(৫) পচ্চুপ্পন্নানাগতৰারো

(ক) অনুলোমপুগ্গলো

৮০. (ক) যস্স রূপক্খন্ধো উপ্পজ্জতি তস্স ৰেদনাক্খন্ধো উপ্পজ্জিস্সতীতি?

পচ্ছিমভৰিকানং পঞ্চৰোকারং উপপজ্জন্তানং তেসং রূপক্খন্ধো উপ্পজ্জতি, নো চ তেসং ৰেদনাক্খন্ধো উপ্পজ্জিস্সতি. ইতরেসং পঞ্চৰোকারং উপপজ্জন্তানং অসঞ্ঞসত্তং উপপজ্জন্তানং তেসং রূপক্খন্ধো চ উপ্পজ্জতি ৰেদনাক্খন্ধো চ উপ্পজ্জিস্সতি.

(খ) যস্স ৰা পন ৰেদনাক্খন্ধো উপ্পজ্জিস্সতি তস্স রূপক্খন্ধো উপ্পজ্জতীতি?

সব্বেসং চৰন্তানং অরূপং উপপজ্জন্তানং তেসং ৰেদনাক্খন্ধো উপ্পজ্জিস্সতি, নো চ তেসং রূপক্খন্ধো উপ্পজ্জতি. পঞ্চৰোকারং উপপজ্জন্তানং অসঞ্ঞসত্তং উপপজ্জন্তানং তেসং ৰেদনাক্খন্ধো চ উপ্পজ্জিস্সতি রূপক্খন্ধো চ উপ্পজ্জতি.

৮১. (ক) যস্স ৰেদনাক্খন্ধো উপ্পজ্জতি তস্স সঞ্ঞাক্খন্ধো উপ্পজ্জিস্সতীতি?

পচ্ছিমভৰিকানং উপপজ্জন্তানং তেসং ৰেদনাক্খন্ধো উপ্পজ্জতি, নো চ তেসং সঞ্ঞাক্খন্ধো উপ্পজ্জিস্সতি. ইতরেসং চতুৰোকারং পঞ্চৰোকারং উপপজ্জন্তানং তেসং ৰেদনাক্খন্ধো চ উপ্পজ্জতি সঞ্ঞাক্খন্ধো চ উপ্পজ্জিস্সতি.

(খ) যস্স ৰা পন সঞ্ঞাক্খন্ধো উপ্পজ্জিস্সতি তস্স ৰেদনাক্খন্ধো উপ্পজ্জতীতি?

সব্বেসং চৰন্তানং অসঞ্ঞসত্তং উপপজ্জন্তানং তেসং সঞ্ঞাক্খন্ধো উপ্পজ্জিস্সতি, নো চ তেসং ৰেদনাক্খন্ধো উপ্পজ্জতি. চতুৰোকারং পঞ্চৰোকারং উপপজ্জন্তানং তেসং সঞ্ঞাক্খন্ধো চ উপ্পজ্জিস্সতি ৰেদনাক্খন্ধো চ উপ্পজ্জতি.

(খ) অনুলোমওকাসো

৮২. (ক) যত্থ রূপক্খন্ধো উপ্পজ্জতি তত্থ ৰেদনাক্খন্ধো উপ্পজ্জিস্সতীতি?

অসঞ্ঞসত্তে তত্থ রূপক্খন্ধো উপ্পজ্জতি, নো চ তত্থ ৰেদনাক্খন্ধো উপ্পজ্জিস্সতি. পঞ্চৰোকারে তত্থ রূপক্খন্ধো চ উপ্পজ্জতি ৰেদনাক্খন্ধো চ উপ্পজ্জিস্সতি.

(খ) যত্থ ৰা পন ৰেদনাক্খন্ধো উপ্পজ্জিস্সতি তত্থ রূপক্খন্ধো উপ্পজ্জতীতি?

অরূপে তত্থ ৰেদনাক্খন্ধো উপ্পজ্জিস্সতি, নো চ তত্থ রূপক্খন্ধো উপ্পজ্জতি. পঞ্চৰোকারে তত্থ ৰেদনাক্খন্ধো চ উপ্পজ্জিস্সতি রূপক্খন্ধো চ উপ্পজ্জতি.

৮৩. (ক) যত্থ ৰেদনাক্খন্ধো উপ্পজ্জতি তত্থ সঞ্ঞাক্খন্ধো উপ্পজ্জিস্সতীতি? আমন্তা.

(খ) যত্থ ৰা পন সঞ্ঞাক্খন্ধো উপ্পজ্জিস্সতি তত্থ ৰেদনাক্খন্ধো উপ্পজ্জতীতি? আমন্তা.

(গ) অনুলোমপুগ্গলোকাসা

৮৪. (ক) যস্স যত্থ রূপক্খন্ধো উপ্পজ্জতি তস্স তত্থ ৰেদনাক্খন্ধো উপ্পজ্জিস্সতীতি?

পচ্ছিমভৰিকানং পঞ্চৰোকারং উপপজ্জন্তানং অসঞ্ঞসত্তং উপপজ্জন্তানং তেসং তত্থ রূপক্খন্ধো উপ্পজ্জতি, নো চ তেসং তত্থ ৰেদনাক্খন্ধো উপ্পজ্জিস্সতি. ইতরেসং পঞ্চৰোকারং উপপজ্জন্তানং তেসং তত্থ রূপক্খন্ধো চ উপ্পজ্জতি ৰেদনাক্খন্ধো চ উপ্পজ্জিস্সতি.

(খ) যস্স ৰা পন যত্থ ৰেদনাক্খন্ধো উপ্পজ্জিস্সতি তস্স তত্থ রূপক্খন্ধো উপ্পজ্জতীতি?

পঞ্চৰোকারা চৰন্তানং অরূপানং তেসং তত্থ ৰেদনাক্খন্ধো উপ্পজ্জিস্সতি, নো চ তেসং তত্থ রূপক্খন্ধো উপ্পজ্জতি. পঞ্চৰোকারং উপপজ্জন্তানং তেসং তত্থ ৰেদনাক্খন্ধো চ উপ্পজ্জিস্সতি রূপক্খন্ধো চ উপ্পজ্জতি.

৮৫. (ক) যস্স যত্থ ৰেদনাক্খন্ধো উপ্পজ্জতি তস্স তত্থ সঞ্ঞাক্খন্ধো উপ্পজ্জিস্সতীতি?

পচ্ছিমভৰিকানং উপপজ্জন্তানং তেসং তত্থ ৰেদনাক্খন্ধো উপ্পজ্জতি, নো চ তেসং তত্থ সঞ্ঞাক্খন্ধো উপ্পজ্জিস্সতি. ইতরেসং চতুৰোকারং পঞ্চৰোকারং উপপজ্জন্তানং তেসং তত্থ ৰেদনাক্খন্ধো চ উপ্পজ্জতি সঞ্ঞাক্খন্ধো চ উপ্পজ্জিস্সতি.

(খ) যস্স ৰা পন যত্থ সঞ্ঞাক্খন্ধো উপ্পজ্জিস্সতি তস্স তত্থ ৰেদনাক্খন্ধো উপ্পজ্জতীতি?

চতুৰোকারা পঞ্চৰোকারা চৰন্তানং তেসং তত্থ সঞ্ঞাক্খন্ধো উপ্পজ্জিস্সতি, নো চ তেসং তত্থ ৰেদনাক্খন্ধো উপ্পজ্জতি. চতুৰোকারং পঞ্চৰোকারং উপপজ্জন্তানং তেসং তত্থ সঞ্ঞাক্খন্ধো চ উপ্পজ্জিস্সতি ৰেদনাক্খন্ধো চ উপ্পজ্জতি.

(ঘ) পচ্চনীকপুগ্গলো

৮৬. (ক) যস্স রূপক্খন্ধো নুপ্পজ্জতি তস্স ৰেদনাক্খন্ধো নুপ্পজ্জিস্সতীতি?

সব্বেসং চৰন্তানং অরূপং উপপজ্জন্তানং তেসং রূপক্খন্ধো নুপ্পজ্জতি, নো চ তেসং ৰেদনাক্খন্ধো নুপ্পজ্জিস্সতি. পঞ্চৰোকারে পরিনিব্বন্তানং অরূপে পচ্ছিমভৰিকানং তেসং রূপক্খন্ধো চ নুপ্পজ্জতি ৰেদনাক্খন্ধো চ নুপ্পজ্জিস্সতি.

(খ) যস্স ৰা পন ৰেদনাক্খন্ধো নুপ্পজ্জিস্সতি তস্স রূপক্খন্ধো নুপ্পজ্জতীতি?

পচ্ছিমভৰিকানং পঞ্চৰোকারং উপপজ্জন্তানং তেসং ৰেদনাক্খন্ধো নুপ্পজ্জিস্সতি, নো চ তেসং রূপক্খন্ধো নুপ্পজ্জতি. পঞ্চৰোকারে পরিনিব্বন্তানং অরূপে পচ্ছিমভৰিকানং তেসং ৰেদনাক্খন্ধো চ নুপ্পজ্জিস্সতি রূপক্খন্ধো চ নুপ্পজ্জতি.

৮৭. (ক) যস্স ৰেদনাক্খন্ধো নুপ্পজ্জতি তস্স সঞ্ঞাক্খন্ধো নুপ্পজ্জিস্সতীতি?

সব্বেসং চৰন্তানং অসঞ্ঞসত্তং উপপজ্জন্তানং তেসং ৰেদনাক্খন্ধো নুপ্পজ্জতি, নো চ তেসং সঞ্ঞাক্খন্ধো নুপ্পজ্জিস্সতি. পরিনিব্বন্তানং তেসং ৰেদনাক্খন্ধো চ নুপ্পজ্জতি সঞ্ঞাক্খন্ধো চ নুপ্পজ্জিস্সতি.

(খ) যস্স ৰা পন সঞ্ঞাক্খন্ধো নুপ্পজ্জিস্সতি তস্স ৰেদনাক্খন্ধো নুপ্পজ্জতীতি?

পচ্ছিমভৰিকানং উপপজ্জন্তানং [পচ্ছিমভৰিকানং পঞ্চৰোকারং উপপজ্জন্তানং (সী. স্যা.)] তেসং সঞ্ঞাক্খন্ধো নুপ্পজ্জিস্সতি, নো চ তেসং ৰেদনাক্খন্ধো নুপ্পজ্জতি. পরিনিব্বন্তানং তেসং সঞ্ঞাক্খন্ধো চ নুপ্পজ্জিস্সতি ৰেদনাক্খন্ধো চ নুপ্পজ্জতি.

(ঙ) পচ্চনীকওকাসো

৮৮. (ক) যত্থ রূপক্খন্ধো নুপ্পজ্জতি তত্থ ৰেদনাক্খন্ধো নুপ্পজ্জিস্সতীতি? উপ্পজ্জিস্সতি.

(খ) যত্থ ৰা পন ৰেদনাক্খন্ধো নুপ্পজ্জিস্সতি তত্থ রূপক্খন্ধো নুপ্পজ্জতীতি? উপ্পজ্জতি.

৮৯. (ক) যত্থ ৰেদনাক্খন্ধো নুপ্পজ্জতি তত্থ সঞ্ঞাক্খন্ধো নুপ্পজ্জিস্সতীতি? আমন্তা.

(খ) যত্থ ৰা পন সঞ্ঞাক্খন্ধো নুপ্পজ্জিস্সতি তত্থ ৰেদনাক্খন্ধো নুপ্পজ্জতীতি? আমন্তা.

(চ) পচ্চনীকপুগ্গলোকাসা

৯০. (ক) যস্স যত্থ রূপক্খন্ধো নুপ্পজ্জতি তস্স তত্থ ৰেদনাক্খন্ধো নুপ্পজ্জিস্সতীতি?

পঞ্চৰোকারা চৰন্তানং অরূপানং তেসং তত্থ রূপক্খন্ধো নুপ্পজ্জতি, নো চ তেসং তত্থ ৰেদনাক্খন্ধো নুপ্পজ্জিস্সতি. পঞ্চৰোকারে পরিনিব্বন্তানং অরূপে পচ্ছিমভৰিকানং অসঞ্ঞসত্তা চৰন্তানং তেসং তত্থ রূপক্খন্ধো চ নুপ্পজ্জতি ৰেদনাক্খন্ধো চ নুপ্পজ্জিস্সতি.

(খ) যস্স ৰা পন যত্থ ৰেদনাক্খন্ধো নুপ্পজ্জিস্সতি তস্স তত্থ রূপক্খন্ধো নুপ্পজ্জতীতি?

পচ্ছিমভৰিকানং পঞ্চৰোকারং উপপজ্জন্তানং অসঞ্ঞসত্তং উপপজ্জন্তানং তেসং তত্থ ৰেদনাক্খন্ধো নুপ্পজ্জিস্সতি, নো চ তেসং তত্থ রূপক্খন্ধো নুপ্পজ্জতি. পঞ্চৰোকারে পরিনিব্বন্তানং অরূপে পচ্ছিমভৰিকানং অসঞ্ঞসত্তা চৰন্তানং তেসং তত্থ ৰেদনাক্খন্ধো চ নুপ্পজ্জিস্সতি রূপক্খন্ধো চ নুপ্পজ্জতি.

৯১. (ক) যস্স যত্থ ৰেদনাক্খন্ধো নুপ্পজ্জতি তস্স তত্থ সঞ্ঞাক্খন্ধো নুপ্পজ্জিস্সতীতি?

চতুৰোকারা পঞ্চৰোকারা চৰন্তানং তেসং তত্থ ৰেদনাক্খন্ধো নুপ্পজ্জতি, নো চ তেসং তত্থ সঞ্ঞাক্খন্ধো নুপ্পজ্জিস্সতি. পরিনিব্বন্তানং অসঞ্ঞসত্তানং তেসং তত্থ ৰেদনাক্খন্ধো চ নুপ্পজ্জতি সঞ্ঞাক্খন্ধো চ নুপ্পজ্জিস্সতি.

(খ) যস্স ৰা পন যত্থ সঞ্ঞাক্খন্ধো নুপ্পজ্জিস্সতি তস্স তত্থ ৰেদনাক্খন্ধো নুপ্পজ্জতীতি?

পচ্ছিমভৰিকানং উপপজ্জন্তানং তেসং তত্থ সঞ্ঞাক্খন্ধো নুপ্পজ্জিস্সতি, নো চ তেসং তত্থ ৰেদনাক্খন্ধো নুপ্পজ্জতি. পরিনিব্বন্তানং অসঞ্ঞসত্তানং তেসং তত্থ সঞ্ঞাক্খন্ধো চ নুপ্পজ্জিস্সতি ৰেদনাক্খন্ধো চ নুপ্পজ্জতি.