(৪) পচ্চুপ্পন্নাতীতৰারো

(ক) অনুলোমপুগ্গলো

৪৯. (ক) যস্স কাযসঙ্খারো উপ্পজ্জতি তস্স ৰচীসঙ্খারো উপ্পজ্জিত্থাতি? আমন্তা.

(খ) যস্স ৰা পন ৰচীসঙ্খারো উপ্পজ্জিত্থ তস্স কাযসঙ্খারো উপ্পজ্জতীতি?

সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং ৰচীসঙ্খারো উপ্পজ্জিত্থ, নো চ তেসং কাযসঙ্খারো উপ্পজ্জতি. অস্সাসপস্সাসানং উপ্পাদক্খণে তেসং ৰচীসঙ্খারো চ উপ্পজ্জিত্থ কাযসঙ্খারো চ উপ্পজ্জতি.

(ক) যস্স কাযসঙ্খারো উপ্পজ্জতি তস্স চিত্তসঙ্খারো উপ্পজ্জিত্থাতি? আমন্তা.

(খ) যস্স ৰা পন চিত্তসঙ্খারো উপ্পজ্জিত্থ তস্স কাযসঙ্খারো উপ্পজ্জতীতি?

সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং চিত্তসঙ্খারো উপ্পজ্জিত্থ, নো চ তেসং কাযসঙ্খারো উপ্পজ্জতি. অস্সাসপস্সাসানং উপ্পাদক্খণে তেসং চিত্তসঙ্খারো চ উপ্পজ্জিত্থ কাযসঙ্খারো চ উপ্পজ্জতি.

৫০. (ক) যস্স ৰচীসঙ্খারো উপ্পজ্জতি তস্স চিত্তসঙ্খারো উপ্পজ্জিত্থাতি? আমন্তা.

(খ) যস্স ৰা পন চিত্তসঙ্খারো উপ্পজ্জিত্থ তস্স ৰচীসঙ্খারো উপ্পজ্জতীতি?

সব্বেসং চিত্তস্স ভঙ্গক্খণে ৰিনা ৰিতক্কৰিচারেহি চিত্তস্স উপ্পাদক্খণে নিরোধসমাপন্নানং অসঞ্ঞসত্তানং তেসং চিত্তসঙ্খারো উপ্পজ্জিত্থ, নো চ তেসং ৰচীসঙ্খারো উপ্পজ্জতি. ৰিতক্কৰিচারানং উপ্পাদক্খণে তেসং চিত্তসঙ্খারো চ উপ্পজ্জিত্থ ৰচীসঙ্খারো চ উপ্পজ্জতি.

(খ) অনুলোমওকাসো

৫১. যত্থ কাযসঙ্খারো উপ্পজ্জতি…পে….

(গ) অনুলোমপুগ্গলোকাসা

৫২. (ক) যস্স যত্থ কাযসঙ্খারো উপ্পজ্জতি তস্স তত্থ ৰচীসঙ্খারো উপ্পজ্জিত্থাতি?

দুতিযজ্ঝানং ততিযজ্ঝানং সমাপন্নানং অস্সাসপস্সাসানং উপ্পাদক্খণে তেসং তত্থ কাযসঙ্খারো উপ্পজ্জতি, নো চ তেসং তত্থ ৰচীসঙ্খারো উপ্পজ্জিত্থ. পঠমজ্ঝানং সমাপন্নানং কামাৰচরানং অস্সাসপস্সাসানং উপ্পাদক্খণে তেসং তত্থ কাযসঙ্খারো চ উপ্পজ্জতি ৰচীসঙ্খারো চ উপ্পজ্জিত্থ.

(খ) যস্স ৰা পন যত্থ ৰচীসঙ্খারো উপ্পজ্জিত্থ তস্স তত্থ কাযসঙ্খারো উপ্পজ্জতীতি?

পঠমজ্ঝানং সমাপন্নানং কামাৰচরানং অস্সাসপস্সাসানং ভঙ্গক্খণে তেসংযেৰ ৰিনা অস্সাসপস্সাসেহি চিত্তস্স উপ্পাদক্খণে রূপাৰচরানং অরূপাৰচরানং তেসং তত্থ ৰচীসঙ্খারো উপ্পজ্জিত্থ, নো চ তেসং তত্থ কাযসঙ্খারো উপ্পজ্জতি. পঠমজ্ঝানং সমাপন্নানং কামাৰচরানং অস্সাসপস্সাসানং উপ্পাদক্খণে তেসং তত্থ ৰচীসঙ্খারো চ উপ্পজ্জিত্থ কাযসঙ্খারো চ উপ্পজ্জতি.

(ক) যস্স যত্থ কাযসঙ্খারো উপ্পজ্জতি তস্স তত্থ চিত্তসঙ্খারো উপ্পজ্জিত্থাতি? আমন্তা.

(খ) যস্স ৰা পন যত্থ চিত্তসঙ্খারো উপ্পজ্জিত্থ তস্স তত্থ কাযসঙ্খারো উপ্পজ্জতীতি?

সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে তেসং তত্থ চিত্তসঙ্খারো উপ্পজ্জিত্থ, নো চ তেসং তত্থ কাযসঙ্খারো উপ্পজ্জতি. অস্সাসপস্সাসানং উপ্পাদক্খণে তেসং তত্থ চিত্তসঙ্খারো চ উপ্পজ্জিত্থ কাযসঙ্খারো চ উপ্পজ্জতি.

৫৩. (ক) যস্স যত্থ ৰচীসঙ্খারো উপ্পজ্জতি তস্স তত্থ চিত্তসঙ্খারো উপ্পজ্জিত্থাতি? আমন্তা.

(খ) যস্স ৰা পন যত্থ চিত্তসঙ্খারো উপ্পজ্জিত্থ তস্স তত্থ ৰচীসঙ্খারো উপ্পজ্জতীতি?

সব্বেসং চিত্তস্স ভঙ্গক্খণে ৰিনা ৰিতক্কৰিচারেহি চিত্তস্স উপ্পাদক্খণে তেসং তত্থ চিত্তসঙ্খারো উপ্পজ্জিত্থ, নো চ তেসং তত্থ ৰচীসঙ্খারো উপ্পজ্জতি. ৰিতক্কৰিচারানং উপ্পাদক্খণে তেসং তত্থ চিত্তসঙ্খারো চ উপ্পজ্জিত্থ ৰচীসঙ্খারো চ উপ্পজ্জতি.

(ঘ) পচ্চনীকপুগ্গলো

৫৪. (ক) যস্স কাযসঙ্খারো নুপ্পজ্জতি তস্স ৰচীসঙ্খারো নুপ্পজ্জিত্থাতি? উপ্পজ্জিত্থ.

(খ) যস্স ৰা পন ৰচীসঙ্খারো নুপ্পজ্জিত্থ তস্স কাযসঙ্খারো নুপ্পজ্জতীতি? নত্থি.

(ক) যস্স কাযসঙ্খারো নুপ্পজ্জতি তস্স চিত্তসঙ্খারো নুপ্পজ্জিত্থাতি? উপ্পজ্জিত্থ.

(খ) যস্স ৰা পন চিত্তসঙ্খারো নুপ্পজ্জিত্থ তস্স কাযসঙ্খারো নুপ্পজ্জতীতি? নত্থি.

৫৫. (ক) যস্স ৰচীসঙ্খারো নুপ্পজ্জতি তস্স চিত্তসঙ্খারো নুপ্পজ্জিত্থাতি? উপ্পজ্জিত্থ.

(খ) যস্স ৰা পন…পে…? নত্থি.

(ঙ) পচ্চনীকওকাসো

৫৬. যত্থ কাযসঙ্খারো নুপ্পজ্জতি…পে….

(চ) পচ্চনীকপুগ্গলোকাসা

৫৭. (ক) যস্স যত্থ কাযসঙ্খারো নুপ্পজ্জতি তস্স তত্থ ৰচীসঙ্খারো নুপ্পজ্জিত্থাতি?

পঠমজ্ঝানং সমাপন্নানং কামাৰচরানং অস্সাসপস্সাসানং ভঙ্গক্খণে তেসংযেৰ ৰিনা অস্সাসপস্সাসেহি চিত্তস্স উপ্পাদক্খণে রূপাৰচরানং অরূপাৰচরানং তেসং তত্থ কাযসঙ্খারো নুপ্পজ্জতি, নো চ তেসং তত্থ ৰচীসঙ্খারো নুপ্পজ্জিত্থ. দুতিযজ্ঝানং ততিযজ্ঝানং সমাপন্নানং অস্সাসপস্সাসানং ভঙ্গক্খণে তেসংযেৰ ৰিনা অস্সাসপস্সাসেহি চিত্তস্স উপ্পাদক্খণে চতুত্থজ্ঝানং সমাপন্নানং সুদ্ধাৰাসানং দুতিযে চিত্তে ৰত্তমানে অসঞ্ঞসত্তানং তেসং তত্থ কাযসঙ্খারো চ নুপ্পজ্জতি ৰচীসঙ্খারো চ নুপ্পজ্জিত্থ.

(খ) যস্স ৰা পন যত্থ ৰচীসঙ্খারো নুপ্পজ্জিত্থ তস্স তত্থ কাযসঙ্খারো নুপ্পজ্জতীতি?

দুতিযজ্ঝানং ততিযজ্ঝানং সমাপন্নানং অস্সাসপস্সাসানং উপ্পাদক্খণে তেসং তত্থ ৰচীসঙ্খারো নুপ্পজ্জিত্থ, নো চ তেসং তত্থ কাযসঙ্খারো নুপ্পজ্জতি. দুতিযজ্ঝানং ততিযজ্ঝানং সমাপন্নানং অস্সাসপস্সাসানং ভঙ্গক্খণে তেসংযেৰ ৰিনা অস্সাসপস্সাসেহি চিত্তস্স উপ্পাদক্খণে চতুত্থজ্ঝানং সমাপন্নানং সুদ্ধাৰাসানং দুতিযে চিত্তে ৰত্তমানে অসঞ্ঞসত্তানং তেসং তত্থ ৰচীসঙ্খারো চ নুপ্পজ্জিত্থ কাযসঙ্খারো চ নুপ্পজ্জতি.

(ক) যস্স যত্থ কাযসঙ্খারো নুপ্পজ্জতি তস্স তত্থ চিত্তসঙ্খারো নুপ্পজ্জিত্থাতি?

সব্বেসং চিত্তস্স ভঙ্গক্খণে ৰিনা অস্সাসপস্সাসেহি চিত্তস্স উপ্পাদক্খণে তেসং তত্থ কাযসঙ্খারো নুপ্পজ্জতি, নো চ তেসং তত্থ চিত্তসঙ্খারো নুপ্পজ্জিত্থ. সুদ্ধাৰাসং উপপজ্জন্তানং অসঞ্ঞসত্তানং তেসং তত্থ কাযসঙ্খারো চ নুপ্পজ্জতি চিত্তসঙ্খারো চ নুপ্পজ্জিত্থ.

(খ) যস্স ৰা পন যত্থ চিত্তসঙ্খারো নুপ্পজ্জিত্থ তস্স তত্থ কাযসঙ্খারো নুপ্পজ্জতীতি? আমন্তা.

৫৮. (ক) যস্স যত্থ ৰচীসঙ্খারো নুপ্পজ্জতি তস্স তত্থ চিত্তসঙ্খারো নুপ্পজ্জিত্থাতি?

সব্বেসং চিত্তস্স ভঙ্গক্খণে ৰিনা ৰিতক্কৰিচারেহি চিত্তস্স উপ্পাদক্খণে তেসং তত্থ ৰচীসঙ্খারো নুপ্পজ্জতি, নো চ তেসং তত্থ চিত্তসঙ্খারো নুপ্পজ্জিত্থ. সুদ্ধাৰাসং উপপজ্জন্তানং অসঞ্ঞসত্তানং তেসং তত্থ ৰচীসঙ্খারো চ নুপ্পজ্জতি চিত্তসঙ্খারো চ নুপ্পজ্জিত্থ.

(খ) যস্স ৰা পন যত্থ…পে…? আমন্তা.