(৬) অতীতানাগতৰারো

(ক) অনুলোমপুগ্গলো

৭৮. (ক) যস্স দুক্খসচ্চং উপ্পজ্জিত্থ তস্স সমুদযসচ্চং উপ্পজ্জিস্সতীতি?

অগ্গমগ্গসমঙ্গীনং অরহন্তানং যস্স চিত্তস্স অনন্তরা অগ্গমগ্গং পটিলভিস্সন্তি তেসং দুক্খসচ্চং উপ্পজ্জিত্থ, নো চ তেসং সমুদযসচ্চং উপ্পজ্জিস্সতি. ইতরেসং তেসং দুক্খসচ্চঞ্চ উপ্পজ্জিত্থ সমুদযসচ্চঞ্চ উপ্পজ্জিস্সতি.

(খ) যস্স ৰা পন সমুদযসচ্চং উপ্পজ্জিস্সতি তস্স দুক্খসচ্চং উপ্পজ্জিত্থাতি? আমন্তা.

(ক) যস্স দুক্খসচ্চং উপ্পজ্জিত্থ তস্স মগ্গসচ্চং উপ্পজ্জিস্সতীতি?

অগ্গমগ্গসমঙ্গীনং অরহন্তানং যে চ পুথুজ্জনা মগ্গং ন পটিলভিস্সন্তি তেসং দুক্খসচ্চং উপ্পজ্জিত্থ, নো চ তেসং মগ্গসচ্চং উপ্পজ্জিস্সতি. যস্স চিত্তস্স অনন্তরা অগ্গমগ্গং পটিলভিস্সন্তি যে চঞ্ঞে মগ্গং পটিলভিস্সন্তি তেসং দুক্খসচ্চঞ্চ উপ্পজ্জিত্থ মগ্গসচ্চঞ্চ উপ্পজ্জিস্সতি.

(খ) যস্স ৰা পন…পে…? আমন্তা.

৭৯. (ক) যস্স সমুদযসচ্চং উপ্পজ্জিত্থ তস্স মগ্গসচ্চং উপ্পজ্জিস্সতীতি? অগ্গমগ্গসমঙ্গীনং অরহন্তানং যে চ পুথুজ্জনা মগ্গং ন পটিলভিস্সন্তি তেসং সমুদযসচ্চং উপ্পজ্জিত্থ, নো চ তেসং মগ্গসচ্চং উপ্পজ্জিস্সতি. যস্স চিত্তস্স অনন্তরা অগ্গমগ্গং পটিলভিস্সন্তি, যে চঞ্ঞে মগ্গং পটিলভিস্সন্তি তেসং সমুদযসচ্চঞ্চ উপ্পজ্জিত্থ মগ্গসচ্চঞ্চ উপ্পজ্জিস্সতি.

(খ) যস্স ৰা পন…পে…? আমন্তা.

(খ) অনুলোমওকাসো

৮০. যত্থ দুক্খসচ্চং উপ্পজ্জিত্থ…পে….

(গ) অনুলোমপুগ্গলোকাসা

৮১. (ক) যস্স যত্থ দুক্খসচ্চং উপ্পজ্জিত্থ তস্স তত্থ সমুদযসচ্চং উপ্পজ্জিস্সতীতি?

অগ্গমগ্গসমঙ্গীনং অরহন্তানং যস্স চিত্তস্স অনন্তরা অগ্গমগ্গং পটিলভিস্সন্তি অসঞ্ঞসত্তানং তেসং তত্থ দুক্খসচ্চং উপ্পজ্জিত্থ, নো চ তেসং তত্থ সমুদযসচ্চং উপ্পজ্জিস্সতি. ইতরেসং চতুৰোকারানং পঞ্চৰোকারানং তেসং তত্থ দুক্খসচ্চঞ্চ উপ্পজ্জিত্থ সমুদযসচ্চঞ্চ উপ্পজ্জিস্সতি.

(খ) যস্স ৰা পন যত্থ সমুদযসচ্চং উপ্পজ্জিস্সতি তস্স তত্থ দুক্খসচ্চং উপ্পজ্জিত্থাতি?

সুদ্ধাৰাসং উপপজ্জন্তানং তেসং তত্থ সমুদযসচ্চং উপ্পজ্জিস্সতি, নো চ তেসং তত্থ দুক্খসচ্চং উপ্পজ্জিত্থ. ইতরেসং চতুৰোকারানং পঞ্চৰোকারানং তেসং তত্থ সমুদযসচ্চঞ্চ উপ্পজ্জিস্সতি দুক্খসচ্চঞ্চ উপ্পজ্জিত্থ.

(ক) যস্স যত্থ দুক্খসচ্চং উপ্পজ্জিত্থ তস্স তত্থ মগ্গসচ্চং উপ্পজ্জিস্সতীতি?

অগ্গমগ্গসমঙ্গীনং অরহন্তানং যে চ পুথুজ্জনা মগ্গং ন পটিলভিস্সন্তি আপাযিকানং অসঞ্ঞসত্তানং তেসং তত্থ দুক্খসচ্চং উপ্পজ্জিত্থ, নো চ তেসং তত্থ মগ্গসচ্চং উপ্পজ্জিস্সতি. যস্স চিত্তস্স অনন্তরা অগ্গমগ্গং পটিলভিস্সন্তি যে চঞ্ঞে মগ্গং পটিলভিস্সন্তি তেসং তত্থ দুক্খসচ্চঞ্চ উপ্পজ্জিত্থ মগ্গসচ্চঞ্চ উপ্পজ্জিস্সতি.

(খ) যস্স ৰা পন যত্থ মগ্গসচ্চং উপ্পজ্জিস্সতি তস্স তত্থ দুক্খসচ্চং উপ্পজ্জিত্থাতি?

সুদ্ধাৰাসং উপপজ্জন্তানং তেসং তত্থ মগ্গসচ্চং উপ্পজ্জিস্সতি, নো চ তেসং তত্থ দুক্খসচ্চং উপ্পজ্জিত্থ. যস্স চিত্তস্স অনন্তরা অগ্গমগ্গং পটিলভিস্সন্তি যে চঞ্ঞে মগ্গং পটিলভিস্সন্তি তেসং তত্থ মগ্গসচ্চঞ্চ উপ্পজ্জিস্সতি দুক্খসচ্চঞ্চ উপ্পজ্জিত্থ.

৮২. (ক) যস্স যত্থ সমুদযসচ্চং উপ্পজ্জিত্থ তস্স তত্থ মগ্গসচ্চং উপ্পজ্জিস্সতীতি?

অগ্গমগ্গসমঙ্গীনং অরহন্তানং যে চ পুথুজ্জনা মগ্গং ন পটিলভিস্সন্তি আপাযিকানং তেসং তত্থ সমুদযসচ্চং উপ্পজ্জিত্থ, নো চ তেসং তত্থ মগ্গসচ্চং উপ্পজ্জিস্সতি. যস্স চিত্তস্স অনন্তরা অগ্গমগ্গং পটিলভিস্সন্তি যে চঞ্ঞে মগ্গং পটিলভিস্সন্তি তেসং তত্থ সমুদযসচ্চঞ্চ উপ্পজ্জিত্থ মগ্গসচ্চঞ্চ উপ্পজ্জিস্সতি.

(খ) যস্স ৰা পন যত্থ মগ্গসচ্চং উপ্পজ্জিস্সতি তস্স তত্থ সমুদযসচ্চং উপ্পজ্জিত্থাতি?

সুদ্ধাৰাসানং দুতিযে চিত্তে ৰত্তমানে তেসং তত্থ মগ্গসচ্চং উপ্পজ্জিস্সতি, নো চ তেসং তত্থ সমুদযসচ্চং উপ্পজ্জিত্থ. যস্স চিত্তস্স অনন্তরা অগ্গমগ্গং পটিলভিস্সন্তি যে চঞ্ঞে মগ্গং পটিলভিস্সন্তি তেসং তত্থ মগ্গসচ্চঞ্চ উপ্পজ্জিস্সতি সমুদযসচ্চঞ্চ উপ্পজ্জিত্থ.

(ঘ) পচ্চনীকপুগ্গলো

৮৩. (ক) যস্স দুক্খসচ্চং নুপ্পজ্জিত্থ তস্স সমুদযসচ্চং নুপ্পজ্জিস্সতীতি? নত্থি.

(খ) যস্স ৰা পন সমুদযসচ্চং নুপ্পজ্জিস্সতি তস্স দুক্খসচ্চং নুপ্পজ্জিত্থাতি? উপ্পজ্জিত্থ.

(ক) যস্স দুক্খসচ্চং নুপ্পজ্জিত্থ তস্স মগ্গসচ্চং নুপ্পজ্জিস্সতীতি? নত্থি.

(খ) যস্স ৰা পন মগ্গসচ্চং নুপ্পজ্জিস্সতি তস্স দুক্খসচ্চং নুপ্পজ্জিত্থাতি? উপ্পজ্জিত্থ.

৮৪. (ক) যস্স সমুদযসচ্চং নুপ্পজ্জিত্থ তস্স মগ্গসচ্চং নুপ্পজ্জিস্সতীতি? নত্থি.

(খ) যস্স ৰা পন মগ্গসচ্চং নুপ্পজ্জিস্সতি তস্স সমুদযসচ্চং নুপ্পজ্জিত্থাতি? উপ্পজ্জিত্থ.

(ঙ) পচ্চনীকওকাসো

৮৫. যত্থ দুক্খসচ্চং নুপ্পজ্জিত্থ…পে….

(চ) পচ্চনীকপুগ্গলোকাসা

৮৬. (ক) যস্স যত্থ দুক্খসচ্চং নুপ্পজ্জিত্থ তস্স তত্থ সমুদযসচ্চং নুপ্পজ্জিস্সতীতি? উপ্পজ্জিস্সতি.

(খ) যস্স ৰা পন যত্থ সমুদযসচ্চং নুপ্পজ্জিস্সতি তস্স তত্থ দুক্খসচ্চং নুপ্পজ্জিত্থাতি? উপ্পজ্জিত্থ.

(ক) যস্স যত্থ দুক্খসচ্চং নুপ্পজ্জিত্থ তস্স তত্থ মগ্গসচ্চং নুপ্পজ্জিস্সতীতি? উপ্পজ্জিস্সতি.

(খ) যস্স ৰা পন যত্থ মগ্গসচ্চং নুপ্পজ্জিস্সতি তস্স তত্থ দুক্খসচ্চং নুপ্পজ্জিত্থাতি? উপ্পজ্জিত্থ.

৮৭. (ক) যস্স যত্থ সমুদযসচ্চং নুপ্পজ্জিত্থ তস্স তত্থ মগ্গসচ্চং নুপ্পজ্জিস্সতীতি?

সুদ্ধাৰাসানং দুতিযে চিত্তে ৰত্তমানে তেসং তত্থ সমুদযসচ্চং নুপ্পজ্জিত্থ, নো চ তেসং তত্থ মগ্গসচ্চং নুপ্পজ্জিস্সতি. অসঞ্ঞসত্তানং তেসং তত্থ সমুদযসচ্চঞ্চ নুপ্পজ্জিত্থ মগ্গসচ্চঞ্চ নুপ্পজ্জিস্সতি.

(খ) যস্স ৰা পন যত্থ মগ্গসচ্চং নুপ্পজ্জিস্সতি তস্স তত্থ সমুদযসচ্চং নুপ্পজ্জিত্থাতি?

অগ্গমগ্গসমঙ্গীনং অরহন্তানং যে চ পুথুজ্জনা মগ্গং ন পটিলভিস্সন্তি আপাযিকানং তেসং তত্থ মগ্গসচ্চং নুপ্পজ্জিস্সতি, নো চ তেসং তত্থ সমুদযসচ্চং নুপ্পজ্জিত্থ. অসঞ্ঞসত্তানং তেসং তত্থ মগ্গসচ্চঞ্চ নুপ্পজ্জিস্সতি সমুদযসচ্চঞ্চ নুপ্পজ্জিত্থ.

উপ্পাদৰারো.