ৰচীসঙ্খারো উপ্পজ্জিস্সতি তস্স তত্থ কাযসঙ্খারো উপ্পজ্জতীতি?

পঠমজ্ঝানং সমাপন্নানং কামাৰচরানং অস্সাসপস্সাসানং ভঙ্গক্খণে তেসংযেৰ ৰিনা অস্সাসপস্সাসেহি চিত্তস্স উপ্পাদক্খণে রূপাৰচরানং অরূপাৰচরানং তেসং তত্থ ৰচীসঙ্খারো উপ্পজ্জিস্সতি, নো চ তেসং তত্থ কাযসঙ্খারো উপ্পজ্জতি. পঠমজ্ঝানং সমাপন্নানং কামাৰচরানং অস্সাসপস্সাসানং উপ্পাদক্খণে তেসং তত্থ ৰচীসঙ্খারো চ উপ্পজ্জিস্সতি কাযসঙ্খারো চ উপ্পজ্জতি.

(ক) যস্স যত্থ কাযসঙ্খারো উপ্পজ্জতি তস্স তত্থ চিত্তসঙ্খারো উপ্পজ্জিস্সতীতি? আমন্তা.

(খ) যস্স ৰা পন যত্থ চিত্তসঙ্খারো উপ্পজ্জিস্সতি তস্স তত্থ কাযসঙ্খারো উপ্পজ্জতীতি?

সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে তেসং তত্থ চিত্তসঙ্খারো উপ্পজ্জিস্সতি, নো চ তেসং তত্থ কাযসঙ্খারো উপ্পজ্জতি. অস্সাসপস্সাসানং উপ্পাদক্খণে তেসং তত্থ চিত্তসঙ্খারো চ উপ্পজ্জিস্সতি কাযসঙ্খারো চ উপ্পজ্জতি.

৬৩. (ক) যস্স যত্থ ৰচীসঙ্খারো উপ্পজ্জতি তস্স তত্থ চিত্তসঙ্খারো উপ্পজ্জিস্সতীতি?

সৰিতক্কসৰিচারপচ্ছিমচিত্তস্স উপ্পাদক্খণে তেসং তত্থ ৰচীসঙ্খারো উপ্পজ্জতি, নো চ তেসং তত্থ চিত্তসঙ্খারো উপ্পজ্জিস্সতি. ইতরেসং ৰিতক্কৰিচারানং উপ্পাদক্খণে তেসং তত্থ ৰচীসঙ্খারো চ উপ্পজ্জতি চিত্তসঙ্খারো চ উপ্পজ্জিস্সতি.

(খ) যস্স ৰা পন যত্থ চিত্তসঙ্খারো উপ্পজ্জিস্সতি তস্স তত্থ ৰচীসঙ্খারো উপ্পজ্জতীতি?

সব্বেসং চিত্তস্স ভঙ্গক্খণে ৰিনা ৰিতক্কৰিচারেহি চিত্তস্স উপ্পাদক্খণে তেসং তত্থ চিত্তসঙ্খারো উপ্পজ্জিস্সতি, নো চ তেসং তত্থ ৰচীসঙ্খারো উপ্পজ্জতি. ৰিতক্কৰিচারানং উপ্পাদক্খণে তেসং তত্থ চিত্তসঙ্খারো চ উপ্পজ্জিস্সতি ৰচীসঙ্খারো চ উপ্পজ্জতি.

(ঘ) পচ্চনীকপুগ্গলো

৬৪. (ক) যস্স কাযসঙ্খারো নুপ্পজ্জতি তস্স ৰচীসঙ্খারো নুপ্পজ্জিস্সতীতি?

সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং কাযসঙ্খারো নুপ্পজ্জতি, নো চ তেসং ৰচীসঙ্খারো নুপ্পজ্জিস্সতি. পচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি তেসং কাযসঙ্খারো চ নুপ্পজ্জতি ৰচীসঙ্খারো চ নুপ্পজ্জিস্সতি.

(খ) যস্স ৰা পন ৰচীসঙ্খারো নুপ্পজ্জিস্সতি তস্স কাযসঙ্খারো নুপ্পজ্জতীতি? আমন্তা.

(ক) যস্স কাযসঙ্খারো নুপ্পজ্জতি তস্স চিত্তসঙ্খারো নুপ্পজ্জিস্সতীতি?

সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং কাযসঙ্খারো নুপ্পজ্জতি, নো চ তেসং চিত্তসঙ্খারো নুপ্পজ্জিস্সতি. পচ্ছিমচিত্তসমঙ্গীনং তেসং কাযসঙ্খারো চ নুপ্পজ্জতি চিত্তসঙ্খারো চ নুপ্পজ্জিস্সতি.

(খ) যস্স ৰা পন…পে…? আমন্তা.

৬৫. (ক) যস্স ৰচীসঙ্খারো নুপ্পজ্জতি তস্স চিত্তসঙ্খারো নুপ্পজ্জিস্সতীতি?

সব্বেসং চিত্তস্স ভঙ্গক্খণে ৰিনা ৰিতক্কৰিচারেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং ৰচীসঙ্খারো নুপ্পজ্জতি, নো চ তেসং চিত্তসঙ্খারো নুপ্পজ্জিস্সতি. সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং তেসং ৰচীসঙ্খারো চ নুপ্পজ্জতি চিত্তসঙ্খারো চ নুপ্পজ্জিস্সতি.

(খ) যস্স ৰা পন চিত্তসঙ্খারো নুপ্পজ্জিস্সতি তস্স ৰচীসঙ্খারো নুপ্পজ্জতীতি?

সৰিতক্কসৰিচারপচ্ছিমচিত্তস্স উপ্পাদক্খণে তেসং চিত্তসঙ্খারো নুপ্পজ্জিস্সতি, নো চ তেসং ৰচীসঙ্খারো নুপ্পজ্জতি. সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং তেসং চিত্তসঙ্খারো চ নুপ্পজ্জিস্সতি ৰচীসঙ্খারো চ নুপ্পজ্জতি.

৪. (ঙ) পচ্চনীকওকাসো

৬৬. যত্থ কাযসঙ্খারো নুপ্পজ্জতি…পে….

(চ) পচ্চনীকপুগ্গলোকাসা

৬৭. (ক) যস্স যত্থ কাযসঙ্খারো নুপ্পজ্জতি তস্স তত্থ ৰচীসঙ্খারো নুপ্পজ্জিস্সতীতি?

পঠমজ্ঝানং সমাপন্নানং কামাৰচরানং অস্সাসপস্সাসানং ভঙ্গক্খণে তেসংযেৰ ৰিনা অস্সাসপস্সাসেহি চিত্তস্স উপ্পাদক্খণে রূপাৰচরানং অরূপাৰচরানং তেসং তত্থ কাযসঙ্খারো নুপ্পজ্জতি, নো চ তেসং তত্থ ৰচীসঙ্খারো নুপ্পজ্জিস্সতি. পচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি দুতিযজ্ঝানং ততিযজ্ঝানং সমাপন্নানং অস্সাসপস্সাসানং ভঙ্গক্খণে তেসংযেৰ ৰিনা অস্সাসপস্সাসেহি চিত্তস্স উপ্পাদক্খণে চতুত্থজ্ঝানং সমাপন্নানং অসঞ্ঞসত্তানং তেসং তত্থ কাযসঙ্খারো চ নুপ্পজ্জতি ৰচীসঙ্খারো চ নুপ্পজ্জিস্সতি.

(খ) যস্স ৰা পন যত্থ ৰচীসঙ্খারো নুপ্পজ্জিস্সতি তস্স তত্থ কাযসঙ্খারো নুপ্পজ্জতীতি?

দুতিযজ্ঝানং ততিযজ্ঝানং সমাপন্নানং অস্সাসপস্সাসানং উপ্পাদক্খণে তেসং তত্থ ৰচীসঙ্খারো নুপ্পজ্জিস্সতি, নো চ তেসং তত্থ কাযসঙ্খারো নুপ্পজ্জতি. পচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি দুতিযজ্ঝানং ততিযজ্ঝানং সমাপন্নানং অস্সাসপস্সাসানং ভঙ্গক্খণে তেসংযেৰ ৰিনা অস্সাসপস্সাসেহি চিত্তস্স উপ্পাদক্খণে চতুত্থজ্ঝানং সমাপন্নানং অসঞ্ঞসত্তানং তেসং তত্থ ৰচীসঙ্খারো চ নুপ্পজ্জিস্সতি কাযসঙ্খারো চ নুপ্পজ্জতি.

(ক) যস্স যত্থ কাযসঙ্খারো নুপ্পজ্জতি তস্স তত্থ চিত্তসঙ্খারো নুপ্পজ্জিস্সতীতি?

সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে তেসং তত্থ কাযসঙ্খারো নুপ্পজ্জতি, নো চ তেসং তত্থ চিত্তসঙ্খারো নুপ্পজ্জিস্সতি. পচ্ছিমচিত্তসমঙ্গীনং অসঞ্ঞসত্তানং তেসং তত্থ কাযসঙ্খারো চ নুপ্পজ্জতি চিত্তসঙ্খারো চ নুপ্পজ্জিস্সতি.

(খ) যস্স ৰা পন যত্থ চিত্তসঙ্খারো নুপ্পজ্জিস্সতি তস্স তত্থ কাযসঙ্খারো নুপ্পজ্জতীতি? আমন্তা.

৬৮. (ক) যস্স যত্থ ৰচীসঙ্খারো নুপ্পজ্জতি তস্স তত্থ চিত্তসঙ্খারো নুপ্পজ্জিস্সতীতি?

সব্বেসং চিত্তস্স ভঙ্গক্খণে ৰিনা ৰিতক্কৰিচারেহি চিত্তস্স উপ্পাদক্খণে তেসং তত্থ ৰচীসঙ্খারো নুপ্পজ্জতি, নো চ তেসং তত্থ চিত্তসঙ্খারো নুপ্পজ্জিস্সতি. সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং অসঞ্ঞসত্তানং তেসং তত্থ ৰচীসঙ্খারো চ নুপ্পজ্জতি চিত্তসঙ্খারো চ নুপ্পজ্জিস্সতি.

(খ) যস্স ৰা পন যত্থ চিত্তসঙ্খারো নুপ্পজ্জিস্সতি তস্স তত্থ ৰচীসঙ্খারো নুপ্পজ্জতীতি?

সৰিতক্কসৰিচারপচ্ছিমচিত্তস্স উপ্পাদক্খণে তেসং তত্থ চিত্তসঙ্খারো নুপ্পজ্জিস্সতি, নো চ তেসং তত্থ ৰচীসঙ্খারো নুপ্পজ্জতি. সৰিতক্কসৰিচারপচ্ছিমচিত্তস্স ভঙ্গক্খণে অৰিতক্কঅৰিচারপচ্ছিমচিত্তসমঙ্গীনং অসঞ্ঞসত্তানং তেসং তত্থ চিত্তসঙ্খারো চ নুপ্পজ্জিস্সতি ৰচীসঙ্খারো চ নুপ্পজ্জতি.