(৪) পচ্চুপ্পন্নাতীতৰারো

(ক) অনুলোমপুগ্গলো

৫৮. (ক) যস্স দুক্খসচ্চং উপ্পজ্জতি তস্স সমুদযসচ্চং উপ্পজ্জিত্থাতি? আমন্তা.

(খ) যস্স ৰা পন সমুদযসচ্চং উপ্পজ্জিত্থ তস্স দুক্খসচ্চং উপ্পজ্জতীতি?

সব্বেসং চৰন্তানং পৰত্তে চিত্তস্স ভঙ্গক্খণে অরূপে মগ্গস্স চ ফলস্স চ উপ্পাদক্খণে তেসং সমুদযসচ্চং উপ্পজ্জিত্থ, নো চ তেসং দুক্খসচ্চং উপ্পজ্জতি. সব্বেসং উপপজ্জন্তানং পৰত্তে চিত্তস্স উপ্পাদক্খণে তেসং সমুদযসচ্চঞ্চ উপ্পজ্জিত্থ দুক্খসচ্চঞ্চ উপ্পজ্জতি.

(ক) যস্স দুক্খসচ্চং উপ্পজ্জতি তস্স মগ্গসচ্চং উপ্পজ্জিত্থাতি? অনভিসমেতাৰীনং উপপজ্জন্তানং পৰত্তে চিত্তস্স উপ্পাদক্খণে তেসং দুক্খসচ্চং উপ্পজ্জতি, নো চ তেসং মগ্গসচ্চং উপ্পজ্জিত্থ. অভিসমেতাৰীনং উপপজ্জন্তানং পৰত্তে চিত্তস্স উপ্পাদক্খণে তেসং দুক্খসচ্চঞ্চ উপ্পজ্জতি মগ্গসচ্চঞ্চ উপ্পজ্জিত্থ.

(খ) যস্স ৰা পন মগ্গসচ্চং উপ্পজ্জিত্থ তস্স দুক্খসচ্চং উপ্পজ্জতীতি?

অভিসমেতাৰীনং চৰন্তানং পৰত্তে চিত্তস্স ভঙ্গক্খণে অরূপে মগ্গস্স চ ফলস্স চ উপ্পাদক্খণে তেসং মগ্গসচ্চং উপ্পজ্জিত্থ, নো চ তেসং দুক্খসচ্চং উপ্পজ্জতি. অভিসমেতাৰীনং উপপজ্জন্তানং পৰত্তে চিত্তস্স উপ্পাদক্খণে তেসং মগ্গসচ্চঞ্চ উপ্পজ্জিত্থ দুক্খসচ্চঞ্চ উপ্পজ্জতি.

৫৯. (ক) যস্স সমুদযসচ্চং উপ্পজ্জতি তস্স মগ্গসচ্চং উপ্পজ্জিত্থাতি?

অনভিসমেতাৰীনং তণ্হায উপ্পাদক্খণে তেসং সমুদযসচ্চং উপ্পজ্জতি, নো চ তেসং মগ্গসচ্চং উপ্পজ্জিত্থ. অভিসমেতাৰীনং তণ্হায উপ্পাদক্খণে তেসং সমুদযসচ্চঞ্চ উপ্পজ্জতি মগ্গসচ্চঞ্চ উপ্পজ্জিত্থ.

(খ) যস্স ৰা পন মগ্গসচ্চং উপ্পজ্জিত্থ তস্স সমুদযসচ্চং উপ্পজ্জতীতি?

অভিসমেতাৰীনং তণ্হায ভঙ্গক্খণে তণ্হাৰিপ্পযুত্তচিত্তে ৰত্তমানে নিরোধসমাপন্নানং তেসং মগ্গসচ্চং উপ্পজ্জিত্থ, নো চ তেসং সমুদযসচ্চং উপ্পজ্জতি. অভিসমেতাৰীনং তণ্হায উপ্পাদক্খণে তেসং মগ্গসচ্চঞ্চ উপ্পজ্জিত্থ সমুদযসচ্চঞ্চ উপ্পজ্জতি.

(খ) অনুলোমওকাসো

৬০. যত্থ দুক্খসচ্চং উপ্পজ্জতি…পে… (যত্থকা সদিসা সব্বে).

(গ) অনুলোমপুগ্গলোকাসা

৬১. (ক) যস্স যত্থ দুক্খসচ্চং উপ্পজ্জতি তস্স তত্থ সমুদযসচ্চং উপ্পজ্জিত্থাতি?

সুদ্ধাৰাসানং উপপত্তিচিত্তস্স [উপ্পত্তিচিত্তস্স (স্যা.)] উপ্পাদক্খণে অসঞ্ঞসত্তং উপপজ্জন্তানং তেসং তত্থ দুক্খসচ্চং উপ্পজ্জতি, নো চ তেসং তত্থ সমুদযসচ্চং উপ্পজ্জিত্থ. ইতরেসং চতুৰোকারং পঞ্চৰোকারং উপপজ্জন্তানং পৰত্তে চিত্তস্স উপ্পাদক্খণে তেসং তত্থ দুক্খসচ্চঞ্চ উপ্পজ্জতি সমুদযসচ্চঞ্চ উপ্পজ্জিত্থ.

(খ) যস্স ৰা পন যত্থ সমুদযসচ্চং উপ্পজ্জিত্থ তস্স তত্থ দুক্খসচ্চং উপ্পজ্জতীতি?

চতুৰোকারা পঞ্চৰোকারা চৰন্তানং পৰত্তে চিত্তস্স ভঙ্গক্খণে অরূপে মগ্গস্স চ ফলস্স চ উপ্পাদক্খণে তেসং তত্থ সমুদযসচ্চং উপ্পজ্জিত্থ, নো চ তেসং তত্থ দুক্খসচ্চং উপ্পজ্জতি. চতুৰোকারং পঞ্চৰোকারং উপপজ্জন্তানং পৰত্তে চিত্তস্স উপ্পাদক্খণে তেসং তত্থ সমুদযসচ্চঞ্চ উপ্পজ্জিত্থ দুক্খসচ্চঞ্চ উপ্পজ্জতি.

(ক) যস্স যত্থ দুক্খসচ্চং উপ্পজ্জতি তস্স তত্থ মগ্গসচ্চং উপ্পজ্জিত্থাতি?

সুদ্ধাৰাসানং উপপত্তিচিত্তস্স উপ্পাদক্খণে অনভিসমেতাৰীনং উপপজ্জন্তানং পৰত্তে চিত্তস্স উপ্পাদক্খণে অসঞ্ঞসত্তং উপপজ্জন্তানং তেসং তত্থ দুক্খসচ্চং উপ্পজ্জতি, নো চ তেসং তত্থ মগ্গসচ্চং উপ্পজ্জিত্থ. অভিসমেতাৰীনং উপপজ্জন্তানং পৰত্তে চিত্তস্স উপ্পাদক্খণে তেসং তত্থ দুক্খসচ্চঞ্চ উপ্পজ্জতি মগ্গসচ্চঞ্চ উপ্পজ্জিত্থ.

(খ) যস্স ৰা পন যত্থ মগ্গসচ্চং উপ্পজ্জিত্থ তস্স তত্থ দুক্খসচ্চং উপ্পজ্জতীতি?

অভিসমেতাৰীনং চৰন্তানং পৰত্তে চিত্তস্স ভঙ্গক্খণে অরূপে মগ্গস্স চ ফলস্স চ উপ্পাদক্খণে তেসং তত্থ মগ্গসচ্চং উপ্পজ্জিত্থ, নো চ তেসং তত্থ দুক্খসচ্চং উপ্পজ্জতি. অভিসমেতাৰীনং উপপজ্জন্তানং পৰত্তে চিত্তস্স উপ্পাদক্খণে তেসং তত্থ মগ্গসচ্চঞ্চ উপ্পজ্জিত্থ দুক্খসচ্চঞ্চ উপ্পজ্জতি.

৬২. (ক) যস্স যত্থ সমুদযসচ্চং উপ্পজ্জতি তস্স তত্থ মগ্গসচ্চং উপ্পজ্জিত্থাতি?

অনভিসমেতাৰীনং তণ্হায উপ্পাদক্খণে তেসং তত্থ সমুদযসচ্চং উপ্পজ্জতি, নো চ তেসং তত্থ মগ্গসচ্চং উপ্পজ্জিত্থ. অভিসমেতাৰীনং তণ্হায উপ্পাদক্খণে তেসং তত্থ সমুদযসচ্চঞ্চ উপ্পজ্জতি মগ্গসচ্চঞ্চ উপ্পজ্জিত্থ.

(খ) যস্স ৰা পন যত্থ মগ্গসচ্চং উপ্পজ্জিত্থ তস্স তত্থ সমুদযসচ্চং উপ্পজ্জতীতি?

অভিসমেতাৰীনং তণ্হায ভঙ্গক্খণে তণ্হাৰিপ্পযুত্তচিত্তে ৰত্তমানে তেসং তত্থ মগ্গসচ্চং উপ্পজ্জিত্থ, নো চ তেসং তত্থ সমুদযসচ্চং উপ্পজ্জতি. অভিসমেতাৰীনং তণ্হায উপ্পাদক্খণে তেসং তত্থ মগ্গসচ্চঞ্চ উপ্পজ্জিত্থ সমুদযসচ্চঞ্চ উপ্পজ্জতি.

(ঘ) পচ্চনীকপুগ্গলো

৬৩. (ক) যস্স দুক্খসচ্চং নুপ্পজ্জতি তস্স সমুদযসচ্চং নুপ্পজ্জিত্থাতি?

উপ্পজ্জিত্থ.

(খ) যস্স ৰা পন সমুদযসচ্চং নুপ্পজ্জিত্থ তস্স দুক্খসচ্চং নুপ্পজ্জতীতি? নত্থি.

(ক) যস্স দুক্খসচ্চং নুপ্পজ্জতি তস্স মগ্গসচ্চং নুপ্পজ্জিত্থাতি?

অভিসমেতাৰীনং চৰন্তানং পৰত্তে চিত্তস্স ভঙ্গক্খণে অরূপে মগ্গস্স চ ফলস্স চ উপ্পাদক্খণে তেসং দুক্খসচ্চং নুপ্পজ্জতি, নো চ তেসং মগ্গসচ্চং নুপ্পজ্জিত্থ. অনভিসমেতাৰীনং চৰন্তানং পৰত্তে চিত্তস্স ভঙ্গক্খণে তেসং দুক্খসচ্চঞ্চ নুপ্পজ্জতি মগ্গসচ্চঞ্চ নুপ্পজ্জিত্থ.

(খ) যস্স ৰা পন মগ্গসচ্চং নুপ্পজ্জিত্থ তস্স দুক্খসচ্চং নুপ্পজ্জতীতি?

অনভিসমেতাৰীনং উপপজ্জন্তানং পৰত্তে চিত্তস্স উপ্পাদক্খণে তেসং মগ্গসচ্চং নুপ্পজ্জিত্থ, নো চ তেসং দুক্খসচ্চং নুপ্পজ্জতি. অনভিসমেতাৰীনং চৰন্তানং পৰত্তে চিত্তস্স ভঙ্গক্খণে তেসং মগ্গসচ্চঞ্চ নুপ্পজ্জিত্থ দুক্খসচ্চঞ্চ নুপ্পজ্জতি.

৬৪. (ক) যস্স সমুদযসচ্চং নুপ্পজ্জতি তস্স মগ্গসচ্চং নুপ্পজ্জিত্থাতি?

অভিসমেতাৰীনং তণ্হায ভঙ্গক্খণে তণ্হাৰিপ্পযুত্তচিত্তে ৰত্তমানে নিরোধসমাপন্নানং তেসং সমুদযসচ্চং নুপ্পজ্জতি, নো চ তেসং মগ্গসচ্চং নুপ্পজ্জিত্থ. অনভিসমেতাৰীনং তণ্হায ভঙ্গক্খণে তণ্হাৰিপ্পযুত্তচিত্তে ৰত্তমানে অসঞ্ঞসত্তানং তেসং সমুদযসচ্চঞ্চ নুপ্পজ্জতি মগ্গসচ্চঞ্চ নুপ্পজ্জিত্থ.

(খ) যস্স ৰা পন মগ্গসচ্চং নুপ্পজ্জিত্থ তস্স সমুদযসচ্চং নুপ্পজ্জতীতি?

অনভিসমেতাৰীনং তণ্হায উপ্পাদক্খণে তেসং মগ্গসচ্চং নুপ্পজ্জিত্থ, নো চ তেসং সমুদযসচ্চং নুপ্পজ্জতি. অনভিসমেতাৰীনং তণ্হায ভঙ্গক্খণে তণ্হাৰিপ্পযুত্তচিত্তে ৰত্তমানে অসঞ্ঞসত্তানং তেসং মগ্গসচ্চঞ্চ নুপ্পজ্জিত্থ সমুদযসচ্চঞ্চ নুপ্পজ্জতি.

(ঙ) পচ্চনীকওকাসো

৬৫. যত্থ দুক্খসচ্চং নুপ্পজ্জতি…পে….

(চ) পচ্চনীকপুগ্গলোকাসা

৬৬. (ক) যস্স যত্থ দুক্খসচ্চং নুপ্পজ্জতি তস্স তত্থ সমুদযসচ্চং নুপ্পজ্জিত্থাতি?

চতুৰোকারা পঞ্চৰোকারা চৰন্তানং পৰত্তে চিত্তস্স ভঙ্গক্খণে অরূপে মগ্গস্স চ ফলস্স চ উপ্পাদক্খণে তেসং তত্থ দুক্খসচ্চং নুপ্পজ্জতি, নো চ তেসং তত্থ সমুদযসচ্চং নুপ্পজ্জিত্থ. সুদ্ধাৰাসানং উপপত্তিচিত্তস্স ভঙ্গক্খণে অসঞ্ঞসত্তা চৰন্তানং তেসং তত্থ দুক্খসচ্চঞ্চ নুপ্পজ্জতি সমুদযসচ্চঞ্চ নুপ্পজ্জিত্থ.

(খ) যস্স ৰা পন যত্থ সমুদযসচ্চং নুপ্পজ্জিত্থ তস্স তত্থ দুক্খসচ্চং নুপ্পজ্জতীতি?

সুদ্ধাৰাসানং উপপত্তিচিত্তস্স উপ্পাদক্খণে অসঞ্ঞসত্তং উপপজ্জন্তানং তেসং তত্থ সমুদযসচ্চং নুপ্পজ্জিত্থ, নো চ তেসং তত্থ দুক্খসচ্চং নুপ্পজ্জতি. সুদ্ধাৰাসানং উপপত্তিচিত্তস্স ভঙ্গক্খণে অসঞ্ঞসত্তা চৰন্তানং তেসং তত্থ সমুদযসচ্চঞ্চ নুপ্পজ্জিত্থ দুক্খসচ্চঞ্চ নুপ্পজ্জতি.

(ক) যস্স যত্থ দুক্খসচ্চং নুপ্পজ্জতি তস্স তত্থ মগ্গসচ্চং নুপ্পজ্জিত্থাতি?

অভিসমেতাৰীনং চৰন্তানং পৰত্তে চিত্তস্স ভঙ্গক্খণে অরূপে মগ্গস্স চ ফলস্স চ উপ্পাদক্খণে তেসং তত্থ দুক্খসচ্চং নুপ্পজ্জতি, নো চ তেসং তত্থ মগ্গসচ্চং নুপ্পজ্জিত্থ. সুদ্ধাৰাসানং উপপত্তিচিত্তস্স ভঙ্গক্খণে অনভিসমেতাৰীনং চৰন্তানং পৰত্তে চিত্তস্স ভঙ্গক্খণে অসঞ্ঞসত্তা চৰন্তানং তেসং তত্থ দুক্খসচ্চঞ্চ নুপ্পজ্জতি মগ্গসচ্চঞ্চ নুপ্পজ্জিত্থ.

(খ) যস্স ৰা পন যত্থ মগ্গসচ্চং নুপ্পজ্জিত্থ তস্স তত্থ দুক্খসচ্চং নুপ্পজ্জতীতি?

সুদ্ধাৰাসানং উপপত্তিচিত্তস্স উপ্পাদক্খণে অনভিসমেতাৰীনং উপপজ্জন্তানং পৰত্তে চিত্তস্স উপ্পাদক্খণে অসঞ্ঞসত্তং উপপজ্জন্তানং তেসং তত্থ মগ্গসচ্চং নুপ্পজ্জিত্থ, নো চ তেসং তত্থ দুক্খসচ্চং নুপ্পজ্জতি. সুদ্ধাৰাসানং উপপত্তিচিত্তস্স ভঙ্গক্খণে অনভিসমেতাৰীনং চৰন্তানং পৰত্তে চিত্তস্স ভঙ্গক্খণে অসঞ্ঞসত্তা চৰন্তানং তেসং তত্থ মগ্গসচ্চঞ্চ নুপ্পজ্জিত্থ দুক্খসচ্চঞ্চ নুপ্পজ্জতি.

৬৭. (ক) যস্স যত্থ সমুদযসচ্চং নুপ্পজ্জতি তস্স তত্থ মগ্গসচ্চং নুপ্পজ্জিত্থাতি?

অভিসমেতাৰীনং তণ্হায ভঙ্গক্খণে তণ্হাৰিপ্পযুত্তচিত্তে ৰত্তমানে তেসং তত্থ সমুদযসচ্চং নুপ্পজ্জতি, নো চ তেসং তত্থ মগ্গসচ্চং নুপ্পজ্জিত্থ. সুদ্ধাৰাসানং দুতিযে চিত্তে ৰত্তমানে অনভিসমেতাৰীনং তণ্হায ভঙ্গক্খণে তণ্হাৰিপ্পযুত্তচিত্তে ৰত্তমানে অসঞ্ঞসত্তানং তেসং তত্থ সমুদযসচ্চঞ্চ নুপ্পজ্জতি মগ্গসচ্চঞ্চ নুপ্পজ্জিত্থ.

(খ) যস্স ৰা পন যত্থ মগ্গসচ্চং নুপ্পজ্জিত্থ তস্স তত্থ সমুদযসচ্চং নুপ্পজ্জতীতি?

অনভিসমেতাৰীনং তণ্হায উপ্পাদক্খণে তেসং তত্থ মগ্গসচ্চং নুপ্পজ্জিত্থ, নো চ তেসং তত্থ সমুদযসচ্চং নুপ্পজ্জতি. সুদ্ধাৰাসানং দুতিযে চিত্তে ৰত্তমানে অনভিসমেতাৰীনং তণ্হায ভঙ্গক্খণে তণ্হাৰিপ্পযুত্তচিত্তে ৰত্তমানে অসঞ্ঞসত্তানং তেসং তত্থ মগ্গসচ্চঞ্চ নুপ্পজ্জিত্থ সমুদযসচ্চঞ্চ নুপ্পজ্জতি.