(৬) অতীতানাগতৰারো

(ক) অনুলোমপুগ্গলো

৯২. (ক) যস্স রূপক্খন্ধো উপ্পজ্জিত্থ তস্স ৰেদনাক্খন্ধো উপ্পজ্জিস্সতীতি?

পচ্ছিমভৰিকানং তেসং রূপক্খন্ধো উপ্পজ্জিত্থ, নো চ তেসং ৰেদনাক্খন্ধো উপ্পজ্জিস্সতি. ইতরেসং তেসং রূপক্খন্ধো চ উপ্পজ্জিত্থ ৰেদনাক্খন্ধো চ উপ্পজ্জিস্সতি.

(খ) যস্স ৰা পন ৰেদনাক্খন্ধো উপ্পজ্জিস্সতি তস্স রূপক্খন্ধো উপ্পজ্জিত্থাতি? আমন্তা.

৯৩. (ক) যস্স ৰেদনাক্খন্ধো উপ্পজ্জিত্থ তস্স সঞ্ঞাক্খন্ধো উপ্পজ্জিস্সতীতি?

পচ্ছিমভৰিকানং তেসং ৰেদনাক্খন্ধো উপ্পজ্জিত্থ, নো চ তেসং সঞ্ঞাক্খন্ধো উপ্পজ্জিস্সতি. ইতরেসং তেসং ৰেদনাক্খন্ধো চ উপ্পজ্জিত্থ সঞ্ঞাক্খন্ধো চ উপ্পজ্জিস্সতি.

(খ) যস্স ৰা পন সঞ্ঞাক্খন্ধো উপ্পজ্জিস্সতি তস্স ৰেদনাক্খন্ধো উপ্পজ্জিত্থাতি? আমন্তা.

(খ) অনুলোমওকাসো

৯৪. (ক) যত্থ রূপক্খন্ধো উপ্পজ্জিত্থ তত্থ ৰেদনাক্খন্ধো উপ্পজ্জিস্সতীতি?

অসঞ্ঞসত্তে তত্থ রূপক্খন্ধো উপ্পজ্জিত্থ, নো চ তত্থ ৰেদনাক্খন্ধো উপ্পজ্জিস্সতি. পঞ্চৰোকারে তত্থ রূপক্খন্ধো চ উপ্পজ্জিত্থ ৰেদনাক্খন্ধো চ উপ্পজ্জিস্সতি.

(খ) যত্থ ৰা পন ৰেদনাক্খন্ধো উপ্পজ্জিস্সতি তত্থ রূপক্খন্ধো উপ্পজ্জিত্থাতি?

অরূপে তত্থ ৰেদনাক্খন্ধো উপ্পজ্জিস্সতি, নো চ তত্থ রূপক্খন্ধো উপ্পজ্জিত্থ. পঞ্চৰোকারে তত্থ ৰেদনাক্খন্ধো চ উপ্পজ্জিস্সতি রূপক্খন্ধো চ উপ্পজ্জিত্থ.

৯৫. (ক) যত্থ ৰেদনাক্খন্ধো উপ্পজ্জিত্থ তত্থ সঞ্ঞাক্খন্ধো উপ্পজ্জিস্সতীতি? আমন্তা.

(খ) যত্থ ৰা পন সঞ্ঞাক্খন্ধো উপ্পজ্জিস্সতি তত্থ ৰেদনাক্খন্ধো উপ্পজ্জিত্থাতি? আমন্তা.

(গ) অনুলোমপুগ্গলোকাসা

৯৬. (ক) যস্স যত্থ রূপক্খন্ধো উপ্পজ্জিত্থ তস্স তত্থ ৰেদনাক্খন্ধো উপ্পজ্জিস্সতীতি?

পঞ্চৰোকারে পচ্ছিমভৰিকানং অসঞ্ঞসত্তানং তেসং তত্থ রূপক্খন্ধো উপ্পজ্জিত্থ, নো চ তেসং তত্থ ৰেদনাক্খন্ধো উপ্পজ্জিস্সতি. ইতরেসং পঞ্চৰোকারানং তেসং তত্থ রূপক্খন্ধো চ উপ্পজ্জিত্থ ৰেদনাক্খন্ধো চ উপ্পজ্জিস্সতি.

(খ) যস্স ৰা পন যত্থ ৰেদনাক্খন্ধো উপ্পজ্জিস্সতি তস্স তত্থ রূপক্খন্ধো উপ্পজ্জিত্থাতি?

অরূপানং তেসং তত্থ ৰেদনাক্খন্ধো উপ্পজ্জিস্সতি, নো চ তেসং তত্থ রূপক্খন্ধো উপ্পজ্জিত্থ. পঞ্চৰোকারানং তেসং তত্থ ৰেদনাক্খন্ধো চ উপ্পজ্জিস্সতি রূপক্খন্ধো চ উপ্পজ্জিত্থ.

৯৭. (ক) যস্স যত্থ ৰেদনাক্খন্ধো উপ্পজ্জিত্থ তস্স তত্থ সঞ্ঞাক্খন্ধো উপ্পজ্জিস্সতীতি?

পচ্ছিমভৰিকানং তেসং তত্থ ৰেদনাক্খন্ধো উপ্পজ্জিত্থ, নো চ তেসং তত্থ সঞ্ঞাক্খন্ধো উপ্পজ্জিস্সতি. ইতরেসং চতুৰোকারানং পঞ্চৰোকারানং তেসং তত্থ ৰেদনাক্খন্ধো চ উপ্পজ্জিত্থ সঞ্ঞাক্খন্ধো চ উপ্পজ্জিস্সতি.

(খ) যস্স ৰা পন যত্থ সঞ্ঞাক্খন্ধো উপ্পজ্জিস্সতি তস্স তত্থ ৰেদনাক্খন্ধো উপ্পজ্জিত্থাতি? আমন্তা.

(ঘ) পচ্চনীকপুগ্গলো

৯৮. (ক) যস্স রূপক্খন্ধো নুপ্পজ্জিত্থ তস্স ৰেদনাক্খন্ধো নুপ্পজ্জিস্সতীতি? নত্থি.

(খ) যস্স ৰা পন ৰেদনাক্খন্ধো নুপ্পজ্জিস্সতি তস্স রূপক্খন্ধো নুপ্পজ্জিত্থাতি? উপ্পজ্জিত্থ.

৯৯. (ক) যস্স ৰেদনাক্খন্ধো নুপ্পজ্জিত্থ তস্স সঞ্ঞাক্খন্ধো নুপ্পজ্জিস্সতীতি? নত্থি.

(খ) যস্স ৰা পন সঞ্ঞাক্খন্ধো নুপ্পজ্জিস্সতি তস্স ৰেদনাক্খন্ধো নুপ্পজ্জিত্থাতি? উপ্পজ্জিত্থ.

(ঙ) পচ্চনীকওকাসো

১০০. (ক) যত্থ রূপক্খন্ধো নুপ্পজ্জিত্থ তত্থ ৰেদনাক্খন্ধো নুপ্পজ্জিস্সতীতি? উপ্পজ্জিস্সতি.

(খ) যত্থ ৰা পন ৰেদনাক্খন্ধো নুপ্পজ্জিস্সতি তত্থ রূপক্খন্ধো নুপ্পজ্জিত্থাতি? উপ্পজ্জিত্থ.

১০১. (ক) যত্থ ৰেদনাক্খন্ধো নুপ্পজ্জিত্থ তত্থ সঞ্ঞাক্খন্ধো নুপ্পজ্জিস্সতীতি? আমন্তা.

(খ) যত্থ ৰা পন সঞ্ঞাক্খন্ধো নুপ্পজ্জিস্সতি তত্থ ৰেদনাক্খন্ধো নুপ্পজ্জিত্থাতি? আমন্তা.

(চ) পচ্চনীকপুগ্গলোকাসা

১০২. (ক) যস্স যত্থ রূপক্খন্ধো নুপ্পজ্জিত্থ তস্স তত্থ ৰেদনাক্খন্ধো নুপ্পজ্জিস্সতীতি?

অরূপানং তেসং তত্থ রূপক্খন্ধো নুপ্পজ্জিত্থ, নো চ তেসং তত্থ ৰেদনাক্খন্ধো নুপ্পজ্জিস্সতি. সুদ্ধাৰাসানং অরূপে পচ্ছিমভৰিকানং তেসং তত্থ রূপক্খন্ধো চ নুপ্পজ্জিত্থ ৰেদনাক্খন্ধো চ নুপ্পজ্জিস্সতি.

(খ) যস্স ৰা পন যত্থ ৰেদনাক্খন্ধো নুপ্পজ্জিস্সতি তস্স তত্থ রূপক্খন্ধো নুপ্পজ্জিত্থাতি?

পঞ্চৰোকারে পচ্ছিমভৰিকানং অসঞ্ঞসত্তানং তেসং তত্থ ৰেদনাক্খন্ধো নুপ্পজ্জিস্সতি, নো চ তেসং তত্থ রূপক্খন্ধো নুপ্পজ্জিত্থ. সুদ্ধাৰাসানং অরূপে পচ্ছিমভৰিকানং তেসং তত্থ ৰেদনাক্খন্ধো চ নুপ্পজ্জিস্সতি রূপক্খন্ধো চ নুপ্পজ্জিত্থ.

১০৩. (ক) যস্স যত্থ ৰেদনাক্খন্ধো নুপ্পজ্জিত্থ তস্স তত্থ সঞ্ঞাক্খন্ধো নুপ্পজ্জিস্সতীতি? আমন্তা.

(খ) যস্স ৰা পন যত্থ সঞ্ঞাক্খন্ধো নুপ্পজ্জিস্সতি তস্স তত্থ ৰেদনাক্খন্ধো নুপ্পজ্জিত্থাতি?

পচ্ছিমভৰিকানং তেসং তত্থ সঞ্ঞাক্খন্ধো নুপ্পজ্জিস্সতি, নো চ তেসং তত্থ ৰেদনাক্খন্ধো নুপ্পজ্জিত্থ. সুদ্ধাৰাসানং অসঞ্ঞসত্তানং তেসং তত্থ সঞ্ঞাক্খন্ধো চ নুপ্পজ্জিস্সতি ৰেদনাক্খন্ধো চ নুপ্পজ্জিত্থ.

উপ্পাদৰারো নিট্ঠিতো.