(১) পচ্চুপ্পন্নৰারো

(ক) অনুলোমপুগ্গলো

১৫৩. (ক) যস্স রূপক্খন্ধো উপ্পজ্জতি তস্স ৰেদনাক্খন্ধো নিরুজ্ঝতীতি? নো.

(খ) যস্স ৰা পন ৰেদনাক্খন্ধো নিরুজ্ঝতি তস্স রূপক্খন্ধো উপ্পজ্জতীতি? নো.

১৫৪. (ক) যস্স ৰেদনাক্খন্ধো উপ্পজ্জতি তস্স সঞ্ঞাক্খন্ধো নিরুজ্ঝতীতি? নো.

(খ) যস্স ৰা পন সঞ্ঞাক্খন্ধো নিরুজ্ঝতি তস্স ৰেদনাক্খন্ধো উপ্পজ্জতীতি? নো.

(খ) অনুলোমওকাসো

১৫৫. (ক) যত্থ রূপক্খন্ধো উপ্পজ্জতি তত্থ ৰেদনাক্খন্ধো নিরুজ্ঝতীতি?

অসঞ্ঞসত্তে তত্থ রূপক্খন্ধো উপ্পজ্জতি, নো চ তত্থ ৰেদনাক্খন্ধো নিরুজ্ঝতি. পঞ্চৰোকারে তত্থ রূপক্খন্ধো চ উপ্পজ্জতি ৰেদনাক্খন্ধো চ নিরুজ্ঝতি.

(খ) যত্থ ৰা পন ৰেদনাক্খন্ধো নিরুজ্ঝতি তত্থ রূপক্খন্ধো উপ্পজ্জতীতি?

অরূপে তত্থ ৰেদনাক্খন্ধো নিরুজ্ঝতি, নো চ তত্থ রূপক্খন্ধো উপ্পজ্জতি. পঞ্চৰোকারে তত্থ ৰেদনাক্খন্ধো চ নিরুজ্ঝতি রূপক্খন্ধো চ উপ্পজ্জতি.

১৫৬. (ক) যত্থ ৰেদনাক্খন্ধো উপ্পজ্জতি তত্থ সঞ্ঞাক্খন্ধো নিরুজ্ঝতীতি? আমন্তা.

(খ) যত্থ ৰা পন সঞ্ঞাক্খন্ধো নিরুজ্ঝতি তত্থ ৰেদনাক্খন্ধো উপ্পজ্জতীতি? আমন্তা.

(গ) অনুলোমপুগ্গলোকাসা

১৫৭. (ক) যস্স যত্থ রূপক্খন্ধো উপ্পজ্জতি তস্স তত্থ ৰেদনাক্খন্ধো নিরুজ্ঝতীতি? নো.

(খ) যস্স ৰা পন যত্থ ৰেদনাক্খন্ধো নিরুজ্ঝতি তস্স তত্থ রূপক্খন্ধো উপ্পজ্জতীতি? নো.

১৫৮. (ক) যস্স যত্থ ৰেদনাক্খন্ধো উপ্পজ্জতি তস্স তত্থ সঞ্ঞাক্খন্ধো নিরুজ্ঝতীতি? নো.

(খ) যস্স ৰা পন যত্থ সঞ্ঞাক্খন্ধো নিরুজ্ঝতি তস্স তত্থ ৰেদনাক্খন্ধো উপ্পজ্জতীতি? নো.

(ঘ) পচ্চনীকপুগ্গলো

১৫৯. (ক) যস্স রূপক্খন্ধো নুপ্পজ্জতি তস্স ৰেদনাক্খন্ধো ন নিরুজ্ঝতীতি?

চতুৰোকারা পঞ্চৰোকারা চৰন্তানং তেসং রূপক্খন্ধো নুপ্পজ্জতি, নো চ তেসং ৰেদনাক্খন্ধো ন নিরুজ্ঝতি. অরূপং উপপজ্জন্তানং অসঞ্ঞসত্তা চৰন্তানং তেসং রূপক্খন্ধো চ নুপ্পজ্জতি ৰেদনাক্খন্ধো চ ন নিরুজ্ঝতি.

(খ) যস্স ৰা পন ৰেদনাক্খন্ধো ন নিরুজ্ঝতি তস্স রূপক্খন্ধো নুপ্পজ্জতীতি?

পঞ্চৰোকারং উপপজ্জন্তানং অসঞ্ঞসত্তং উপপজ্জন্তানং তেসং ৰেদনাক্খন্ধো ন নিরুজ্ঝতি, নো চ তেসং রূপক্খন্ধো নুপ্পজ্জতি. অরূপং উপপজ্জন্তানং অসঞ্ঞসত্তা চৰন্তানং তেসং ৰেদনাক্খন্ধো চ ন নিরুজ্ঝতি রূপক্খন্ধো চ নুপ্পজ্জতি.

১৬০. (ক) যস্স ৰেদনাক্খন্ধো নুপ্পজ্জতি তস্স সঞ্ঞাক্খন্ধো ন নিরুজ্ঝতীতি?

চতুৰোকারা পঞ্চৰোকারা চৰন্তানং তেসং ৰেদনাক্খন্ধো নুপ্পজ্জতি, নো চ তেসং সঞ্ঞাক্খন্ধো ন নিরুজ্ঝতি. অসঞ্ঞসত্তানং তেসং ৰেদনাক্খন্ধো চ নুপ্পজ্জতি সঞ্ঞাক্খন্ধো চ ন নিরুজ্ঝতি.

(খ) যস্স ৰা পন সঞ্ঞাক্খন্ধো ন নিরুজ্ঝতি তস্স ৰেদনাক্খন্ধো নুপ্পজ্জতীতি?

চতুৰোকারং পঞ্চৰোকারং উপপজ্জন্তানং তেসং সঞ্ঞাক্খন্ধো ন নিরুজ্ঝতি, নো চ তেসং ৰেদনাক্খন্ধো নুপ্পজ্জতি. অসঞ্ঞসত্তানং তেসং সঞ্ঞাক্খন্ধো চ ন নিরুজ্ঝতি ৰেদনাক্খন্ধো চ নুপ্পজ্জতি.

(ঙ) পচ্চনীকওকাসো

১৬১. (ক) যত্থ রূপক্খন্ধো নুপ্পজ্জতি তত্থ ৰেদনাক্খন্ধো ন নিরুজ্ঝতীতি? নিরুজ্ঝতি.

(খ) যত্থ ৰা পন ৰেদনাক্খন্ধো ন নিরুজ্ঝতি তত্থ রূপক্খন্ধো নুপ্পজ্জতীতি? উপ্পজ্জতি.

১৬২. (ক) যত্থ ৰেদনাক্খন্ধো নুপ্পজ্জতি তত্থ সঞ্ঞাক্খন্ধো ন নিরুজ্ঝতীতি? আমন্তা.

(খ) যত্থ ৰা পন সঞ্ঞাক্খন্ধো ন নিরুজ্ঝতি তত্থ ৰেদনাক্খন্ধো নুপ্পজ্জতীতি? আমন্তা.

(চ) পচ্চনীকপুগ্গলোকাসা

১৬৩. (ক) যস্স যত্থ রূপক্খন্ধো নুপ্পজ্জতি তস্স তত্থ ৰেদনাক্খন্ধো ন নিরুজ্ঝতীতি?

চতুৰোকারা পঞ্চৰোকারা চৰন্তানং তেসং তত্থ রূপক্খন্ধো নুপ্পজ্জতি, নো চ তেসং তত্থ ৰেদনাক্খন্ধো ন নিরুজ্ঝতি. অরূপং উপপজ্জন্তানং অসঞ্ঞসত্তা চৰন্তানং তেসং তত্থ রূপক্খন্ধো নুপ্পজ্জতি ৰেদনাক্খন্ধো চ ন নিরুজ্ঝতি.

(খ) যস্স ৰা পন যত্থ ৰেদনাক্খন্ধো ন নিরুজ্ঝতি তস্স তত্থ রূপক্খন্ধো নুপ্পজ্জতীতি?

পঞ্চৰোকারং উপপজ্জন্তানং অসঞ্ঞসত্তং উপপজ্জন্তানং তেসং তত্থ ৰেদনাক্খন্ধো ন নিরুজ্ঝতি, নো চ তেসং তত্থ রূপক্খন্ধো নুপ্পজ্জতি. অরূপং উপপজ্জন্তানং অসঞ্ঞসত্তা চৰন্তানং তেসং তত্থ ৰেদনাক্খন্ধো চ ন নিরুজ্ঝতি রূপক্খন্ধো চ নুপ্পজ্জতি.

১৬৪. (ক) যস্স যত্থ ৰেদনাক্খন্ধো নুপ্পজ্জতি তস্স তত্থ সঞ্ঞাক্খন্ধো ন নিরুজ্ঝতীতি?

চতুৰোকারা পঞ্চৰোকারা চৰন্তানং তেসং তত্থ ৰেদনাক্খন্ধো নুপ্পজ্জতি, নো চ তেসং তত্থ সঞ্ঞাক্খন্ধো ন নিরুজ্ঝতি. অসঞ্ঞসত্তানং তেসং তত্থ ৰেদনাক্খন্ধো চ নুপ্পজ্জতি সঞ্ঞাক্খন্ধো চ ন নিরুজ্ঝতি.

(খ) যস্স ৰা পন যত্থ সঞ্ঞাক্খন্ধো ন নিরুজ্ঝতি তস্স তত্থ ৰেদনাক্খন্ধো নুপ্পজ্জতীতি?

চতুৰোকারং পঞ্চৰোকারং উপপজ্জন্তানং তেসং তত্থ সঞ্ঞাক্খন্ধো ন নিরুজ্ঝতি, নো চ তেসং তত্থ ৰেদনাক্খন্ধো নুপ্পজ্জতি. অসঞ্ঞসত্তানং তেসং তত্থ সঞ্ঞাক্খন্ধো চ ন নিরুজ্ঝতি ৰেদনাক্খন্ধো চ নুপ্পজ্জতি.