(৫) পচ্চুপ্পন্নানাগতৰারো

(ক) অনুলোমপুগ্গলো

৬৮. (ক) যস্স দুক্খসচ্চং উপ্পজ্জতি তস্স সমুদযসচ্চং উপ্পজ্জিস্সতীতি?

অগ্গমগ্গস্স উপ্পাদক্খণে অরহন্তানং চিত্তস্স উপ্পাদক্খণে যস্স চিত্তস্স অনন্তরা অগ্গমগ্গং পটিলভিস্সন্তি তস্স চিত্তস্স উপ্পাদক্খণে তেসং দুক্খসচ্চং উপ্পজ্জতি, নো চ তেসং সমুদযসচ্চং উপ্পজ্জিস্সতি. ইতরেসং উপপজ্জন্তানং পৰত্তে চিত্তস্স উপ্পাদক্খণে তেসং দুক্খসচ্চঞ্চ উপ্পজ্জতি সমুদযসচ্চঞ্চ উপ্পজ্জিস্সতি.

(খ) যস্স ৰা পন সমুদযসচ্চং উপ্পজ্জিস্সতি তস্স দুক্খসচ্চং উপ্পজ্জতীতি?

সব্বেসং চৰন্তানং পৰত্তে চিত্তস্স ভঙ্গক্খণে অরূপে মগ্গস্স চ ফলস্স চ উপ্পাদক্খণে তেসং সমুদযসচ্চং উপ্পজ্জিস্সতি, নো চ তেসং দুক্খসচ্চং উপ্পজ্জতি. সব্বেসং উপপজ্জন্তানং পৰত্তে চিত্তস্স উপ্পাদক্খণে তেসং সমুদযসচ্চঞ্চ উপ্পজ্জিস্সতি দুক্খসচ্চঞ্চ উপ্পজ্জতি.

(ক) যস্স দুক্খসচ্চং উপ্পজ্জতি তস্স মগ্গসচ্চং উপ্পজ্জিস্সতীতি?

অগ্গমগ্গস্স উপ্পাদক্খণে অরহন্তানং চিত্তস্স উপ্পাদক্খণে যে চ পুথুজ্জনা মগ্গং ন পটিলভিস্সন্তি তেসং উপপজ্জন্তানং পৰত্তে চিত্তস্স উপ্পাদক্খণে তেসং দুক্খসচ্চং উপ্পজ্জতি, নো চ তেসং মগ্গসচ্চং উপ্পজ্জিস্সতি. যস্স চিত্তস্স অনন্তরা অগ্গমগ্গং পটিলভিস্সন্তি তস্স চিত্তস্স উপ্পাদক্খণে যে চঞ্ঞে মগ্গং পটিলভিস্সন্তি তেসং উপপজ্জন্তানং পৰত্তে চিত্তস্স উপ্পাদক্খণে তেসং দুক্খসচ্চঞ্চ উপ্পজ্জতি মগ্গসচ্চঞ্চ উপ্পজ্জিস্সতি.

(খ) যস্স ৰা পন মগ্গসচ্চং উপ্পজ্জিস্সতি তস্স দুক্খসচ্চং উপ্পজ্জতীতি?

যস্স চিত্তস্স অনন্তরা অগ্গমগ্গং পটিলভিস্সন্তি তস্স চিত্তস্স ভঙ্গক্খণে যে চঞ্ঞে মগ্গং পটিলভিস্সন্তি তেসং চৰন্তানং পৰত্তে চিত্তস্স ভঙ্গক্খণে অরূপে মগ্গস্স চ ফলস্স চ উপ্পাদক্খণে তেসং মগ্গসচ্চং উপ্পজ্জিস্সতি, নো চ তেসং দুক্খসচ্চং উপ্পজ্জতি. যস্স চিত্তস্স অনন্তরা অগ্গমগ্গং পটিলভিস্সন্তি তস্স চিত্তস্স উপ্পাদক্খণে যে চঞ্ঞে মগ্গং পটিলভিস্সন্তি তেসং উপপজ্জন্তানং পৰত্তে চিত্তস্স উপ্পাদক্খণে তেসং মগ্গসচ্চঞ্চ উপ্পজ্জিস্সতি দুক্খসচ্চঞ্চ উপ্পজ্জতি.

৬৯. (ক) যস্স সমুদযসচ্চং উপ্পজ্জতি তস্স মগ্গসচ্চং উপ্পজ্জিস্সতীতি?

যে পুথুজ্জনা মগ্গং ন পটিলভিস্সন্তি তেসং তণ্হায উপ্পাদক্খণে তেসং সমুদযসচ্চং উপ্পজ্জতি, নো চ তেসং মগ্গসচ্চং উপ্পজ্জিস্সতি. যে মগ্গং পটিলভিস্সন্তি তেসং তণ্হায উপ্পাদক্খণে তেসং সমুদযসচ্চঞ্চ উপ্পজ্জতি মগ্গসচ্চঞ্চ উপ্পজ্জিস্সতি.

(খ) যস্স ৰা পন মগ্গসচ্চং উপ্পজ্জিস্সতি তস্স সমুদযসচ্চং উপ্পজ্জতীতি?

যস্স চিত্তস্স অনন্তরা অগ্গমগ্গং পটিলভিস্সন্তি যে [পটিলভিস্সন্তি তস্স চিত্তস্স উপ্পাদক্খণে যে (সী. স্যা.) পুগ্গলোকাসৰারেপি] চঞ্ঞে মগ্গং পটিলভিস্সন্তি তেসং তণ্হায ভঙ্গক্খণে তণ্হাৰিপ্পযুত্তচিত্তে ৰত্তমানে নিরোধসমাপন্নানং অসঞ্ঞসত্তানং তেসং মগ্গসচ্চং উপ্পজ্জিস্সতি, নো চ তেসং সমুদযসচ্চং উপ্পজ্জতি. যে মগ্গং পটিলভিস্সন্তি তেসং তণ্হায উপ্পাদক্খণে তেসং মগ্গসচ্চঞ্চ উপ্পজ্জিস্সতি সমুদযসচ্চঞ্চ উপ্পজ্জতি.

(খ) অনুলোমওকাসো

৭০. যত্থ দুক্খসচ্চং উপ্পজ্জতি…পে… (যত্থকম্পি যস্সযত্থকসদিসং কাতব্বং).

(গ) অনুলোমপুগ্গলোকাসা

৭১. (ক) যস্স যত্থ দুক্খসচ্চং উপ্পজ্জতি তস্স তত্থ সমুদযসচ্চং উপ্পজ্জিস্সতীতি?

অগ্গমগ্গস্স উপ্পাদক্খণে অরহন্তানং চিত্তস্স উপ্পাদক্খণে যস্স চিত্তস্স অনন্তরা অগ্গমগ্গং পটিলভিস্সন্তি তস্স চিত্তস্স উপ্পাদক্খণে অসঞ্ঞসত্তং উপপজ্জন্তানং তেসং তত্থ দুক্খসচ্চং উপ্পজ্জতি, নো চ তেসং তত্থ সমুদযসচ্চং উপ্পজ্জিস্সতি. ইতরেসং চতুৰোকারং পঞ্চৰোকারং উপপজ্জন্তানং পৰত্তে চিত্তস্স উপ্পাদক্খণে তেসং তত্থ দুক্খসচ্চঞ্চ উপ্পজ্জতি সমুদযসচ্চঞ্চ উপ্পজ্জিস্সতি.

(খ) যস্স ৰা পন যত্থ সমুদযসচ্চং উপ্পজ্জিস্সতি তস্স তত্থ দুক্খসচ্চং উপ্পজ্জতীতি?

চতুৰোকারা পঞ্চৰোকারা চৰন্তানং পৰত্তে চিত্তস্স ভঙ্গক্খণে অরূপে মগ্গস্স চ ফলস্স চ উপ্পাদক্খণে তেসং তত্থ সমুদযসচ্চং উপ্পজ্জিস্সতি, নো চ তেসং তত্থ দুক্খসচ্চং উপ্পজ্জতি. চতুৰোকারং পঞ্চৰোকারং উপপজ্জন্তানং পৰত্তে চিত্তস্স উপ্পাদক্খণে তেসং তত্থ সমুদযসচ্চঞ্চ উপ্পজ্জিস্সতি দুক্খসচ্চঞ্চ উপ্পজ্জতি.

(ক) যস্স যত্থ দুক্খসচ্চং উপ্পজ্জতি তস্স তত্থ মগ্গসচ্চং উপ্পজ্জিস্সতীতি?

অগ্গমগ্গস্স উপ্পাদক্খণে অরহন্তানং চিত্তস্স উপ্পাদক্খণে আপাযিকানং যে চ পুথুজ্জনা মগ্গং ন পটিলভিস্সন্তি তেসং উপপজ্জন্তানং পৰত্তে চিত্তস্স উপ্পাদক্খণে অসঞ্ঞসত্তং উপপজ্জন্তানং তেসং তত্থ দুক্খসচ্চং উপ্পজ্জতি, নো চ তেসং তত্থ মগ্গসচ্চং উপ্পজ্জিস্সতি. যস্স চিত্তস্স অনন্তরা অগ্গমগ্গং পটিলভিস্সন্তি তস্স চিত্তস্স উপ্পাদক্খণে যে চঞ্ঞে মগ্গং পটিলভিস্সন্তি তেসং উপপজ্জন্তানং পৰত্তে চিত্তস্স উপ্পাদক্খণে তেসং তত্থ দুক্খসচ্চঞ্চ উপ্পজ্জতি মগ্গসচ্চঞ্চ উপ্পজ্জিস্সতি.

(খ) যস্স ৰা পন যত্থ মগ্গসচ্চং উপ্পজ্জিস্সতি তস্স তত্থ দুক্খসচ্চং উপ্পজ্জতীতি?

যস্স চিত্তস্স অনন্তরা অগ্গমগ্গং পটিলভিস্সন্তি তস্স চিত্তস্স ভঙ্গক্খণে যে চঞ্ঞে মগ্গং পটিলভিস্সন্তি তেসং চৰন্তানং পৰত্তে চিত্তস্স ভঙ্গক্খণে অরূপে মগ্গস্স চ ফলস্স চ উপ্পাদক্খণে তেসং তত্থ মগ্গসচ্চং উপ্পজ্জিস্সতি, নো চ তেসং তত্থ দুক্খসচ্চং উপ্পজ্জতি. যস্স চিত্তস্স অনন্তরা অগ্গমগ্গং পটিলভিস্সন্তি তস্স চিত্তস্স উপ্পাদক্খণে যে চঞ্ঞে মগ্গং পটিলভিস্সন্তি তেসং উপপজ্জন্তানং পৰত্তে চিত্তস্স উপ্পাদক্খণে তেসং তত্থ মগ্গসচ্চঞ্চ উপ্পজ্জিস্সতি দুক্খসচ্চঞ্চ উপ্পজ্জতি.

৭২. (ক) যস্স যত্থ সমুদযসচ্চং উপ্পজ্জতি তস্স তত্থ মগ্গসচ্চং উপ্পজ্জিস্সতীতি?

আপাযিকানং যে চ পুথুজ্জনা মগ্গং ন পটিলভিস্সন্তি তেসং তণ্হায উপ্পাদক্খণে তেসং তত্থ সমুদযসচ্চং উপ্পজ্জতি, নো চ তেসং তত্থ মগ্গসচ্চং উপ্পজ্জিস্সতি. যে মগ্গং পটিলভিস্সন্তি তেসং তণ্হায উপ্পাদক্খণে তেসং তত্থ সমুদযসচ্চঞ্চ উপ্পজ্জতি মগ্গসচ্চঞ্চ উপ্পজ্জিস্সতি.

(খ) যস্স ৰা পন যত্থ মগ্গসচ্চং উপ্পজ্জিস্সতি তস্স তত্থ সমুদযসচ্চং উপ্পজ্জতীতি?

যস্স চিত্তস্স অনন্তরা অগ্গমগ্গং পটিলভিস্সন্তি যে চঞ্ঞে মগ্গং পটিলভিস্সন্তি তেসং তণ্হায ভঙ্গক্খণে তণ্হাৰিপ্পযুত্তচিত্তে ৰত্তমানে তেসং তত্থ মগ্গসচ্চং উপ্পজ্জিস্সতি, নো চ তেসং তত্থ সমুদযসচ্চং উপ্পজ্জতি. যে মগ্গং পটিলভিস্সন্তি তেসং তণ্হায উপ্পাদক্খণে তেসং তত্থ মগ্গসচ্চঞ্চ উপ্পজ্জিস্সতি সমুদযসচ্চঞ্চ উপ্পজ্জতি.

(ঘ) পচ্চনীকপুগ্গলো

৭৩. (ক) যস্স দুক্খসচ্চং নুপ্পজ্জতি তস্স সমুদযসচ্চং নুপ্পজ্জিস্সতীতি?

সব্বেসং চৰন্তানং পৰত্তে চিত্তস্স ভঙ্গক্খণে অরূপে মগ্গস্স চ ফলস্স চ উপ্পাদক্খণে তেসং দুক্খসচ্চং নুপ্পজ্জতি, নো চ তেসং সমুদযসচ্চং নুপ্পজ্জিস্সতি. অগ্গমগ্গস্স ভঙ্গক্খণে অরহন্তানং চিত্তস্স ভঙ্গক্খণে যস্স চিত্তস্স অনন্তরা অগ্গমগ্গং পটিলভিস্সন্তি তস্স চিত্তস্স ভঙ্গক্খণে অরূপে অগ্গমগ্গস্স চ ফলস্স চ উপ্পাদক্খণে তেসং দুক্খসচ্চঞ্চ নুপ্পজ্জতি সমুদযসচ্চঞ্চ নুপ্পজ্জিস্সতি.

(খ) যস্স ৰা পন সমুদযসচ্চং নুপ্পজ্জিস্সতি তস্স দুক্খসচ্চং নুপ্পজ্জতীতি?

অগ্গমগ্গস্স উপ্পাদক্খণে অরহন্তানং চিত্তস্স উপ্পাদক্খণে যস্স চিত্তস্স অনন্তরা অগ্গমগ্গং পটিলভিস্সন্তি তস্স চিত্তস্স উপ্পাদক্খণে তেসং সমুদযসচ্চং নুপ্পজ্জিস্সতি, নো চ তেসং দুক্খসচ্চং নুপ্পজ্জতি. অগ্গমগ্গস্স ভঙ্গক্খণে অরহন্তানং চিত্তস্স ভঙ্গক্খণে যস্স চিত্তস্স অনন্তরা অগ্গমগ্গং পটিলভিস্সন্তি তস্স চিত্তস্স ভঙ্গক্খণে অরূপে অগ্গমগ্গস্স চ ফলস্স চ উপ্পাদক্খণে তেসং সমুদযসচ্চঞ্চ নুপ্পজ্জিস্সতি দুক্খসচ্চঞ্চ নুপ্পজ্জতি.

(ক) যস্স দুক্খসচ্চং নুপ্পজ্জতি তস্স মগ্গসচ্চং নুপ্পজ্জিস্সতীতি?

যস্স চিত্তস্স অনন্তরা অগ্গমগ্গং পটিলভিস্সন্তি তস্স চিত্তস্স ভঙ্গক্খণে যে চঞ্ঞে মগ্গং পটিলভিস্সন্তি তেসং চৰন্তানং পৰত্তে চিত্তস্স ভঙ্গক্খণে অরূপে মগ্গস্স চ ফলস্স চ উপ্পাদক্খণে তেসং দুক্খসচ্চং নুপ্পজ্জতি, নো চ তেসং মগ্গসচ্চং নুপ্পজ্জিস্সতি. অগ্গমগ্গস্স ভঙ্গক্খণে অরহন্তানং চিত্তস্স ভঙ্গক্খণে যে চ পুথুজ্জনা মগ্গং ন পটিলভিস্সন্তি তেসং চৰন্তানং পৰত্তে চিত্তস্স ভঙ্গক্খণে অরূপে অগ্গমগ্গস্স চ ফলস্স চ উপ্পাদক্খণে তেসং দুক্খসচ্চঞ্চ নুপ্পজ্জতি মগ্গসচ্চঞ্চ নুপ্পজ্জিস্সতি.

(খ) যস্স ৰা পন মগ্গসচ্চং নুপ্পজ্জিস্সতি তস্স দুক্খসচ্চং নুপ্পজ্জতীতি?

অগ্গমগ্গস্স উপ্পাদক্খণে অরহন্তানং চিত্তস্স উপ্পাদক্খণে যে চ পুথুজ্জনা মগ্গং ন পটিলভিস্সন্তি তেসং উপপজ্জন্তানং পৰত্তে চিত্তস্স উপ্পাদক্খণে তেসং মগ্গসচ্চং নুপ্পজ্জিস্সতি, নো চ তেসং দুক্খসচ্চং নুপ্পজ্জতি. অগ্গমগ্গস্স ভঙ্গক্খণে অরহন্তানং চিত্তস্স ভঙ্গক্খণে যে চ পুথুজ্জনা মগ্গং ন পটিলভিস্সন্তি তেসং চৰন্তানং পৰত্তে চিত্তস্স ভঙ্গক্খণে অরূপে অগ্গমগ্গস্স চ ফলস্স চ উপ্পাদক্খণে তেসং মগ্গসচ্চঞ্চ নুপ্পজ্জিস্সতি দুক্খসচ্চঞ্চ নুপ্পজ্জতি.

৭৪. (ক) যস্স সমুদযসচ্চং নুপ্পজ্জতি তস্স মগ্গসচ্চং নুপ্পজ্জিস্সতীতি?

যস্স চিত্তস্স অনন্তরা অগ্গমগ্গং পটিলভিস্সান্তি যে চঞ্ঞে মগ্গং পটিলভিস্সন্তি তেসং তণ্হায ভঙ্গক্খণে তণ্হাৰিপ্পযুত্তচিত্তে ৰত্তমানে নিরোধসমাপন্নানং অসঞ্ঞসত্তানং তেসং সমুদযসচ্চং নুপ্পজ্জতি, নো চ তেসং মগ্গসচ্চং নুপ্পজ্জিস্সতি. অগ্গমগ্গসমঙ্গীনং অরহন্তানং যে চ পুথুজ্জনা মগ্গং ন পটিলভিস্সন্তি তেসং তণ্হায ভঙ্গক্খণে তণ্হাৰিপ্পযুত্তচিত্তে ৰত্তমানে তেসং সমুদযসচ্চঞ্চ নুপ্পজ্জতি মগ্গসচ্চঞ্চ নুপ্পজ্জিস্সতি.

(খ) যস্স ৰা পন মগ্গসচ্চং নুপ্পজ্জিস্সতি তস্স সমুদযসচ্চং নুপ্পজ্জতীতি?

যে পুথুজ্জনা মগ্গং ন পটিলভিস্সন্তি তেসং তণ্হায উপ্পাদক্খণে তেসং মগ্গসচ্চং নুপ্পজ্জিস্সতি, নো চ তেসং সমুদযসচ্চং নুপ্পজ্জতি. অগ্গমগ্গসমঙ্গীনং অরহন্তানং যে চ পুথুজ্জনা মগ্গং ন পটিলভিস্সন্তি তেসং তণ্হায ভঙ্গক্খণে তণ্হাৰিপ্পযুত্তচিত্তে ৰত্তমানে তেসং মগ্গসচ্চঞ্চ নুপ্পজ্জিস্সতি সমুদযসচ্চঞ্চ নুপ্পজ্জতি.

(ঙ) পচ্চনীকওকাসো

৭৫. যত্থ দুক্খসচ্চং নুপ্পজ্জতি…পে….

(চ) পচ্চনীকপুগ্গলোকাসা

৭৬. (ক) যস্স যত্থ দুক্খসচ্চং নুপ্পজ্জতি তস্স তত্থ সমুদযসচ্চং নুপ্পজ্জিস্সতীতি?

চতুৰোকারা পঞ্চৰোকারা চৰন্তানং পৰত্তে চিত্তস্স ভঙ্গক্খণে অরূপে মগ্গস্স চ ফলস্স চ উপ্পাদক্খণে তেসং তত্থ দুক্খসচ্চং নুপ্পজ্জতি, নো চ তেসং তত্থ সমুদযসচ্চং নুপ্পজ্জিস্সতি. অগ্গমগ্গস্স ভঙ্গক্খণে অরহন্তানং চিত্তস্স ভঙ্গক্খণে যস্স চিত্তস্স অনন্তরা অগ্গমগ্গং পটিলভিস্সন্তি তস্স চিত্তস্স ভঙ্গক্খণে অসঞ্ঞসত্তা চৰন্তানং অরূপে অগ্গমগ্গস্স চ ফলস্স চ উপ্পাদক্খণে তেসং তত্থ দুক্খসচ্চঞ্চ নুপ্পজ্জতি সমুদযসচ্চঞ্চ নুপ্পজ্জিস্সতি.

(খ) যস্স ৰা পন যত্থ সমুদযসচ্চং নুপ্পজ্জিস্সতি তস্স তত্থ দুক্খসচ্চং নুপ্পজ্জতীতি?

অগ্গমগ্গস্স উপ্পাদক্খণে অরহন্তানং চিত্তস্স উপ্পাদক্খণে যস্স চিত্তস্স অনন্তরা অগ্গমগ্গং পটিলভিস্সন্তি তস্স চিত্তস্স উপ্পাদক্খণে অসঞ্ঞসত্তং উপপজ্জন্তানং তেসং তত্থ সমুদযসচ্চং নুপ্পজ্জিস্সতি, নো চ তেসং তত্থ দুক্খসচ্চং নুপ্পজ্জতি. অগ্গমগ্গস্স ভঙ্গক্খণে অরহন্তানং চিত্তস্স ভঙ্গক্খণে যস্স চিত্তস্স অনন্তরা অগ্গমগ্গং পটিলভিস্সন্তি তস্স চিত্তস্স ভঙ্গক্খণে অরূপে অগ্গমগ্গস্স চ ফলস্স চ উপ্পাদক্খণে অসঞ্ঞসত্তা চৰন্তানং তেসং তত্থ সমুদযসচ্চঞ্চ নুপ্পজ্জিস্সতি দুক্খসচ্চঞ্চ নুপ্পজ্জতি.

(ক) যস্স যত্থ দুক্খসচ্চং নুপ্পজ্জতি তস্স তত্থ মগ্গসচ্চং নুপ্পজ্জিস্সতীতি?

যস্স চিত্তস্স অনন্তরা অগ্গমগ্গং পটিলভিস্সন্তি তস্স চিত্তস্স ভঙ্গক্খণে যে চঞ্ঞে মগ্গং পটিলভিস্সন্তি তেসং চৰন্তানং পৰত্তে চিত্তস্স ভঙ্গক্খণে অরূপে মগ্গস্স চ ফলস্স চ উপ্পাদক্খণে তেসং তত্থ দুক্খসচ্চং নুপ্পজ্জতি, নো চ তেসং তত্থ মগ্গসচ্চং নুপ্পজ্জিস্সতি. অগ্গমগ্গস্স ভঙ্গক্খণে অরহন্তানং চিত্তস্স ভঙ্গক্খণে আপাযিকানং যে চ পুথুজ্জনা মগ্গং ন পটিলভিস্সন্তি তেসং চৰন্তানং পৰত্তে চিত্তস্স ভঙ্গক্খণে অসঞ্ঞত্তা চৰন্তানং অরূপে অগ্গমগ্গস্স চ ফলস্স চ উপ্পাদক্খণে অসঞ্ঞসত্তা চৰন্তানং তেসং তত্থ দুক্খসচ্চঞ্চ নুপ্পজ্জতি মগ্গসচ্চঞ্চ নুপ্পজ্জিস্সতি.

(খ) যস্স ৰা পন যত্থ মগ্গসচ্চং নুপ্পজ্জিস্সতি তস্স তত্থ দুক্খসচ্চং নুপ্পজ্জতীতি?

অগ্গমগ্গস্স উপ্পাদক্খণে অরহন্তানং চিত্তস্স উপ্পাদক্খণে আপাযিকানং যে চ পুথুজ্জনা মগ্গং ন পটিলভিস্সন্তি তেসং উপপজ্জন্তানং পৰত্তে চিত্তস্স উপ্পাদক্খণে অসঞ্ঞসত্তং উপপজ্জন্তানং তেসং তত্থ মগ্গসচ্চং নুপ্পজ্জিস্সতি, নো চ তেসং তত্থ দুক্খসচ্চং নুপ্পজ্জতি. অগ্গমগ্গস্স ভঙ্গক্খণে অরহন্তানং চিত্তস্স ভঙ্গক্খণে আপাযিকানং যে চ পুথুজ্জনা মগ্গং ন পটিলভিস্সন্তি তেসং চৰন্তানং পৰত্তে চিত্তস্স ভঙ্গক্খণে অরূপে অগ্গমগ্গস্স চ ফলস্স চ উপ্পাদক্খণে অসঞ্ঞসত্তা চৰন্তানং তেসং তত্থ মগ্গসচ্চঞ্চ নুপ্পজ্জিস্সতি দুক্খসচ্চঞ্চ নুপ্পজ্জতি.

৭৭. (ক) যস্স যত্থ সমুদযসচ্চং নুপ্পজ্জতি তস্স তত্থ মগ্গসচ্চং নুপ্পজ্জিস্সতীতি?

যস্স চিত্তস্স অনন্তরা অগ্গমগ্গং পটিলভিস্সন্তি যে চঞ্ঞে মগ্গং পটিলভিস্সন্তি তেসং তণ্হায ভঙ্গক্খণে তণ্হাৰিপ্পযুত্তচিত্তে ৰত্তমানে তেসং তত্থ সমুদযসচ্চং নুপ্পজ্জতি, নো চ তেসং তত্থ মগ্গসচ্চং নুপ্পজ্জিস্সতি. অগ্গমগ্গসমঙ্গীনং অরহন্তানং, আপাযিকানং যে চ পুথুজ্জনা মগ্গং ন পটিলভিস্সন্তি তেসং তণ্হায ভঙ্গক্খণে তণ্হাৰিপ্পযুত্তচিত্তে ৰত্তমানে অসঞ্ঞসত্তানং তেসং তত্থ সমুদযসচ্চঞ্চ নুপ্পজ্জতি মগ্গসচ্চঞ্চ নুপ্পজ্জিস্সতি.

(খ) যস্স ৰা পন যত্থ মগ্গসচ্চং নুপ্পজ্জিস্সতি তস্স তত্থ সমুদযসচ্চং নুপ্পজ্জতীতি?

আপাযিকানং যে চ পুথুজ্জনা মগ্গং ন পটিলভিস্সন্তি তেসং তণ্হায উপ্পাদক্খণে তেসং তত্থ মগ্গসচ্চং নুপ্পজ্জিস্সতি, নো চ তেসং তত্থ সমুদযসচ্চং নুপ্পজ্জতি. অগ্গমগ্গসমঙ্গীনং অরহন্তানং আপাযিকানং যে চ পুথুজ্জনা মগ্গং ন পটিলভিস্সন্তি তেসং তণ্হায ভঙ্গক্খণে তণ্হাৰিপ্পযুত্তচিত্তে ৰত্তমানে অসঞ্ঞসত্তানং তেসং তত্থ মগ্গসচ্চঞ্চ নুপ্পজ্জিস্সতি সমুদযসচ্চঞ্চ নুপ্পজ্জতি.