(৬) অতীতানাগতৰারো

(ক) অনুলোমপুগ্গলো

৬৯. (ক) যস্স কাযসঙ্খারো উপ্পজ্জিত্থ তস্স ৰচীসঙ্খারো উপ্পজ্জিস্সতীতি?

পচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি তেসং কাযসঙ্খারো উপ্পজ্জিত্থ, নো চ তেসং ৰচীসঙ্খারো উপ্পজ্জিস্সতি. ইতরেসং তেসং কাযসঙ্খারো চ উপ্পজ্জিত্থ ৰচীসঙ্খারো চ উপ্পজ্জিস্সতি.

(খ) যস্স ৰা পন…পে…? আমন্তা.

(ক) যস্স কাযসঙ্খারো উপ্পজ্জিত্থ তস্স চিত্তসঙ্খারো উপ্পজ্জিস্সতীতি?

পচ্ছিমচিত্তসমঙ্গীনং তেসং কাযসঙ্খারো উপ্পজ্জিত্থ, নো চ তেসং চিত্তসঙ্খারো উপ্পজ্জিস্সতি. ইতরেসং তেসং কাযসঙ্খারো চ উপ্পজ্জিত্থ চিত্তসঙ্খারো চ উপ্পজ্জিস্সতি.

(খ) যস্স ৰা পন…পে…. আমন্তা.

৭০. (ক) যস্স ৰচীসঙ্খারো উপ্পজ্জিত্থ তস্স চিত্তসঙ্খারো উপ্পজ্জিস্সতীতি?

পচ্ছিমচিত্তসমঙ্গীনং তেসং ৰচীসঙ্খারো উপ্পজ্জিত্থ, নো চ তেসং চিত্তসঙ্খারো উপ্পজ্জিস্সতি. ইতরেসং তেসং ৰচীসঙ্খারো চ উপ্পজ্জিত্থ চিত্তসঙ্খারো চ উপ্পজ্জিস্সতি.

(খ) যস্স ৰা পন…পে…? আমন্তা.

(খ) অনুলোমওকাসো

৭১. যত্থ কাযসঙ্খারো উপ্পজ্জিত্থ…পে….

(গ) অনুলোমপুগ্গলোকাসা

৭২. (ক) যস্স যত্থ কাযসঙ্খারো উপ্পজ্জিত্থ তস্স তত্থ ৰচীসঙ্খারো উপ্পজ্জিস্সতীতি?

কামাৰচরে পচ্ছিমচিত্তসমঙ্গীনং দুতিযজ্ঝানং ততিযজ্ঝানং সমাপন্নানং তেসং তত্থ কাযসঙ্খারো উপ্পজ্জিত্থ, নো চ তেসং তত্থ ৰচীসঙ্খারো উপ্পজ্জিস্সতি. পঠমজ্ঝানং সমাপন্নানং ইতরেসং কামাৰচরানং তেসং তত্থ কাযসঙ্খারো চ উপ্পজ্জিত্থ ৰচীসঙ্খারো চ উপ্পজ্জিস্সতি.

(খ) যস্স ৰা পন যত্থ ৰচীসঙ্খারো উপ্পজ্জিস্সতি তস্স তত্থ কাযসঙ্খারো উপ্পজ্জিত্থাতি?

রূপাৰচরানং অরূপাৰচরানং তেসং তত্থ ৰচীসঙ্খারো উপ্পজ্জিস্সতি, নো চ তেসং তত্থ কাযসঙ্খারো উপ্পজ্জিত্থ. পঠমজ্ঝানং সমাপন্নানং কামাৰচরানং তেসং তত্থ ৰচীসঙ্খারো চ উপ্পজ্জিস্সতি কাযসঙ্খারো চ উপ্পজ্জিত্থ.

(ক) যস্স যত্থ কাযসঙ্খারো উপ্পজ্জিত্থ তস্স তত্থ চিত্তসঙ্খারো উপ্পজ্জিস্সতীতি?

কামাৰচরে পচ্ছিমচিত্তসমঙ্গীনং তেসং তত্থ কাযসঙ্খারো উপ্পজ্জিত্থ, নো চ তেসং তত্থ চিত্তসঙ্খারো উপ্পজ্জিস্সতি. পঠমজ্ঝানং দুতিযজ্ঝানং ততিযজ্ঝানং সমাপন্নানং ইতরেসং কামাৰচরানং তেসং তত্থ কাযসঙ্খারো চ উপ্পজ্জিত্থ চিত্তসঙ্খারো চ উপ্পজ্জিস্সতি.

(খ) যস্স ৰা পন যত্থ চিত্তসঙ্খারো উপ্পজ্জিস্সতি তস্স তত্থ কাযসঙ্খারো উপ্পজ্জিত্থাতি?

চতুত্থজ্ঝানং সমাপন্নানং রূপাৰচরানং অরূপাৰচরানং তেসং তত্থ চিত্তসঙ্খারো উপ্পজ্জিস্সতি, নো চ তেসং তত্থ কাযসঙ্খারো উপ্পজ্জিত্থ. পঠমজ্ঝানং দুতিযজ্ঝানং ততিযজ্ঝানং সমাপন্নানং কামাৰচরানং তেসং তত্থ চিত্তসঙ্খারো চ উপ্পজ্জিস্সতি কাযসঙ্খারো চ উপ্পজ্জিত্থ.

৭৩. (ক) যস্স যত্থ ৰচীসঙ্খারো উপ্পজ্জিত্থ তস্স তত্থ চিত্তসঙ্খারো উপ্পজ্জিস্সতীতি?

সৰিতক্কসৰিচারভূমিযং পচ্ছিমচিত্তসমঙ্গীনং তেসং তত্থ ৰচীসঙ্খারো উপ্পজ্জিত্থ, নো চ তেসং তত্থ চিত্তসঙ্খারো উপ্পজ্জিস্সতি. ইতরেসং সৰিতক্কসৰিচারভূমিযং তেসং তত্থ ৰচীসঙ্খারো চ উপ্পজ্জিত্থ চিত্তসঙ্খারো চ উপ্পজ্জিস্সতি.

(খ) যস্স ৰা পন যত্থ চিত্তসঙ্খারো উপ্পজ্জিস্সতি তস্স তত্থ ৰচীসঙ্খারো উপ্পজ্জিত্থাতি?

অৰিতক্কঅৰিচারভূমিযং তেসং তত্থ চিত্তসঙ্খারো উপ্পজ্জিস্সতি, নো চ তেসং তত্থ ৰচীসঙ্খারো উপ্পজ্জিত্থ. সৰিতক্কসৰিচারভূমিযং তেসং তত্থ চিত্তসঙ্খারো চ উপ্পজ্জিস্সতি ৰচীসঙ্খারো চ উপ্পজ্জিত্থ.

(ঘ) পচ্চনীকপুগ্গলো

৭৪. (ক) যস্স কাযসঙ্খারো নুপ্পজ্জিত্থ তস্স ৰচীসঙ্খারো নুপ্পজ্জিস্সতীতি? নত্থি.

(খ) যস্স ৰা পন ৰচীসঙ্খারো নুপ্পজ্জিস্সতি তস্স কাযসঙ্খারো নুপ্পজ্জিত্থাতি? উপ্পজ্জিত্থ.

(ক) যস্স কাযসঙ্খারো নুপ্পজ্জিত্থ তস্স চিত্তসঙ্খারো নুপ্পজ্জিস্সতীতি? নত্থি.

(খ) যস্স ৰা পন চিত্তসঙ্খারো নুপ্পজ্জিস্সতি তস্স কাযসঙ্খারো নুপ্পজ্জিত্থাতি? উপ্পজ্জিত্থ.

৭৫. (ক) যস্স ৰচীসঙ্খারো নুপ্পজ্জিত্থ তস্স চিত্তসঙ্খারো নুপ্পজ্জিস্সতীতি? নত্থি.

(খ) যস্স ৰা পন চিত্তসঙ্খারো নুপ্পজ্জিস্সতি তস্স ৰচীসঙ্খারো নুপ্পজ্জিত্থাতি? উপ্পজ্জিত্থ.

(ঙ) পচ্চনীকওকাসো

৭৬. যত্থ কাযসঙ্খারো নুপ্পজ্জিত্থ…পে….

(চ) পচ্চনীকপুগ্গলোকাসা

৭৭. (ক) যস্স যত্থ কাযসঙ্খারো নুপ্পজ্জিত্থ তস্স তত্থ ৰচীসঙ্খারো নুপ্পজ্জিস্সতীতি?

রূপাৰচরানং অরূপাৰচরানং তেসং তত্থ কাযসঙ্খারো নুপ্পজ্জিত্থ, নো চ তেসং তত্থ ৰচীসঙ্খারো নুপ্পজ্জিস্সতি. রূপাৰচরে অরূপাৰচরে পচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি চতুত্থজ্ঝানং সমাপন্নানং অসঞ্ঞসত্তানং তেসং তত্থ কাযসঙ্খারো চ নুপ্পজ্জিত্থ ৰচীসঙ্খারো চ নুপ্পজ্জিস্সতি.

(খ) যস্স ৰা পন যত্থ ৰচীসঙ্খারো নুপ্পজ্জিস্সতি তস্স তত্থ কাযসঙ্খারো নুপ্পজ্জিত্থাতি?

কামাৰচরে পচ্ছিমচিত্তসমঙ্গীনং দুতিযজ্ঝানং ততিযজ্ঝানং সমাপন্নানং তেসং তত্থ ৰচীসঙ্খারো নুপ্পজ্জিস্সতি, নো চ তেসং তত্থ কাযসঙ্খারো নুপ্পজ্জিত্থ. রূপাৰচরে অরূপাৰচরে পচ্ছিমচিত্তসমঙ্গীনং যস্স চিত্তস্স অনন্তরা অৰিতক্কঅৰিচারং পচ্ছিমচিত্তং উপ্পজ্জিস্সতি চতুত্থজ্ঝানং সমাপন্নানং অসঞ্ঞসত্তানং তেসং তত্থ ৰচীসঙ্খারো চ নুপ্পজ্জিস্সতি কাযসঙ্খারো চ নুপ্পজ্জিত্থ.

(ক) যস্স যত্থ কাযসঙ্খারো নুপ্পজ্জিত্থ তস্স তত্থ চিত্তসঙ্খারো নুপ্পজ্জিস্সতীতি?

চতুত্থজ্ঝানং সমাপন্নানং রূপাৰচরানং অরূপাৰচরানং তেসং তত্থ কাযসঙ্খারো নুপ্পজ্জিত্থ, নো চ তেসং তত্থ চিত্তসঙ্খারো নুপ্পজ্জিস্সতি. রূপাৰচরে অরূপাৰচরে পচ্ছিমচিত্তসমঙ্গীনং অসঞ্ঞসত্তানং তেসং তত্থ কাযসঙ্খারো চ নুপ্পজ্জিত্থ চিত্তসঙ্খারো চ নুপ্পজ্জিস্সতি.

(খ) যস্স ৰা পন যত্থ চিত্তসঙ্খারো নুপ্পজ্জিস্সতি তস্স তত্থ কাযসঙ্খারো নুপ্পজ্জিত্থাতি?

কামাৰচরে পচ্ছিমচিত্তসমঙ্গীনং তেসং তত্থ চিত্তসঙ্খারো নুপ্পজ্জিস্সতি, নো চ তেসং তত্থ কাযসঙ্খারো নুপ্পজ্জিত্থ. রূপাৰচরে অরূপাৰচরে পচ্ছিমচিত্তসমঙ্গীনং অসঞ্ঞসত্তানং তেসং তত্থ চিত্তসঙ্খারো চ নুপ্পজ্জিস্সতি কাযসঙ্খারো চ নুপ্পজ্জিত্থ.

৭৮. (ক) যস্স যত্থ ৰচীসঙ্খারো নুপ্পজ্জিত্থ তস্স তত্থ চিত্তসঙ্খারো নুপ্পজ্জিস্সতীতি?

অৰিতক্কঅৰিচারভূমিযং তেসং তত্থ ৰচীসঙ্খারো নুপ্পজ্জিত্থ, নো চ তেসং তত্থ চিত্তসঙ্খারো নুপ্পজ্জিস্সতি. অৰিতক্কঅৰিচারভূমিযং পচ্ছিমচিত্তসমঙ্গীনং অসঞ্ঞসত্তানং তেসং তত্থ ৰচীসঙ্খারো চ নুপ্পজ্জিত্থ চিত্তসঙ্খারো চ নুপ্পজ্জিস্সতি.

(খ) যস্স ৰা পন যত্থ চিত্তসঙ্খারো নুপ্পজ্জিস্সতি তস্স তত্থ ৰচীসঙ্খারো নুপ্পজ্জিত্থাতি?

সৰিতক্কসৰিচারভূমিযং পচ্ছিমচিত্তসমঙ্গীনং তেসং তত্থ চিত্তসঙ্খারো নুপ্পজ্জিস্সতি, নো চ তেসং তত্থ ৰচীসঙ্খারো নুপ্পজ্জিত্থ. অৰিতক্কঅৰিচারভূমিযং পচ্ছিমচিত্তসমঙ্গীনং অসঞ্ঞসত্তানং তেসং তত্থ চিত্তসঙ্খারো চ নুপ্পজ্জিস্সতি ৰচীসঙ্খারো চ নুপ্পজ্জিত্থ.

উপ্পাদৰারো.